ULANGENG 4:10 - KITTA KAREBA MADECENG

¹⁰ passalenna essoéwé, wettummu tettong ri yolona Puwang Allataalamu ri Bulu Sinai. Iyaro wettué Aléna makkeda lao ri iko, ‘Paddeppungengngi bangsaéro. Macinna-Ka mennang méngkalingai aga maélo Upalettu, kuwammengngi nagguru mennang mapato lao ri Iyya sillampe umuru'na, sibawa kuwammengngi mennang napaggurui ana'-ana'na untu' mapato lao ri Iyya.’

ULANGENG 4:10 ပူးပေါင်းရင်းမြစ်များ

KAJAJIYANG 18:19

Purani Upilé kuwammengngi naparéntai ana'-ana'na sibawa wija-wijanna untu' turusika sibawa pogau'i aga iya makessingngé sibawa adélé'é. Rékko napogau'i mennang gau'éro, sininna jancik-Ku lao ri Abraham Urupaiwi matu.”

MAZMUR 145:4

Massossorengngi napojiwi matu tauwé pangkaukem-Mu sibawa mabbirittangngi aporéngem-Mu.

ASSURENG 19:1

Purairo nasalaini bangsa Israélié Rafidim, na ri tanggala séddi uleng matellué nasalainnana mennang Maséré, lettu'ni ri padang kessi Sinai. Makkémani mennang ri ponna Bulu Sinai,

ASSURENG 19:11

Harusu'i mennang sadiyana sangadi. Iyaro essoé maélo-Ka nonno ri tompo'na Bulu Sinai, onrong weddingngé naitaka sininna tauwé.

ASSURENG 19:16

Ri éléna ri esso matellué engka guttu sibawa letté. Momponi ellung iya makkompe'é ri tompo'na bulué sibawa riyéngkalingani oni tarompé iya maladde senna'é. Sininna tauwé ri akkémangngé ténréni nataro tau.

ASSURENG 20:18

Wettunna naéngkalinga sining tauwé guttué sibawa oni tarompé'é, enrengngé mitai billa'é sibawa bulu iya maddumpué, ténréni mennang métau sibawa tettong mabéla-béla.

ASSURENG 20:20

Nappébali Musa, “Aja' mumétau. Poléi Allataala banna untu' cobaiko kuwammengngi mutette turusiwi, sibawa dé' mumadosa.”

PAKKATOBBA 12:13

Pura manenna utimbang, iyanaé rippe'na iya ulolongengngé. Etauno ri Allataala sibawa turusiwi parénta-Na, saba' banna untu' iyaro Naripancaji tolinoé.

YESAYA 38:19

Banna tau tuwoé iya pojiyék-Ko, pada-pada iya upogau'é iyaé essoé. Tomatowaé nacuritai lao ri ana'na temmaka tinulu-Mu, oh Puwang.

LUKAS 1:50

Abbijangeng lao ri abbijangeng mamaséi Puwangngé lao ri tau métaué ri Aléna.

ULANGENG 11:19

Appagguruwangngi lao ri ana'-ana'mu. Bicarai ri lalempola sibawa ri saliwempola, wettu mappésau sibawa wettu mappallaung.

ULANGENG 12:1

“Iyanaé hukkung-hukkung iya harusu'é muturusi sillampé umuru'mu ri wanuwa iya Nawéréngngékko Puwangnge, Allataalana néné-nénému.

ULANGENG 14:23

Ri yolona Puwang Allataalamu, ri onrong iya Napilé, untu' onrong massompa, harusu'ko manréi pakkasuwiyang tawaseppulomu polé ri gandongngé, uwai anggoro'é, minnya zaitungngé enrengngé ana' sapingngé sibawa bémbé bimbala'mu iya bunge' jajiyé. Pogau'i iyaro gau'é kuwammengngi untu' mannennungeng magguruko pakalebbii Puwang Allataalamu.

ULANGENG 17:19

Iyaro kitta'é harusu'i tuli engka ri seddéna, gangka tuwona harusu'i nabaca kuwammengngi nagguru pakalebbii Puwang Allataalana sibawa matinulu turusiwi sininna parénta iya tarokié ri lalenna.

ULANGENG 4:9

Pénessaiwi sibawa éngngerangngi madécéd-décéng, kuwammengngi sillampé umuru'mu dé' muwallupaiwi aga pura alému sabbingngi. Curitangngi lao ri ana'-eppomu

ULANGENG 5:2

Ri Bulu Sinai Puwang Allataalata mébbu séuwa assijancing,

ULANGENG 5:29

Coba rékko mennang tuli mappérasa makkuwairo! Coba rékko mennang tuli napakalebbika sibawa turusiwi sininna parénta-Ku, angkanna mennang sibawa wija-wijanna saléwangengngi untu' mannennungeng!

ULANGENG 6:2

Sitinajai iko sibawa wija-wijammu gangka tuwona pakalebbii Puwang Allataalamu sibawa turusiwi sininna hukkun-Na iya upalettukengngékko, kuwammengngi mumalampé sunge ri wanuwaéro.

ULANGENG 6:7

Appagguruwangngi lao ri ana'-ana'mu. Sitinajako bicarai ri lalempola sibawa ri saliwempola, wettu mappésau sibawa wettu mappallaung.

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.

WAHYU 19:5

Nainappa riyéngkalingani polé ri kadéra arajangngéro oni sadda iya makkedaé, “Pojiwi Allataala, éh sininna atanna Allataala, sibawa sininna tauwé – baiccu battowa – iya sompaéngngi Allataala!”

1 SAMUEL 12:24

Pakalebbii Puwangnge sibawa attumanino ri Aléna sibawa matinulu nenniya sukku atimmu. Engngerangngi matu sining pangkaukeng battowa iya puraé Upogaukekko.