ULANGENG 30:3 - KITTA KAREBA MADECENG

³ Puwang Allataalamu mamaséiko matu. Natiwiko matu lisu polé ri bangsa-bangsa kégiko ripapassara-sarang, sibawa ripancaji madécéng paimeng.

ULANGENG 30:3 ပူးပေါင်းရင်းမြစ်များ

KAJAJIYANG 28:15

Engngerangngi, maélo-Ka tulukko sibawa linrungiko, kégi-kégiko lao, sibawa maélo-Ka tiwiko lisu ri wanuwaéwé. Dé' Umaélo salaiko narapi pura Upogau' sininna aga iya Uwajjanciyangngé lao ri iko.”

KAJAJIYANG 48:21

Nanakkedana Yakub lao ri Yusuf, “Pada-pada iya muwitaé, macawé'ni ajjalekku, iyakiya Allataala tulukko matu sibawa tiwiko lisu ri wanuwanna toriyolomu.

1 TAWARIKH 16:35

Powadani, “Oh Allataala, Pappassalama'ta, passalama'ni polé ri akuwasanna bangsa-bangsaé sibawa paddeppungenni paimeng, kuwammengngi weddikki sukkuru sibawa pojiwi asenna iya mapaccingngé!”

NEHEMIA 1:9

Iyakiya rékko lisuki paimeng ri Iko sibawa turusiwi sining parénta-Mu, idi iya tassiya-siyaénnaro Mupaddeppungekki matu paimeng, namuni engkaki ri cappa-cappa linoé. Nainappa Mupalisuki matu ri onrong iya puraé Mupilé untu' mancaji onrong massompa lao ri Iko.

AYUB 42:10

Nainappa, puranana massempajang Ayub untu' iya tellu sellaona, ripassugini paimeng ri Puwangnge sibawa mpéréngngi leppi wékkaduwa polé ri sininna appunnangenna riyolo.

MAZMUR 107:3

Purano ripaddeppungeng polé ri wanuwa-wanuwa laingngé, polé ri alau sibawa yajang, manorang sibawa yattang.

MAZMUR 147:2

Napalisui matu Puwangnge Yérusalém; Napalisui matu sining tau ripalié.

YESAYA 27:12

Ri wettuéro napadeppungengngi matu Puwangnge bangsa-Na tasséddi-séddi polé ri Salo Efrat lettu ri pakkasésénna Maséré. Napallaingngi matu mennang pada-pada tau pallaingngéngngi gandongngé polé ri awanna.

YESAYA 43:5

Aja' mumétau, saba' Iyya linrungiko. Polé ri yajang sibawa ri alau Usuroi ana' eppomu polé maddeppungeng.

YESAYA 54:7

“Cinampe bawang Usalaiko; nasibawang pammasé pappoji Uwalako paimeng.

YESAYA 56:8

Mappakkuwaiyé adanna Puwang Iya Pommatanré iya mantara'éngngi Israélié lisu polé ri appalirengngé, “Maélo-Ka tiwii sining tau laingngé untu' masséddi sibawa mennang iya maddeppungengngénna.”

YEREMIA 12:14

Makkedai Puwangnge, “Iyanaé pasek-Ku passalenna wanuwa-wanuwa sideppéna Israélié iya puraé solangiwi wanuwa iya Uwabbéréyangngé lao ri umma'-Ku Israélié. Pada-pada tanet-taneng iya ribébbué polé ri tanaé, makkuwaniro sining tau majaéro Upassui matu polé ri wanuwa-wanuwanna mennang, sibawa Uleppessangngi Yéhuda polé ri pakkarekkenna mennang.

YEREMIA 23:3

Iyakiya sésa-sésana umma'-Ku Upaddeppungengngi polé ri wanuwa-wanuwa onronna mennang Upali. Utiwii matu mennang lisu ri tana ancajingenna mennang sibawa wija-wijanna tattambai matu maéga.

YEREMIA 29:14

Tongeng, muruntu'-Ka matu. Upaddeppungekko matu polé ri tengnga-tengngana tungke bangsaé sibawa polé ri tungke wanuwa onrommu ripassara-sarang sibawa ripali. Utiwiko matu lisu ri wanuwa assalemmué enrengngé palisui keadaammu. Iyya, Puwang, pura mabbicara.’

YEREMIA 31:10

Makkedai Puwangnge, “Engkalingai éh bangsa-bangsa! Palettu'i pasek-Ku ri liweng tasi: Umma'-Ku iya puraé Upassara-sarang Upaddeppungengngi matu sibawa Upiyara pada-pada pakkampié monrowangngi bimbala'na.

AWATINGENG 3:22

Pammaséna Puwangnge mannennungengngi, dé' naengka nacappu pammasé-Na,

AWATINGENG 3:32

Puranana mabbéré anrasa-rasang maressé babuwasi, nasaba tette'i Namaséiki sibawa pammasé iya dé'é paggangkanna.

YEHEZKIEL 11:17

Iyya, Puwang Iya Pommatanré, pannessai makkedaé Upaddeppungengngi matu mennang polé risining wanuwa ri onronna mennang tassiya, nainappa palisui tana Israélié lao ri mennang.

YEHEZKIEL 36:24

Polé ri tungke bangsa sibawa wanuwa, Upaddeppungekko matu sibawa Upalisu lao ri tanamu muto.

YEHEZKIEL 39:28

Nanaissengngi umma'-Ku makkedaé Iyya ritu Puwang Allataalana mennang. Saba' Iyya ritu kiringngi mennang lao ri appalirengngé, iyakiya Iyya'to iya tiwiéngngi mennang lisu ri wanuwanna muto, tessalaiwi muwi séddi tau polé ri mennang kuwaro.

MIKHA 7:19

Maressési-Ko matu lao ri idi sibawa maddampengekki. Muléjja'-léjja'i matu dosa-dosata sibawa Muwaggenrungengngi lao ri borina tasi'é!

ZAKHARIA 10:9

Namuni Upassanrai mennang lao ri tengnga-tengngana bangsa-bangsaé, tette'-Ka matu naéngngerang mennang kuwaro. Salama'i matu mennang, makkuwatoro ana'-ana'na sibawa silaong matu lisu ri wanuwanna.

ROMA 11:23

Na passalenna sining tau Yahudiéro, rékko mappésauwi mennang kédo-kédo dé' namateppe', ritarimai matu mennang paimeng; saba' makuwasai Allataala untu' tarimai mennang paimeng.

ROMA 11:26

Makkuwaniro sininna tau Yahudié salama'i matu. Saba' ri laleng Kitta'é tarokii makkuwaé, “Arung Pappassalama'é poléi matu ri Sion; naleddai matu sininna ja polé ri wija-wijanna Yakub.

ROMA 11:31

Makkuwatoro sining tau Yahudiéro. Makkekkuwangngéwé dé' namatinulu lao ri Allataala, kuwammengngi naripannessako leppe' polé ri asalangngé. Iyakiya matti mennang maélo towi ripannessa leppe' polé ri asalangngé.

ULANGENG 13:17

Iyaro barab-barang tattanroé dé' nawedding ritaro untu' alému, iyakiya harusu'i riyancuru siseng. Nasoro matu caina Puwangnge nanappaitangngi paressé babuwana lao ri iko. Makacuwai matu lao ri iko sibawa pancajiko bangsa iya battowaé pada-pada iya Najjanciyangngé lao ri toriyolomu,

ULANGENG 4:27

Napassara-sarakko matu Puwangnge ri yelle'na bangsa-bangsa laingngé na banna céddé bawang matu ri yelle'mu iya tette'é tuwo.