ULANGENG 4:7 - KITTA KAREBA MADECENG

⁷ Bangsa battowa nigana mappunnai déwata iya makkuwaémmani cawé'na rékko riyapparelluwangngi pada-pada Puwang Allataalata macawé lao ri idi? Mappébaliwi uppa-uppanna tamangobbi méllau tulung ri Aléna.

ULANGENG 4:7 ပူးပေါင်းရင်းမြစ်များ

2 SAMUEL 7:23

Ri sininna linoé dé' gaga bangsa pada-padanna Israélié. Israélié alé-aléna bangsa iya puraé Mupaleppe polé ri angatangengngé untu' mancaji umma'-Mu. Sininna pangkaukeng battowaé sibawa makalallaing iya Mupogau'é untu' mennang, mébbui asem-Mu kalabba ri sininna linoé. Bangsa-bangsa laingngé silaong déwata-déwatana purani Mupaddésu wettunna umma'-Mu maju mammusu.

MAZMUR 145:18

Macawé'i lao ri tau iya mangobbié lao ri Aléna, sibawa méllauwi ri Aléna sibawa malempu atinna.

MAZMUR 147:20

Dé' napogau'i makkuwaéro lao ri bangsa-bangsa laingngé, dé' naissengngi mennang hukkung-hukkun-Na. Pojiwi Puwangnge!

MAZMUR 148:14

Purani napéwatangi bangsa-Na, angkanna ripoji-poji ri umma'-Na, Israélié, umma Napojiyé. Pojiwi Puwangnge!

MAZMUR 34:17

Iyakiya tau iya pogau'éngngi majaé Naéwai; rékko matéi mennang, masitta'i mennang riyallupai.

MAZMUR 34:18

Rékko mangobbii tau malempué, naéngkalingai Puwangnge, sibawa passalama'i mennang polé ri sininna aperisengngé.

MAZMUR 46:1

Mazmurna appang Korah. Untu' pamimping kor. Nasibawang lagunna Alamot.

MAZMUR 73:28

Iyakiya untu' aléku makessing tongeng engka ri seddéna Allataala, Puwang Allataala upancaji onrong allinrungekku, kuwammengngi uwulléi mabbirittangngi sininna pangkauken-Na.

MAZMUR 85:9

Maéloka méngkalingai ada-adanna Puwang Allataala; Najjanciyangngi asaléwangengngé lao ri idi, umma'-Na, assaleng dé' talisu pogau' dosa.

YESAYA 43:4

Mangke'ko ri matak-Ku, Uwangke'ko sibawa Uwamaséiko; na-Uwabbéréyangngi tolinoé selaku passullému, bangsa-bangsaé selaku passuléna nyawamu.

YESAYA 55:6

Lisuno ri Puwangnge ri wettu weddinna mupa; angobbino ri Aléna ri wettu macawé'-Na mupa.

ABBILANGENG 23:21

Ri Yakub dé' napaita jaé; ri Israélié dé' napaita asukkarakengngé. Puwangnge, Allataalana mennang, sibawangngi. Gorai mennang: Aléna ritu Arung!

ABBILANGENG 23:9

Polé ri coppo'na sining bulué uwitai mennang; polé risining bulu-bulué utiroi mennang. Itai, séddi bangsa mallaingngé dé' nauttama ri golonganna bangsa-bangsa laingngé.

RIWAYA'NA RASUL-RASUL-E 17:27

Napogau'i Allataala iyaro kuwammengngi nasappai mennang Aléna. Memmuwaré' siruntu'i mennang sibawa Aléna ri wettunna mennang sappai. Iyakiya sitongenna Allataala dé' namabéla polé ri idi tungke'-tungke'.

ULANGENG 26:19

Naébbuko matu Puwangnge lebbi battowa polé ri sininna bangsa laing iya puraé Napancaji, ripojiko matu sibawa ripakalebbi. Mancajiko umma'na Puwang Allataalamu pada-pada iya Najjanciyangngé.”

ULANGENG 33:29

Masennakko, éh Israélié! Dé' gaga bangsa iya pada-padaé iko ripassalama ri Puwangnge. Puwangnge pada-padai peddangngé sibawa kaliyawoé lao ri iko; untu' méwaiko sibawa mpérékko apakalang. Sining balimmu poléi matu méllau paressé babuwa, namuléjja-léjja'i matu mennang.”

ULANGENG 4:32

Salidikiwi wettu labe'é, mabéla ri wettu dé'napa mujaji, mappammulai polé ri esso wettunna Allataala pancajiwi tolinoé ri linoéwé. Sappai ri sininna tompo'na linoé. Engkaga naengka nakajajiyang gau' masero makkuwaéwé ri yolona? Engkaga tau pura méngkalingai passalenna kajajiyang makkuwaéwé?

ULANGENG 5:26

Engkaga naengka tolinoé tette tuwo purana naéngkalinga Allataala iya tuwoé mabbicara polé ri apié.

YAKOBUS 4:8

Addeppériwi Allataala, nanaddeppéri tokko matu Allataala. Paccingiwi limammu, iko iya madosaé! Sibawa cinnongiwi atimmu, iko iya mappakka atié!