ULANGENG 5:16 - KITTA KAREBA MADECENG

¹⁶ Pakalebbii sibawa piyarai ambo' sibawa indo'mu; iyanaro paréntaku, Puwang Allataalamu, kuwammengngi musaléwangeng sibawa malampé umuru ri wanuwa iya Uwéréngngékko matu.

ULANGENG 5:16 ပူးပေါင်းရင်းမြစ်များ

ASSURENG 20:12

Pakalebbii ambo' indo'mu, kuwammengngi musaléwangeng sibawa malampé umuru ri wanuwa iya Uwéréngngékko matu.

AMSAL 3:1

Aja' muwallupaiwi aga iya puraé uwappagguruwang lao ri iko, ana'ku. Tuli éngngerangngi paréntaku,

YEHEZKIEL 22:7

Dé' muwi séddi pabbanuwamu pakalebbii tomatowanna. Mubengnguwangngi tau laingngé sibawa mala saro polé ri asussanna jandaé sibawa ana' béué.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

MATIUS 19:19

pakalebbii ambo' sibawa indo'mu; sibawa amaséiwi pada-padammu tau pada-pada muwamaséinna alému.”

MARKUS 10:19

Muwissenniga parénta-paréntana Allataala, ‘Aja' muwabbuno; aja' mumalaweng; aja' muwénnau; aja' musabbi bellé-bellé, aja' muwabbellé, pakalebbii ambo' sibawa indo'mu.’ ”

MARKUS 7:10

Purani nabbéréyang Musa iyaé paréntaé, ‘Pakalebbii indo'mu sibawa ambo'mu’, sibawa ‘Nigi-nigi makkeda-kedaiwi ambo' indo'na, harusu'i rihukkung maté.’

LUKAS 18:20

Muwissenniga parénta-paréntana Allataala: ‘Aja' mumalaweng, aja' muwabbuno, aja' muwénnau, aja' musabbi bellé-bellé, sibawa pakalebbii ambo' indo'mu.’ ”

ULANGENG 11:9

Namutuwo matu maitta ri wanuwa iya sugié namacommo, iya najjanciyangngé Puwangnge lao ri néné-nénému sibawa lao ri wija-wijanna mennang.

ULANGENG 27:16

‘Tattanroi tau iya dé'é napakalebbii tomatowanna sibawa naleppessangngi mennang kariya-riya.’ ‘Aming!’

ULANGENG 4:40

Turusiwi sininna hukkung iya uwéréngngékko iyaé essoé, na iko sibawa wija-wijammu saléwangengngi matu sibawa matteru tuwo ri wanuwa iya nabbéréyangngé Puwang Allataalamu mancaji appunnangemmu untu' mannennungeng.”

ULANGENG 5:29

Coba rékko mennang tuli mappérasa makkuwairo! Coba rékko mennang tuli napakalebbika sibawa turusiwi sininna parénta-Ku, angkanna mennang sibawa wija-wijanna saléwangengngi untu' mannennungeng!

ULANGENG 5:33

Pogau'ni sininna napparéntangngé Puwang Allataalamu lao ri iko kuwammengngi musaléwangeng sibawa mulléi mattette ri wanuwa iya maéloé muwonroi.”

ULANGENG 6:2

Sitinajai iko sibawa wija-wijammu gangka tuwona pakalebbii Puwang Allataalamu sibawa turusiwi sininna hukkun-Na iya upalettukengngékko, kuwammengngi mumalampé sunge ri wanuwaéro.

KOLOSE 3:20

Ana'-ana'! Kewajibammu iyanaritu selaku tau Kristéng untu' matinulu lao ri ambo' indo'é, nasaba iyanaro pésennangiwi atinna Allataala.