ULANGENG 6:2 - KITTA KAREBA MADECENG

² Sitinajai iko sibawa wija-wijammu gangka tuwona pakalebbii Puwang Allataalamu sibawa turusiwi sininna hukkun-Na iya upalettukengngékko, kuwammengngi mumalampé sunge ri wanuwaéro.

ULANGENG 6:2 ပူးပေါင်းရင်းမြစ်များ

KAJAJIYANG 18:19

Purani Upilé kuwammengngi naparéntai ana'-ana'na sibawa wija-wijanna untu' turusika sibawa pogau'i aga iya makessingngé sibawa adélé'é. Rékko napogau'i mennang gau'éro, sininna jancik-Ku lao ri Abraham Urupaiwi matu.”

KAJAJIYANG 22:12

Nakkeda Puwangnge naolai malaéka'éro, “Aja' mupeddiriwi iyaro ana'é iyaré'ga magagai. Uwissenni makkekkuwangngé makkedaé mappakalebbiko sibawa turu lao ri Iyya, nasaba dé' musampéyangngi untu' mabbéréyangngi ana'mu iya tungke''éro lao ri Iyya.”

1 ARUNG-NGARUNG 8:40

kuwammengngi natuli mapato umma'-Mu lao ri Iko ri wettu monrona mupa ri wanuwa iya Muwéréngngéngngi lao ri toriyolota.

AYUB 28:28

Makkedai Allataala lao ri tolinoé, “Untu' lolongeng pangissengeng, harusu'i mupakalebbi Allataala. Untu' mulléi pahangngi, harusu'ko mabélaiwi jaé.”

MAZMUR 111:10

Nigi-nigi macinna mancaji mapanré harusu'i pakalebbii Puwangnge, mabbéréi pappahang lao ri sininna tau iya mapatoé. Ripojiwi Puwangnge sillampé wettué!

MAZMUR 128:1

Elong ziyara. Masennangngi tau iya mateppe'é sibawa tuwo situru paréntana Allataala.

MAZMUR 91:16

Upésennangiwi matu sibawa umuru malampé, sibawa Upassamala'i.”

ASSURENG 20:12

Pakalebbii ambo' indo'mu, kuwammengngi musaléwangeng sibawa malampé umuru ri wanuwa iya Uwéréngngékko matu.

ASSURENG 20:20

Nappébali Musa, “Aja' mumétau. Poléi Allataala banna untu' cobaiko kuwammengngi mutette turusiwi, sibawa dé' mumadosa.”

AMSAL 16:6

Tau iya matinulué lao ri Allataala lolongengngi matu paddampeng. Tau iya mateppe'é leppe'i polé ri sininna majaé.

AMSAL 3:16

Nawérékko pangissengengngé umuru malampé, asugireng sibawa alebbireng.

AMSAL 9:11

Nawérékko matu pangissengengngé umuru malampé.

PAKKATOBBA 12:13

Pura manenna utimbang, iyanaé rippe'na iya ulolongengngé. Etauno ri Allataala sibawa turusiwi parénta-Na, saba' banna untu' iyaro Naripancaji tolinoé.

YEREMIA 32:39

Uwéréngngi matu mennang banna séddi akkatta atuwong: iyanaritu, pakalebbi-Ka mannennungeng; iyaro gau'é tiwii matu akessingeng untu' aléna mennang, sibawa untu' wija-wijanna.

YEHEZKIEL 20:19

Iyya ritu Puwang Allataalamu. Turusiwi hukkung-hukkung sibawa parénta-parénta-Ku.

LUKAS 12:5

Madécéngengngi Upaitakko niga harusu' muwétauri. Etauko ri Allataala! Saba' purana mabbuno, makuwasa towi buwangngi ri laleng ranakaé! Ateppe'no, Aléna ritu harusu' muwétauri.

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

ULANGENG 11:9

Namutuwo matu maitta ri wanuwa iya sugié namacommo, iya najjanciyangngé Puwangnge lao ri néné-nénému sibawa lao ri wija-wijanna mennang.

ULANGENG 13:4

Tau makkuwaéro harusu'i rihukkung maté, nasaba maéloi papusako polé ri laleng iya naparéntangngékko Puwang Allataalamu. Aléna iyanaritu tau maja nasaba nasuroko maronta lao ri Puwang Allataalamu iya paleppe'ékko polé ri Maséré, onrommu ripowata. Jaji harusu'i riyuno, kuwammengngi naripallennye iyaro jaé. Iyakiya iko sitinajako maccowériwi Puwang Allataalamu sibawa mupakalebbi-Na; turusiwi Aléna sibawa pogau'i sininna parénta-Na. Tette'no matinulu sibawa mattumani lao ri Aléna.

ULANGENG 15:5

assaleng matinuluko lao ri Puwang Allataalamu, sibawa mupogau'na tonget-tongeng sininna iya uwapparéntangngé lao ri iko iya essoéwé.

ULANGENG 22:7

Weddikko malai ana'-ana'na iyaro manu'-manu'é, iyakiya leppessangngi indo'na luttu, kuwammengngi mumalampé sunge sibawa tuwo madécéng.

ULANGENG 30:19

Makkekkuwangngé weddingngi mupilé ri yelle'na atuwongngé sibawa amaténgngé, barakka'na Puwangnge sibawa tanro-Na. Langié sibawa tanaé uwobbi mancaji sabbi ri apettummu. Piléi atuwongngé.

ULANGENG 30:20

Eloriwi Puwang Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé Puwangnge lao ri néné-nénému, Abraham, Ishak sibawa Yakub.”

ULANGENG 4:10

passalenna essoéwé, wettummu tettong ri yolona Puwang Allataalamu ri Bulu Sinai. Iyaro wettué Aléna makkeda lao ri iko, ‘Paddeppungengngi bangsaéro. Macinna-Ka mennang méngkalingai aga maélo Upalettu, kuwammengngi nagguru mennang mapato lao ri Iyya sillampe umuru'na, sibawa kuwammengngi mennang napaggurui ana'-ana'na untu' mapato lao ri Iyya.’

ULANGENG 4:40

Turusiwi sininna hukkung iya uwéréngngékko iyaé essoé, na iko sibawa wija-wijammu saléwangengngi matu sibawa matteru tuwo ri wanuwa iya nabbéréyangngé Puwang Allataalamu mancaji appunnangemmu untu' mannennungeng.”

ULANGENG 4:9

Pénessaiwi sibawa éngngerangngi madécéd-décéng, kuwammengngi sillampé umuru'mu dé' muwallupaiwi aga pura alému sabbingngi. Curitangngi lao ri ana'-eppomu

ULANGENG 5:16

Pakalebbii sibawa piyarai ambo' sibawa indo'mu; iyanaro paréntaku, Puwang Allataalamu, kuwammengngi musaléwangeng sibawa malampé umuru ri wanuwa iya Uwéréngngékko matu.

ULANGENG 5:33

Pogau'ni sininna napparéntangngé Puwang Allataalamu lao ri iko kuwammengngi musaléwangeng sibawa mulléi mattette ri wanuwa iya maéloé muwonroi.”

ULANGENG 6:1

“Nasuroka Puwang Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi.

ULANGENG 6:24

Puwang Allataalata suroki pogau'i sininna paréntaéro sibawa pakalebbii. Rékko tapogau'i makkuwaéro, tuli napiyarai matu bangsata kuwammengngi natette tuwo saléwangeng.

ULANGENG 6:7

Appagguruwangngi lao ri ana'-ana'mu. Sitinajako bicarai ri lalempola sibawa ri saliwempola, wettu mappésau sibawa wettu mappallaung.

YOSUA 4:24

kuwammengngi naissengngi sininna tauwé ri linoé pékkugi rajanna akuwasanna Puwangnge. Nanallalengiwi mupakalebbii matu Puwang Allataalamu untu' mannennungeng.”

1 PETRUS 1:17

Muteppui iyaro Allataala Ambo' ri wettummu massempajang ri Aléna. Nah, Allataalaénnaro madélékiwi tolinoé sicoco' sibawa pangkaukenna tungke'-tungke' temmappasilaingeng. Rimakkuwannanaro, ri wettu engkamu mupa ri linoéwé, sitinajako pakarajai Allataala ri laleng atuwommu.