ULANGENG 5:5 - KITTA KAREBA MADECENG

⁵ Iyakiya nasaba métauko lao ri apié sibawa dé' mubarani tuppuiwi bulué, nautettong iyaro wettué ri pallawangemmu sibawa Puwangnge untu' palettukekko ada-adanna Puwangnge.

ULANGENG 5:5 ပူးပေါင်းရင်းမြစ်များ

KAJAJIYANG 18:22

Nainappa duwa ri yelle'na sining topoléro joppani mattuju ri Sodom, iyakiya Puwangnge monro mupi sibawa Abraham.

2 ARUNG-NGARUNG 18:4

Naancuru'i onrong-ngonrong assompang déwataé, sibawa ruttungngi tugu-tugunna nenniya solangiwi dato-datona Déwi Asyéra. Naancuru towi ula gessa naébbué Musa iya riyasengngé Néhustan. Saba', lettu ri essoéro mattunu dupa mupi tau Israélié untu' pakalebbii ula gessaéro.

MAZMUR 106:23

Namanniya'na Allataala paccappui mennang, iyakiya ripésangkaiwi ri Musa, tau napilé-Na. Mancajini Musa pappallalanna mennang, angkanna soro cai-Na Allataala.

ASSURENG 19:16

Ri éléna ri esso matellué engka guttu sibawa letté. Momponi ellung iya makkompe'é ri tompo'na bulué sibawa riyéngkalingani oni tarompé iya maladde senna'é. Sininna tauwé ri akkémangngé ténréni nataro tau.

ASSURENG 19:21

namakkeda Puwangnge lao ri aléna, “Nonnono namuparéngngerangiwi sining tauwéro makkedaé dé' nawedding mennang liwengngi pakkaséséngngé untu' mita-Ka. Rékko naliwengngi mennang, maéga maté matu ri yelle'na.

ASSURENG 19:25

Nananonnona Musa méwai sita bangsaéro sibawa napalettu'ni pasenna Puwangnge lao ri mennang.

YEREMIA 30:21

Arung iya paréntaékko assalenna poléi ri bangsamu. Laluwasai maddeppéri-Ka matu narékko Uwobbii mangolo ri Iyya. Saba' nigana barani mangolo ri Iyya nasaba élona muto? Mancajiko matu umma'-Ku na Iyya mancaji Allataalamu. Iyya, Puwang iya powadaéngngi iyaro.”

ABBILANGENG 16:48

Mappésauni iyaro saié, sibawa engkani Harun ri yelle'na sining tau iya tuwoé mupa sibawa iya matéénna.

GALATIA 3:19

Rékko makkuwaitu, untu' aga Hukkunna Agamaé riyabbéréyang? Pappébalinna iyanaritu makkedaé iyaro sining hukkungngé riyattambangngi untu' pannessai pelanggaranna tolinoé. Iyaro pahukkungenna agamaé takkennai narapi bawang apolénna séddié tau wijanna Abraham, iya riteppué ri laleng jancinna Allataala lao ri Abraham. Iyaro Hukkunna Agamaé napalettu'i sining malaéka'é sibawa naolai séddi tolino.

ULANGENG 5:27

Rimakkuwannanaro obbii Musa, éngkalingai sininna iya napowadaé Puwang Allataalata, nainappa palettukekki aga iya Napowadaé lao ri alému. Maéloki méngkalingai sibawa turusiwi.’

IBRANI 9:24

Saba' dé' nauttama Kristus ri Bili' Mapaccingngé ébbu tolinoé, iya bannaé pulambangngi Bili' Mapaccingngé iya sitongennaé. Muttama'i Kristus ri surugana muto; kuwaniro makkekkuwangngé mangolo ri Allataala untu' apentingetta.