ULANGENG 32:9 - KITTA KAREBA MADECENG

⁹ Iyakiya wija-wijanna Yakub ripiléi ri Puwangnge untu' Aléna muto.

ULANGENG 32:9 ပူးပေါင်းရင်းမြစ်များ

2 SAMUEL 14:16

Napikkiri'i atatta naéngkalingai matu Puwakku sibawa passalama'i atatta polé ri tau iya makkuragaé maélo mpunoi atatta sibawa ana'na atatta. Makkattai mennang paddésu'ki polé ri tana iya nabbéréyangngé Allataala lao ri umma'-Na.

2 SAMUEL 20:19

Iyaé kotata Abél battowa, sala séddinna kota iya kaminang tennangngé sibawa matinulué ri tana Israélié. Magi Puwang namakkuraga mancuru'i? Macinnaiga Puwang solangiwi tana appunnangenna Puwangnge?”

1 ARUNG-NGARUNG 8:51

Mennang iyanaritu umma'-Mu riyalé iya puraé Mutiwi massu polé ri Maséré kégi mennang risissa.

1 ARUNG-NGARUNG 8:53

Iko, oh Puwang Allataala, pura piléi mennang polé ri yelle'na sininna bangsaé untu' mancaji umma'-Mu, pada-pada iya puraé Mupowada lao ri mennang naolai atam-Mu Musa, wettum-Mu dulungngi toriyolota massu polé ri Maséré.”

MAZMUR 106:40

Namalluwa'na caina Puwangnge lao ri mennang, maciddi'ni sibawa appunnangeng riyaléna.

MAZMUR 106:5

Tennapodo uwitai adécéngenna sining tau Mupilé sibawa mariyo-riyo silaong umma'-Mu. Tennapodo mabangka'ka sibawa marennu silaong sining tau iya mancajiyé appunnangem-Mu.

MAZMUR 135:4

Napiléi Yakub untu' Aléna, umma Israélié napancajiwi appunnangen-Na.

MAZMUR 28:9

Passalama'i umma'-Mu, oh Puwang, barakkakiwi sining tau appunnangem-Mu. Ancajino pada-pada séddié tau pakkampi untu' mennang, sibawa onrowangngi mennang untu' mannennungeng.

MAZMUR 33:12

Masennangngi bangsa iya mangakuiyéngngi Puwangnge selaku Allataalana, masennangngi umma iya Napilé mancaji appunnangen-Na!

MAZMUR 74:2

Engngerangngi umma'-Mu iya Mupilé sipongenna riyolo, bangsa iya Mupaleppe'é kuwammengngi nancaji appunnangem-Mu. Engngerangngi matu Bulu Sion, iya Mupancajiyé onrong Muwonroiyé.

MAZMUR 78:71

polé ri onron-Na mappiyara indo' bimbala, untu' mampii Israélié umma'-Na.

ASSURENG 15:16

Métau senna'ni mennang, sabbingngi awatangenna Puwangnge. Wettunna labe umma'-Mu, dé' namakuwasa balié mattahang, labe'ni bangsa iya puraé Mupaleppe.

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

YESAYA 19:25

Puwang Iya Pommakuwasaé barakkakiwi matu mennang sibawa makkeda, “Ubarakkakiko, éh Maséré umma'-Ku, Asyur winru-Ku, sibawa Israélié umma upilé-Ku.”

YESAYA 34:17

Puwangnge ritu tawai iyaro wanuwaé ri yelle'na mennang sibawa tungke-tungke tarimai tawana. Monroi matu mennang kuwaro untu' mannennungeng, sibawa iyaro tanaé mancajiwi matu appunnangenna massossoreng.

YESAYA 43:21

Mennang ritu bangsa iya Utappaé untu' alé-Ku, kuwammengngi naulléi mabbirittangngi pappojiyangngé untu' alé-Ku.”

YEREMIA 10:16

Allataalana Yakub dé' napada-pada barahala-barahalaéro; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

YEREMIA 2:7

Lao ri wanuwa iya macommo'é Uwantara'i mennang untu' péneddingiwi sining wassélé'na sibawa sininna iya makessingngé kuwaro. Iyakiya kuwaro napanajisi'i mennang tana-Ku sibawa appunnangek-Ku napancajiwi mennang séuwa iya mappakaciddi-ciddi'é.

YEREMIA 51:19

Allataalana Yakub dé' napada-pada iyaro barahala-barahalaé; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

MIKHA 2:5

Rimakkuwannanaro, narékko narapini wettunna ripalisu iyaro wanuwaé lao ri umma'na Puwangnge, dé' muwi séddi tau polé ri iko tarimai matu bagiyanna.

ZAKHARIA 2:12

Siseppi Yéhuda mancajiwi matu appunnangeng ripallainna Puwangnge ri tana-Na iya mapaccingngé, sibawa Yérusalém mancajiwi matu kota iya kaminang Naéloriyé.

EFESUS 1:18

Uwéllauwi kuwammengngi Allataala timpa'i pikkirammu angkanna macakka; kuwammengngi mupahangngi aga wedding muwamménasai polé ri Allataala iya mobbiékko. Makkuwatoro kuwammengngi muwissengngi pékkugi tabbollonna barakka-barakka iya magelloé iya napassadiyaé Allataala untu' umma'-Na;

ULANGENG 9:29

Iyakiya éngngerangngi, Puwang, makkedaé mennangngé bangsa iya Mupilé mancaji umma'-Mu, sibawa Mutiwii polé ri Maséré nasibawang awatangeng sibawa akuwasam-Mu iya battowaé.”

YOSUA 24:17

Puwang Allataalata ritu iya paleppe'éngngi sining toriyolota sibawa idi paimeng polé angatangengngé ri Maséré. Purani taita sining anu makalallaingngé iya naébbué Puwangnge. Tuli nalinrungiki Puwangnge ri laleng sininna allalengetta, laloiwi wanuwa-wanuwa laingngé.

1 SAMUEL 10:1

Nainappa nala Samuél kendi mallise'é minnya zaitun, nanatiri'i iyaro minnya'é ri tompo ulunna Saul, sibawa bauwi Saul nakkedato, “Puwangnge pura lanti'ko mancaji arunna Israélié umma'-Na. Muparéntai matu umma'-Na sibawa linrungiwi mennang polé risining balinna. Iyanaé tanranna lao ri iko makkedaé Puwangnge pura piléko mancaji arunna umma'-Na: