ULANGENG 32:4 - KITTA KAREBA MADECENG

⁴ Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

ULANGENG 32:4 ပူးပေါင်းရင်းမြစ်များ

KAJAJIYANG 1:31

Naitani Allataala sininna séuwa-séuwa iya puraé naébburo, namasennang senna'na. Labe'ni wennié nancajina éléé. Iyanaro esso maennengngé.

KAJAJIYANG 18:25

Aja' nasining tau iya dé'é napasalaro riyunoi silaong iya pasalaé. Aja' Puwang! Saba' rékko tapogau'i Puwang, tau iya dé'é napasala pasti rihukkungngi matu silaong iya pasalaé. Pékkugi makkullé hakinna alangngé tinda' dé' naadélé!”

2 SAMUEL 22:47

Tuwoi Puwangnge! Ripojiwi pangéwaingekku! Pakarajai arajanna Allataala, pappassalama'ku!

2 SAMUEL 23:3

Allataalana Yakub pura mabbicara; lao ri aléku pallinrunna Israélié makkeda: “Arung iya paréntaéngngi ra'ya'é sibawa adélé iya mappimpingngé sibawa apatong ri Puwangnge.

2 TAWARIKH 19:7

Harusu'ko métau lao ri Puwangnge, sibawa tinda' matutu, saba' Puwang Allataalata nabenci tau iya kédo macéko-cékoé, iya pogau'éngngi matane siwalié iyaré'ga iya tarimaé pasoso.”

NEHEMIA 9:8

Ulolongengngi matinulu lao ri Iko sibawa mapato. Nainappa mébbu-Ko assijancing sibawa aléna iya masse'é. Tana Kanaan, Hét sibawa Amori, tana Féris, Yébus sibawa Girgasi, iya manennaro maéloka mpérék-Ko; selaku onrong naonroi sininna wija-wijanna. Nainappa Murupai iyaro jancié lao ri aléna, saba' adélé'-Ko sibawa matinulu.

AYUB 34:10

Eh sining tau iya makessingngé, éngkalingai! Masa Allataala Iya Pommakuwasaé pogau'i salaé?

AYUB 35:14

Ayub, lebbi-lebbipi rékko makkedako makkedaé dé' muwitai Aléna, makkedaé ada-adammu engkani ri yolo-Na sibawa mutajengngi Aléna!

AYUB 36:23

Nigana mulléi pattentungengngi laleng Aléna iyaré'ga barani tenre'i pogau'i asalang?

AYUB 8:3

Dé' naengka napabbéngko'i Allataala adélékengngé; dé' naengka nacau patettongngi atongengengngé.

MAZMUR 100:5

Saba' makessingngi Puwangnge; pammasé-Na untu' mannennungengngi, sibawa atinuluren-Na massossorengngi.

MAZMUR 138:8

Mupennoiwi matu jancim-Mu lao ri iyya; aja' muwappésau tinda untu' umma'-Mu.

MAZMUR 145:17

adélé'i Puwangnge ri laleng sininna tindakan-Na sibawa pennoi pammasé ri laleng sininna pangkauken-Na.

MAZMUR 146:6

Aléna ritu pancajiwi langié sibawa linoé, tasi'é sibawa sininna lise'na; tette'i matinulu mannennungeng.

MAZMUR 18:2

Upojiki, oh Puwang, Iko ritu awatangekku.

MAZMUR 18:46

Teddénni abaraningenna mennang; ténréi mennang sibawa massu polé ri bénténna.

MAZMUR 19:7

Natuttungngi langié polé ri cappa'na lao ri cappa'na; dé'gaga leppe polé ri pellana.

MAZMUR 31:5

Leppessakka polé ri siyo iya ripasangengngékka, saba' Iko ritu onrokku mallinrung.

MAZMUR 33:4

Sininna ada-adanna Puwangnge wedding riyatepperi; matinului ri laleng sininna pangkauken-Na.

MAZMUR 78:35

Naéngngerangngi mennang makkedaé Allataala pallinrunna mennang, sibawa Iya Pommatanré pappassalama'na mennang.

MAZMUR 9:16

Bangsa-bangsa iya dé'é naissek-Ko sempé'i ri laleng kalebbong iya aléna muto kaliwi; tassiyoi mennang ri laleng siyona muto.

MAZMUR 90:16

Ajjellokengngi winru-Mu lao ri ata-atam-Mu, sibawa akuwasam-Mu iya battowaé lao ri wijatta.

MAZMUR 92:15

aju iya mabbuwaé mupa ri wettu macowana, tette'i manyila matakka.

MAZMUR 97:2

Riyattulilingiwi ellung sibawa pettang; adélékengngé sibawa hukkungngé iyanaritu tettongenna apparéntan-Na.

MAZMUR 98:3

Naéngngerangngi pammasé sibawa atinuluren-Na lao ri Israélié, umma'-Na. Sininna bangsaé ri sininna linoé purani naita apakalanna Allataala.

MAZMUR 99:4

Untu' alé-Mu akuwasangngé, Arung iya pojiyéngngi hukkungngé; purani Mupatettong atongengengngé; Mupajoppai hukkungngé sibawa adélékengngé ri Israél.

ASSURENG 34:6

Nainappa lalo Puwangnge ri yolona Musa sibawa makkeda, “Iyya Puwang, iyanaritu Allataala iya pennoé akacuwang sibawa paressé babuwa. Tabbollompollong pammasé-Ku, matinulu-Ka sibawa dé' namasitta macai.

PAKKATOBBA 3:14

Uwisseng makkedaé sininna ébbuna Allataala tette'i matu engka mannennungeng. Dé' naulléi tolinoé tambaiwi iyaré'ga kurangiwi. Na tinda'i Allataala makkuwaro kuwammengngi natamétau ri Aléna.

YESAYA 17:10

Israél, muwallupaini Allataala iya mappassalama'é sibawa linrungiko pada-pada bulu batu iya masse'é. Sibalé'na, purani mutanengi sining palla'é untu' déwata-déwataé.

YESAYA 25:1

Puwang, Iko ritu Allataalaku, upakaraja-Ko sibawa upojiwi asem-Mu. Saba' ébbu-ébbu-Mu mappabengnga senna; mappammulai riyolo Murancanai, sibawa pogau'i sibawa matinulu.

YESAYA 26:4

Tuli mateppe'no ri Puwangnge, saba' tuli nalinrungiki Puwang Allataala.

YESAYA 28:16

Rimakkuwannanaro, makkeda makkuwaiyé Puwang Iya Pommatanré, “Maélo-Ka palénne pallangga iya mawatangngé sibawa masse'é ri Sion; séddi batu pallangga iya mangke'é sibawa oki: ‘Niga mateppe masse, dé' matu namanyara kala.’

YESAYA 30:18

Namuni makkuwaro, natajengngi Puwangnge wettunna untu' mappaitangngi paressé babuwa-Na lao ri iko. Sadiyai untu' mamaséiko. Saba' Puwangnge iyanaritu Allataala iya pogau'éngngi aga iya teppa'é. Masennangngi tau iya mamménasaé ri Aléna.

YESAYA 32:2

Tungke-tungke'i mennang pada-padai onrong allinrungeng polé ri angingngé sibawa anginrajaé. Pada-padai mennang salo massolo'é ri padang kessi'é, pada-pada accinaungeng batu iya battowaé ri tana iya makabuttué.

YEREMIA 10:10

Iyakiya Idi, Puwang, Allataala iya tongengngé, Allataala mabbéré atuwong, arung mannennungengngé. Rékko macai-Ko, taggottangngi linoé, rékko majjameru'-Ko dé' natahang bangsa-bangsaé. (

YEREMIA 9:24

Niga maélo mabbangka passalenna séuwaé, harusu'i mabbangka makkedaé naissek-Ka sibawa najeppui-Ka; makkedaé naissek-Ka mamasé untu' mannennungeng sibawa Upatettongngi hukkungngé enrengngé adélékengngé ri linoé. Iya manennaro napésennangiwi atik-Ku. Iyya, Puwang, iya powadaéngngi iyaro.”

DANIEL 4:34

Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

HABAKUK 1:12

Puwang, riyolopa Iko iyanaritu Allataala. Iko Allataalaku iya mapaccingngé sibawa mannennungeng. Allataalaku sibawa pallinrukku, iyaro bangsa Babél-é Mupiléi sibawa Muwébbui barani untu' hukkukki.

HABAKUK 1:13

Iyakiya pékkugi-Ko tahang mitai sining tau maja iya mabecco'éro? Dé'ga na-Mumapaccing senna untu' mitai jaé? Dé'ga namaja péneddim-Mu mitai dé'é naadélé? Jaji, magi Muwammekko bawang wettunna tau malempué riyancuru ri tomadorakaé?

ZEFANYA 3:5

Iyakiya engka mupi Puwangnge ri kotaéro; tuli Napogau'i iya tongengngé sibawa dé' naengka iya salaé. Tungke' élé pasti mabbéréi adélékeng lao ri umma'-Na. Iyakiya tau iya dé'é naissengngi adélékengngé ri kotaéro tette'i pogau'i majaé tennaisseng masirié.

MATIUS 5:48

Ambo'mu ri surugaé namaséiwi sininna tauwé sibawa sukku. Harusu' tokko makkuwaro.”

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

YOHANES 1:17

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.

YOHANES 14:6

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

YOHANES 5:22

Aléna Ambo'é dé' nadélékiwi niga-niga. Sininna akuwasangngé untu' madéléki pura nabbéréyanni lao ri Ana'-Na.

ROMA 1:32

Naisseng mennang, makkedaé manuru' hukkunna Allataala, tau iya pogau' manengngéngngiro sitinajai rihukkung maté. Namuni makkuwaro napogau' mutowi mennang gau'-gau'éro; sibawa mala nasitujui towi tau laingngé pogau'i.

ROMA 2:2

Riissenni makkedaé rékko Allataala patatteppai pahukkungengngé ri yasé'na sining tau iya pogau'éngngi sining pangkaukeng pada-padaéro, iyaro apettunna Allataala tongengngi.

ROMA 2:5

Iyakiya matedde atiko sibawa dé' mumaélo tappinra. Rimakkuwannanaro alému muto mébbui pahukkungemmu pédé' tattamba tane'na ri Esso Kiyame', rékko nappaitanni caina Allataala sibawa patatteppai pahukkungemmu iya adélé'é.

ROMA 3:5

Iyakiya rékko pédé' manessani adélékenna Allataala, nasaba pogau'ki iya dé'é natongeng, agana maélo tapowada? Makkedaé Allataala dé' naadélé' rékko nahukkukki? (Mémeng iyaé pakkutanaé siratangngi secara tolino.)

1 KORINTUS 10:4

sibawa ménung énungeng rohani iya padaé. Ménung manengngi mennang polé ri bulu batu rohani iya sibawangngéngngi mennang; iyaro bulu batué iyanaritu Kristus.

ULANGENG 10:18

Nabélai ha'na ana' béué sibawa jandaé kuwammengngi narigaukeng mennang sibawa adélé; namaséiwi tau laingngé iya tuwoé silaong bangsata sibawa mpéréngngi mennang inanré sibawa pakéyang.

ULANGENG 32:15

Mancaji sugii umma'na Puwangnge, iyakiya napoji maronta, macommo-commo mennang, messo inanré. Nainappa mennang nasalai Allataala, Pappancajinna sibawa nasampéyang Pappassalama'na iya poré.

ULANGENG 32:18

Dé' najampangiwi mennang Pappassalama'na iya poré, nallupaiwi mennang Allataalana iya mabbéré atuwong.

ULANGENG 7:9

Engngerangngi makkedaé Puwang Allataalamu iyanaritu séddi-séddinna Allataala, na Aléna Allataala iya matinulué. Puwangnge pennoiwi jancin-Na sibawa mappaitangngi pammasé-Na iya tette'é narapi sisebbu assossoreng lao ri tau iya pojiyéngngi sibawa turusiwi parénta-parénta-Na.

YAKOBUS 1:17

Tungke' pabbéré iya makessingngé sibawa hadiya iya sukkué apolénna poléi ri surugaé, napanurungngi Allataala, Pabbinruna sininna tajangngé ri langié. Aléna ritu Allataala iya dé'é nappinra sibawa dé'to nassabariwi muwi pettang aga.

YAKOBUS 4:12

Padahal banna séddi iya mappunnaiyé ha' mabbéré hukkung lao ri tolinoé sibawa madélékiwi tolinoé. Aléna ritu Allataala iya makuwasaé mappassalama' sibawa mappabbinasa. Jaji, niga iko, angkammu maélo passalai pada-padatta rupa tau?

1 PETRUS 2:6

Nasaba ri laleng Kitta'é tarokii makkuwaé, “Purani upilé séddi batu iya mangke'é, iya Utaroé ri Sion selaku batu iya pentingngé; na tau iya mateppe'é ri Aléna dé' naripakacélé matu.”

1 SAMUEL 2:2

Dé' gaga iya mapaccingngé pada-pada Puwangnge! Banna aléna iya mullé mabbéré allinrungeng.