ULANGENG 3:1 - KITTA KAREBA MADECENG

¹ “Nainappaki kédo lao ri manorang mattuju ri daéra Basan. Og, arung Basan malluru sibawa sininna tentarana untu' musuki ri seddéna kota Edréi.

ULANGENG 3:1 ပူးပေါင်းရင်းမြစ်များ

NEHEMIA 9:22

Muwéréngngi mennang apakalang lao ri maéga akkarungeng sibawa bangsa ri pakkaséséng tanana mennang. Hésybon wanuwanna Arung Sihon, natudangiwi mennang; Basan wanuwanna Arung Og, naonroiwi mennang.

MAZMUR 136:20

sibawa Og, arung Basan; mannennungengngi pammasé-Na.

ULANGENG 1:4

Iyaro kajajiyangngi purana Musa nacau Sihon, arunna tau Amorié, iya mapparéntaé ri kota Hésybon, sibawa Og, arunna Basan, iya mapparéntaé ri kota-kota Asytarot sibawa Edréi.

ULANGENG 2:32

Napoléna Sihon sibawa sininna pasukanna untu' musuki ri seddéna kota Yahas.

ULANGENG 29:7

Na wettutta lettu ri onrongngéwé, Arung Sihon polé ri Hésybon sibawa Arung Og polé ri Basan polé musuriki. Iyakiya ricaui mennang.

ULANGENG 3:2

Iyakiya makkedai Puwangnge lao ri iyya, ‘Aja' mumétau ri aléna, Musa. Maélo-Ka mabbéréyangngi, tentarana sibawa sininna daérana lao ri iko. Gaukenni pada-pada puraé mugaukengngi Sihon, arung Amori iya mapparéntaé ri Hésybon.’

ULANGENG 31:4

Puwangnge maélo paccappui iyaro bangsa-bangsaé, pada-pada Nacauna Sihon sibawa Og, arunna tau Amorié, nenniya mancuru'i wanuwanna mennang.

ULANGENG 4:47

Natudangini mennang iyaro tanana Arung Sihon, makkuwatoro tanana Arung Og polé ri Basan, séddiwi arung Amori laing iya monroé ri seddé alauna Salo Yordan.

YOSUA 12:1

Daéra seddé alauna Yordan, polé ri Lompo Salo Arnon matteru ménré ri Lompo Yordan lettu sibbéla Bulu Hérmon ri bagiyang manorang, purani nasittai sibawa natudangi tau Israélié. Engka duwa arung nacau mennang.

YOSUA 12:4

Arung laing iya nacaué tau Israélié iyanaritu Arung Og polé ri wanuwa Basan, iya malaé tudangeng ri Asytarot sibawa Edréi. Sala séddinna tau risésa polé ri bangsa Réfaim.

YOSUA 13:30

Pakkasésénna daérana mennang lettu ri Mahanaim, muttama'ni sininna Basan – iyanaritu sininna daéra akuwasanna Og, arung Basan, sibawa iya ennetto pulona kampong-kampong Yair ri Basan.

YOSUA 9:10

sibawa passalenna aga iya Napogau'é lao ri iya duwa arung Amorié ri seddé alauna Yordan, iyanaritu Sihon arung Hésybon sibawa Og arung Basan iya monroé ri Asytarot.