ULANGENG 5:1 - KITTA KAREBA MADECENG

¹ Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

ULANGENG 5:1 ပူးပေါင်းရင်းမြစ်များ

MAZMUR 78:7

Nanallalengi towi mennang nataroi matu paddennuwanna ri Allataala, sibawa dé' nallupaiwi pangkauken-Na, iyakiya tuli tunru'i ri parénta-Na,

ASSURENG 15:26

Adanna Puwangnge, “Turusi-Ka mattonget-tongeng, sibawa pogau'i aga iya Muwitaé makessing; accowérini sininna parénta-Ku. Rékko mupogau'i makkuwaéro, dé' Uhukkukko matu sibawa lasa iya Upakennaiyéngngi tau Maséré'é. Iyya'na ritu Puwang iya pajjappaékko.”

ASSURENG 18:20

Harusu'ko mappagguruwangngi lao ri mennang sining paréntana Allataala sibawa pakatajangngi cara atuwong iya makessingngé sibawa aga mennang harusu napogau'.

MATIUS 23:3

Rimakkuwannanaro atinuluriwi sibawa turusiwi sininna napparéntangngé mennang. Iyakiya aja' mupogau'i aga iya napogau'é mennang, saba' dé' napajoppai mennang aga nappagguruwang mennang.

ULANGENG 1:1

Iyaé kitta'é mallise'i ada-ada iya napalettu'é Musa lao ri bangsa Israélié wettunna mennang engka ri padang kessi'é ri Lompo Yordan. Iyaro lompo'é engkai ri seddé alauna Salo Yordan, seddéna kota Suf, pallawangenna kota Paran riséddié tibang, sibawa kota-kota Tofel, Laban, Hazerot sibawa Di-Zahab ri tibang laingngé. (

ULANGENG 11:1

“Eloriwi Puwang Allataalamu, sibawa tuli turusiwi sininna parénta-Na.

ULANGENG 12:1

“Iyanaé hukkung-hukkung iya harusu'é muturusi sillampé umuru'mu ri wanuwa iya Nawéréngngékko Puwangnge, Allataalana néné-nénému.

ULANGENG 17:19

Iyaro kitta'é harusu'i tuli engka ri seddéna, gangka tuwona harusu'i nabaca kuwammengngi nagguru pakalebbii Puwang Allataalana sibawa matinulu turusiwi sininna parénta iya tarokié ri lalenna.

ULANGENG 28:15

“Iyakiya rékko dé' muturusiwi Puwang Allataalamu, sibawa dé' mumatinulu pogau'i sininna paréntana sibawa hukkun-Na iya uwéréngngékko essoéwé, sininna iyaé tanroé nakennako matu:

ULANGENG 29:10

Iyaé essoé tettong manekko ri yolona Puwang Allataalamu, sininna kapala sukué, tomariyoloé, parawiraé, sininna worowané,

ULANGENG 29:2

Nasuroni Musa sininna tau Israélié maddeppungeng, nainappa makkeda lao ri mennang, “Alému pura mitai aga iya napogau'é Puwangnge lao ri arung Maséré, sining pajaba'na sibawa sininna wanuwanna.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

ULANGENG 4:49

sibawa sininna daéraé ri seddé alauna Salo Yordan liyattang narapi Tasi Maté ri ponna Bulu Pisga.

ULANGENG 4:5

Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.

ULANGENG 5:2

Ri Bulu Sinai Puwang Allataalata mébbu séuwa assijancing,

ULANGENG 6:17

Turusiwi sininna hukkung iya nawéréngngékko Puwang Allataalamu.

YOSUA 1:8

Iyaro kitta hukkungngé harusu'ko tuli bacai lao ri umma'-Ku. Agguruiwi iyaro kitta'é esso sibawa wenni, kuwammengngi natuli mupogau'i sininna iya tarokié ri lalenna. Rékko mupogau'i sininnaro, madécéngngi matu atuwommu sibawa papolé wassélé.