ULANGENG 3:2 - KITTA KAREBA MADECENG

² Iyakiya makkedai Puwangnge lao ri iyya, ‘Aja' mumétau ri aléna, Musa. Maélo-Ka mabbéréyangngi, tentarana sibawa sininna daérana lao ri iko. Gaukenni pada-pada puraé mugaukengngi Sihon, arung Amori iya mapparéntaé ri Hésybon.’

ULANGENG 3:2 ပူးပေါင်းရင်းမြစ်များ

2 TAWARIKH 20:17

Dé' muparellu mammusu ri laleng ammusurengngéwé. Laono ri onrong iya puraé ripattentungekko sibawa tajengngi kuwaro. Muwitai matu Puwangnge mpérékko apakalang. Eh pabbanuwana Yéhuda sibawa Yérusalém, aja' mumanenneng iyaré'ga métau. Uttamaki bawanni ammusurengngé, Puwangnge tulukko matu!”

YESAYA 41:10

Aja' mumétau, saba' Iyya sibawakko, aja' mumanenneng, saba' Iyya Allataalamu. Upakkasse'ko matu sibawa Utulung, Udulung sibawa limak-Ku iya poré.

YESAYA 43:5

Aja' mumétau, saba' Iyya linrungiko. Polé ri yajang sibawa ri alau Usuroi ana' eppomu polé maddeppungeng.

ABBILANGENG 14:9

Aja' muéwai Puwangnge, sibawa aja' mumétau lao risining tau iya monroé ri wanuwaéro, saba' magampakki caui matu mennang. Iya linrungiyéngngi mennang nasalaini, na Puwangnge sibawakki. Jaji, aja'na mumétau.”

ABBILANGENG 21:34

Makkedani Puwangnge lao ri Musa, “Aja' mumétau ri aléna. Maéloka mpérékko apakalang. Mucaui matu, sininna ra'ya'na sibawa wanuwanna. Gaukenni pada-pada pura mugaukengngéngngi Arung Sihon iya mapparéntaé ri Hésybon.”

RIWAYA'NA RASUL-RASUL-E 18:9

Riséuwaé wenni ri laleng séuwaé pakkitang, makkedai Puwangngé lao ri Paulus, “Aja' mumétau! Abbicarako matteru aja' muwammekko.

RIWAYA'NA RASUL-RASUL-E 27:24

Makkedai iyaro malaéka'é, ‘Aja' mumétau, Paulus! Saba' mangoloko matu ri Kaisar. Sibawa nasaba akessingeng atinna Allataala ri iko, sininna tau iya muwéwaé sisompereng salama'i matu nasaba iko.’

ULANGENG 20:3

‘Saudara-saudara, éngkalingai! Iyaé essoé majuko mammusu. Aja' mumétau iyaré'ga marenni ati iyaré'ga malippu.

ULANGENG 3:1

“Nainappaki kédo lao ri manorang mattuju ri daéra Basan. Og, arung Basan malluru sibawa sininna tentarana untu' musuki ri seddéna kota Edréi.

ULANGENG 3:11

Arung Og iyanaritu tau Réfaim iya paccappurengngé. Doninna riyébbui polé ri batué, lampéna eppa météré sibawa sakkana nawéki duwa météré situru ukkurang iya ripattette'é. Lettu makkekkuwangngé wedding mupa riita ri Raba, kotana tau Amongngé.)

ULANGENG 3:3

Jaji nabbéréyang toni Puwang Allataalata Arung Og sibawa ra'ya'na lao ri idi, sibawa ricau manengngi mennang.

YOSUA 10:8

Makkedai Puwangnge lao ri Yosua, “Aja' mumétau lao ri mennang. Pura Uwérénno apakalangngé, rimakkuwannanaro dé' muwi séddi tau polé ri mennang mulléi tahang méwako.”

WAHYU 2:10

Aja' mumétau ri anrasa-rasang iya dé'énna namaitta naharusu' mupéneddingi. Engngerangngi, naputtama'i matu Ibillisi' sibagiyang polé ri iko ri laleng tarungkué untu' cobaiko. Manrasa-rasako matu seppulo esso ittana. Sitinajako matinulu lao ri Iyya gangka maté, na-Uwérékko matu atuwong tongengngé sibawa mannennungengngé selaku hadiya apakalang.