ULANGENG 32:3 - KITTA KAREBA MADECENG

³ Maélo-Ka pojiwi asenna Puwangnge. Abbirittangngi arajanna Allataalata!

ULANGENG 32:3 ပူးပေါင်းရင်းမြစ်များ

1 TAWARIKH 17:19

Nasaba élo-Mu muto sibawa untu' apentingekku Mupogau'i sininna pangkaukeng battowaéwé sibawa mannessa-nessa.

1 TAWARIKH 29:10

Napoji-pojini Arung Daud Puwangnge ri yolona tau maégaéro. Makkedai, “Oh Puwang Allataala iya nasompaé Yakub toriyolota, ripojiko untu' mannennungeng!

1 TAWARIKH 29:11

Battowa tongekko sibawa makuwasa. Malebbiko, tarompo sibawa maraja. Sininna séuwa-séuwaé ri langié sibawa ri linoé iyanaritu appunnangem-Mu. Iko arung maraja, iya makuwasaiyéngngi sini-sininnaé.

1 TAWARIKH 29:13

Makkekkuwangngé, oh Puwang Allataalata, sukkuru'ki ri Iko, sibawa mappojiki ri asem-Mu iya marajaé.

MAZMUR 150:2

Pojiwi Aléna nasaba pangkauken-Na iya baranié. Pojiwi Aléna nasaba arajan-Na iya battowaé.

ASSURENG 20:24

Ebburek-Ka séddi mézba polé ri tanaé nainappa Muwakkasuwiyangeng kuwaro bimbala'mu sibawa sapimmu untu' akkarobangeng ritunu sibawa akkarobangeng pappasidamé. Ri tungke' onrong iya Upattentungengngékko selaku onrong untu' massompa lao ri Iyya, maéloka polé sibawa barakkakiko.

ASSURENG 33:19

Nappébali Puwangnge, “Laloka matu sibawa sininna arajak-Ku ri yolomu, nauteppu towi asek-Ku iya mapaccingngé. Iyya'na Puwang, nauwappaitangngi akacuwak-Ku sibawa paressé babuwa-Ku lao risining tau iya Upilé.

ASSURENG 6:3

Pakangka tok-Ka assijancing sibawa mennang. Majjanci-Ka mabbéréyangngi matu wanuwa Kanaan lao ri mennang, wanuwa onronna mennang riyolo tuwo selaku tau laing.

YEREMIA 10:6

Puwang iya malebbié, dé'gaga pada-padam-Mu, marajai asem-Mu sibawa penno akuwasang.

YEREMIA 23:6

Rékko mapparéntai, salama'i matu tau Yéhudaé, sibawa tuwoi matu tau Israélié sibawa amang. Iyaro arungngé riteppui matu ‘Puwangnge Asalamaketta.’

MATIUS 1:23

“Mattampu'i matu séddié ana'dara nanajajiyang séddi ana' worowané. Iyaro ana'é riyasengngi matu Immanuél.” (Immanuél iyanaritu ada Ibrani iya bettuwannaé, “Allataala engka sibawakki”.)

YOHANES 17:26

Purani Uwappaissengeng asenna Ambo' lao ri mennang; namatteru-Ka pogau'i matu makkuwaro, kuwammengngi napammaséna Ambo'é lao ri Iyya tette'i ri laleng atinna mennang sibawa masséddi-Ka sibawa mennang.”

YOHANES 17:6

Purani Uwappaddissengeng Ambo' lao risining tau iya polé ri linoéwé iya puraé nabbéréyang Ambo' lao ri Iyya. Mennang iyanaritu appunnangennai Ambo', na Ambo' pura mabbéréyangngi mennang lao ri Iyya. Purani mennang naturusi ada-adanna Ambo'.

EFESUS 1:19

napékkugi héba'na Allataala majjama sibawa sukku akuwasan-Na ri laleng idi iya mateppe'é. Iyaro akuwasanna Allataala pada-padai akuwasang iya dé'é padan-Na

ULANGENG 3:24

Oh, Puwang Iya Pommatanré, uwisseng makkedaé iya Mujellokengngékkaé nappai maddupa pammulang polé ri pangkaukeng-pangkaukem-Mu iya battowaé sibawa makalallaingngé. Dé' gaga déwata laing ri langié muwi ri linoé iya pada-padaé Iko mullééngngi pogau'i gau'-gau' iya maseroé.

ULANGENG 5:24

Makkedai mennang, ‘Puwang Allataalata pura mappaitangngi arajan-Na sibawa alebbiren-Na wettunna riyéngkalingai mabbicara polé ri apié. Iyaé essoé purani risabbing makkedaé mémeng makkulléi rupatauwé tette'i tuwo, namuni purai Allataala mabbicara lao ri aléna.

WAHYU 15:3

Sibawa makkélongngi mennang élonna Musa, atanna Allataala, enrengngé élonna Ana' Bimbala'é. Makkuwaiyé oninna, “Puwang, Allataala Pommakuwasaé, temmaka loppona sibawa makalallainna sining pangkaukem-Mu! Arunna sininna bangsaé, temmaka adélé'na sibawa tongenna sining tindakem-Mu!