ULANGENG 32:2 - KITTA KAREBA MADECENG

² Tennapodo pappagguruwakku nonnoi pada-pada bosié, sibawa ada-adakku tetti pada-pada cinoddoé, samanna bosi canecci ri tompo'na wella-wellaé, pada-pada bosi rajaé ri yasé'na tanet-tanengngé.

ULANGENG 32:2 ပူးပေါင်းရင်းမြစ်များ

2 SAMUEL 23:4

Pada-padai tappa élé masiya'é pada éléé ri wettu macorana langié. Pada-pada cahaya mata essoé purana bosi mébbui wella manyilaé magello carillakkillang.”

MAZMUR 65:10

Iyaro tanaé Mupiyarai sibawa Muwéréngngi bosi, Mupancajiwi macommo angkanna maona wassélé'na. Sining saloé Mulisekiwi uwai gangka penno, Mupassadiyangengngi mennang gandong, mappakkuwaniro Mupassadiyangengngi.

MAZMUR 72:6

Tennapodo padai bosi iya teppaé ri padangngé, pada-pada bosi raja iya malle'éngngi sining dare'é.

AMSAL 4:2

Iya upagguruwangngékkoé makessing, rimakkuwannanaro aja' muwangga énténgngi.

HOSEA 14:5

Makkedai Puwangnge, “Umma'-Ku iya lésséé, Uwalai paimeng na-Uwamaséiwi sibawa sissukku ati; dé'na matu Uwacairiwi.

HOSEA 6:4

Iyakiya makkedai Puwangnge, “Eh Israélié sibawa Yéhuda! Aga harusu Upogau' sibawa iko? Pappojimmu lao ri Iyya masitta'i teddéng pada-pada saléwué iyaré'ga cinoddoé ri éléé.

AMOS 7:16

Rimakkuwannanaro éngkalingai aga napowada Puwangnge lao ri iko. Nasaba muwattéyakka makkatobba méwai bangsa Israélié.

MIKHA 5:6

Tau Israél iya nasésaé mupa mancajiwi matu cinoddo makeccé'é polé ri Puwangnge untu' maéga bangsa, sibawa padai teppana bosié ri tanet-tanengngé. Sanréi matu mennang lao ri Allataala, natenniya lao ri tolinoé.

MIKHA 5:7

Tau Israél iya monroé mupa ri yelle'na bangsa-bangsaé padai matu singaé ri tengngana sining olokolo'é ri ale'é iyaré'ga ri tengngana bimbala makkonrongngé ri padang wellaé. Iyaro singaé muttama'i ri tengnga-tengngana bimbala makkonrongngéro nanaléjja'-léjja'i sibawa nasapé'-sapé'i; dé'gaga mulléi paleppe'i iyaro sining bimbala'é.

ZAKHARIA 10:1

Rékko narapini wettu lemmaé, éllauno bosi lao ri Puwangnge. Nanapaddeppungengngi matu Puwangnge ellung malillingngé, sibawa pateppa bosi raja angkanna manyila sining dare'é sibawa matakka untu' sininna tauwé.

IBRANI 6:7

Tana iya nattemmekiyé uwai bosi iya biyasaé teppa ri yasé'na, nainappa powassélé' tanet-taneng iya makkégunaé untu' tau iya jamaéngngi, iyaro tanaé nabarakkakiwi Allataala.