ULANGENG 32:7 - KITTA KAREBA MADECENG

⁷ Engngerangngi wettu riyolo, pénessaiwi wettunna sippangka-sippangka iya labe'é. Akkutanangngi ri tomatowammu, kuwammengngi napaissengiko mennang.

ULANGENG 32:7 ပူးပေါင်းရင်းမြစ်များ

MAZMUR 10:6

Adanna ri laleng ati, “Dé' matu utemmallolongeng, sibawa massossoreng pada-pada tau iya dé'é natuwo maja.”

MAZMUR 119:52

Maréngngerakka lao ri hukkum-Mu iya engkaé riyolopa nariyolo, natassaléwona atikku, oh Puwang.

MAZMUR 44:1

Mazmurna appang Korah. Elong pappagguruwang. Untu' pamimping kor.

MAZMUR 44:2

Oh Allataala, aléta muto pura méngkalingai curita iya nacuritaé toriyolota passalenna winru masero iya Mupogau'é ri wettu riyolo.

MAZMUR 77:8

“Untu' mannennungegga Puwangnge massampéyang sibawa dé' namaélona?

MAZMUR 78:5

Lao ri bangsa Israélié Nabbéréyangngi hukkun-Na, sibawa lao ri wija-wijanna Yakub parénta-Na. Nasuroi néné-nénéta mappagguruwangngi lao ri ana'-ana'na mennang,

ASSURENG 12:26

Rékko makkutanai ana'-ana'mu, ‘Aga bettuwanna iyaé upacaraé?’

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

YESAYA 46:9

Engngerangngi sining kajajiyangngé ri wettu riyolo; akuiwi makkedaé Iyya Allataala, sibawa dé'gaga laingngé, Iyya Allataala, sibawa dé'gaga iya pada-padaiyék-Ka.

YESAYA 63:11

Nanaéngngeranni mennang wettu riyolo, wettunna Musa, atanna Puwangnge. Makkutanai mennang, “Kégani Puwangnge iya dulungngéngngi sining pamimpinna umma'-Na molai tasi'é? Kégani Puwangnge iya mabbéréyangngéngngi akuwasan-Na lao ri mennang?

ULANGENG 4:32

Salidikiwi wettu labe'é, mabéla ri wettu dé'napa mujaji, mappammulai polé ri esso wettunna Allataala pancajiwi tolinoé ri linoéwé. Sappai ri sininna tompo'na linoé. Engkaga naengka nakajajiyang gau' masero makkuwaéwé ri yolona? Engkaga tau pura méngkalingai passalenna kajajiyang makkuwaéwé?

ULANGENG 8:2

Engngerangngi! Patappulo taung ittana Puwang Allataalamu pimpikko ri laleng allalengeng mabélaé molai padang kessi'é. Iyaro allalengengngé nakkattaiwi Puwangnge untu' cobaiko, kuwammengngi Naulléi mitai aga tattampu ri laleng atimmu sibawa aga muturusiwi matu parénta-parénta-Na.

HAKING-HAKING 6:13

Nametté Gidéon, “Taddampengekka, puwang! Rékko tongengngi nasibawakki Puwangnge, magi nasininna gau'éwé nakennaki? Kégani sininna anu makalallaing iya puraé napogau' Puwangnge riyolo sibawa iya nacuritangengngéngngi néné-nénéta passalenna pékkugi Puwangnge passui mennang polé ri Maséré? Makkekkuwangngé nasalaini Puwangnge sibawa leppessakki rikuwasai risining tau Midiangngé.”