Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ULANGENG 6:3 - KITTA KAREBA MADECENG

3 Rimakkuwannanaro éngkalingai saudara-saudara, pogau'i iyaro sibawa matinulu, kuwammengngi musaléwangeng sibawa mancaji bangsa iya battowaé ri wanuwa iya sugié namacommo, pada-pada najjanciyangngé Puwang Allataalana toriyolota.

အခန်းကိုကြည့်ပါ။ ကော်ပီ




ULANGENG 6:3
25 ပူးပေါင်းရင်းမြစ်များ  

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.


Uwérékko matu wija-wija iya maéga senna'é, angkanna dé' muwi séddi tau mulléi bilangngi mennang. Pada-pada dé' naulléi tauwé bilangngi awué ri tanaé, makkuwatoniro wija-wijammu dé' matu nariyullé bilang.


Natiwini Puwangnge massu Abram nainappa makkeda ri aléna, “Itai langié, sibawa cobani bilangngi sining wéttowingngé; mappunnaiko matu wija-wija singngéga sining wéttowingngéro.”


maélo-Ka barakkakiko sibawa maona enrengngé mébbui wija-wijammu singngéga wéttowingngé ri langié sibawa singngéga kessi'é ri wiring tasi'é. Ana' eppomu nacaui matu sining balinna mennang.


Maélo-Ka mpérékko ana' eppo singngéga wéttowingngé ri langié, sibawa sininna daéraéwé maélo-Ka mpéréngngi mennang. Sininna bangsaé ri linoé méllauwi matu ri Iyya kuwammengngi Ubarakkakiwi mennang pada-pada pura Ubarakkakinna wija-wijammu.


Wija-wijammu singngégai matu awué ri tanaé. Nalowangiwi matu daérana mennang lao tulili, nanaolako sibawa wija-wijammu, maélo-Ka barakkakiwi sininna bangsaé ri linoé.


Muwérékki hukkum-Mu, oh Puwang, kuwammengngi naripogau' sibawa matinulu.


Iyakiya wija-wijanna mennang, iyanaritu sining tau Israélié, makkéana' epponi maéga senna, sibawa jumellana mennang tattambai masitta senna, angkanna pennoni wanuwa Maséré sibawa mennang.


Sibawa pura upettuini untu' tiwii mennang massu polé ri Maséré, onronna mennang ritenre, sibawa mantara'i mennang lao riséuwaé wanuwa iya sugié namacommo, wanuwanna bangsa Kanaangngé, bangsa Hét-é, Amorié, Féris-é, Héwié sibawa Yébus-é.


Iyya'é Allataalana néné-nénému, Allataalana Abraham, Ishak sibawa Yakub.” Natongkoni Musa rupanna, saba' métaui mitai Allataala.


Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.


Namuni sératu ja napogau' séddié tau madosa, tette'i tuwo mala malampé sunge'i. Karébanna, niga mapato ri Allataala, pasti pada magampangngi atuwonna.


Makkedai Puwangnge, “Palettukengngi tau iya mapatoé lao ri iyya makkedaé masennangngi matu sibawa salama'i. Napéneddingiwi matu mennang wassélé turuppuse'na.


Banna uparéntangngi mennang untu' turusi-Ka kuwammengngi Umancaji Allataalana mennang, na mennang mancaji umma'-Ku. Usuroi mennang tuwo situru parénta-parénta-Ku kuwammengngi namasennang mennang.


Macawé'nana wettunna Allataala narupai jancin-Na ri Abraham, bangsata ri Maséré' pédé' tattambani égana.


Namutuwo matu maitta ri wanuwa iya sugié namacommo, iya najjanciyangngé Puwangnge lao ri néné-nénému sibawa lao ri wija-wijanna mennang.


Polé ri onrom-Mu iya mapaccingngé ri surugaé tattiro-Na sibawa barakkakiwi umma'-Mu Israélié; barakkaki towi wanuwa sugi namacommo'é iya puraé Muwérékki situru sibawa jancim-Mu lao ri néné-nénéta.’ ”


Nainappa Mutiwiki lao kuwaé sibawa mpérékki tana iya sugié sibawa macommo'éwé.


Okii ri batu-batuéro tungke' ada polé ri hukkung-hukkungngéwé. Rékko muttama'no ri wanuwa iya sugié namacommo iya najjanciyangngé Puwangnge, Allataalana néné-nénému lao ri iko,


Maéloka tiwii mennang ri wanuwa iya sugié namacommo, pada-pada iya Uwajjanciyangngé ri néné-nénéna. Kuwaro tuwoi matu sibawa masennang nenniya lolongengngi sininna inanré iya napparelluwangngé. Iyakiya ri munri balé'i matu sibawa massompa déwata-déwata laing. Nasampéyakka matu mennang sibawa massakkarengngi assijancik-Ku,


Turusiwi sininna hukkung iya uwéréngngékko iyaé essoé, na iko sibawa wija-wijammu saléwangengngi matu sibawa matteru tuwo ri wanuwa iya nabbéréyangngé Puwang Allataalamu mancaji appunnangemmu untu' mannennungeng.”


Pogau'i iyaro sibawa matinulu. Rékko mupogau'i makkuwa, mannessai apanrémmu ri bangsa-bangsa laingngé. Rékko naéngkalingai mennang passalenna hukkung-hukkungngéro, makkedai matu, ‘Temmaka panréna sibawa accana bangsa iya battowaéro!’


Iyaro wanuwaé powassélé'i madduparupang gandong, anggoro, buwa ara, buwa dalima, pong zaitun sibawa cani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ