ULANGENG 3:12 - KITTA KAREBA MADECENG

¹² “Mancajinnana iyaro tanaé appunnangetta, uwérénni suku Rubéngngé sibawa suku Gad-é daéra seddé manoranna kota Aroér macawé'é ri Salo Arnon, sibawa sibagiyang polé ri daéra buluna Giléad, muttama'ni kota-kotana.

ULANGENG 3:12 ပူးပေါင်းရင်းမြစ်များ

2 ARUNG-NGARUNG 10:33

ri seddé alauna Salo Yordan lettu ri yattang sibbéla kota Aroér seddéna Salo Arnon, muttama'ni daéra seddéna Giléad sibawa Basan, onronna suku Gad, Rubén sibawa Manasyé alau.

ABBILANGENG 32:40

Rimakkuwannanaro nabbéréyanni Musa iyaro tana Giléad lao ri appanna Makhir, sibawa mattette'ni mennang kuwaro.

ULANGENG 2:36

Nasibawang pattulunna Puwang Allataalata, riyulléi sittai manengngi kota-kotaéro, mappammulai ri Aroér, ri cappa'na Lompo Arnon, sibawa kotaé ri tengngana lompo'éro, lettu ri daéra Giléad. Dé' gaga kota iya mawatangngé témbo'na lao ri idi.

ULANGENG 29:7

Na wettutta lettu ri onrongngéwé, Arung Sihon polé ri Hésybon sibawa Arung Og polé ri Basan polé musuriki. Iyakiya ricaui mennang.

ULANGENG 29:8

Risittaiwi mennang tanana naritawaingengngi suku Rubén, Gad sibawa sibagiyang suku Manasyé.

ULANGENG 3:13

Lao ri sitengnga suku Manasyé uwérénni sésana daéra Giléad, makkuwatoro daéra Basan iya najajaé Og riyolo, iyanaritu sininna daéra Argob.” (Kalabbai Basan selaku wanuwanna tau Réfaingngé.

ULANGENG 4:48

Iyaro tanaé mallebba'i polé ri kota Aroér ri wirinna Salo Arnon, matteru limanorang lettu ri Bulu Siryon, iyanaritu Bulu Hérmon,