ULANGENG 4:3 - KITTA KAREBA MADECENG

³ Alému mitai aga napogau' Puwang Allataalamu ri Bulu Péor. Tungke' tau iya sompaéngngi Baal Napabbinasai ri onrongngéro,

ULANGENG 4:3 ပူးပေါင်းရင်းမြစ်များ

YEHEZKIEL 20:18

Sibalé'na sining tau maloloé ri yelle'na mennang, Upangajariwi makkuwaé, ‘Aja' muwaccowériwi sining peraturang iya naébbué néné-nénému. Aja' muturui abiyasanna mennang sibawa aja'to mupanajisi'i alému sibawa sompai sining barahalana.

HOSEA 9:10

Makkedai Puwangnge, “Wettuk-Ku bunge' runtu'i Israélié, marennu-Ka pada-pada tau runtu'é buwa anggoro ri padang kessi'é. Wettuk-Ku bunge' mitai toriyolomu, masennak-Ka pada-pada tau mitaéngngi wassélé bunge'na buwa arana. Iyakiya, wettunna mennang lao ri Bulu Péor, mammulani mennang massompa Baal, angkanna mennang mancaji najisi' pada-pada déwata iya napojiyé mennanro.

ABBILANGENG 26:64

Polé risining tau iya naokié riyolo Musa sibawa Harun ri padang kessi Sinai, dé'na gaga muwi séddi tau iya tuwoé mupa.

ABBILANGENG 31:16

Tenniyaga iyaro sining makkunraié iya turusiyéngngi pangajana Biléam, angkanna napalécé umma Israélié ri Péor untu' salaiwi Puwangnge? Na iyanaro papolé abala ri yasé'na umma'na Puwangnge!

ULANGENG 11:7

Ya, iko ritu sibawa mata ulummu pura mitai sininna anu makalallaingngé iya napogau'é Puwangnge.”

ULANGENG 4:4

na iko iya tette'é matinulu lao ri Puwang Allataalamu tuwo mupi lettu makkekkuwangngé.

YOSUA 22:17

Dé'ga muwéngngerangngi dosata ri Péor? Iyaro wettué nahukkukki Puwangnge sibawa séuwa sai, namuni idi'é umma'-Na muto! Lettu makkekkuwangngé tatanggung mupi addimonrinna. Aga iyaro dé'topa nagenne?