ULANGENG 28:1 - KITTA KAREBA MADECENG

¹ “Rékko muturusiwi Puwang Allataalamu sibawa matinulu pogau'i sininna parénta iya uwéréngngékko iyaé essoé, napancajiko matu bangsa iya tarompoé ri linoé.

ULANGENG 28:1 ပူးပေါင်းရင်းမြစ်များ

YESAYA 1:19

Rékko mapatoko lao ri Iyya, mupéneddingiwi matu sininna iya makessingngé iya napowassélé'é wanuwammu.

ASSURENG 23:22

Rékko muturusiwi aléna sibawa pogau'i sininna iya Uwapparéntangngé, maélo-Ka mammusu méwai sininna balimmu.

YOHANES 15:14

Iko iyanaritu sellao-sellao-Ku, rékko mupogau'i aga iya Uparéntangengngékko.

LUKAS 11:28

Iyakiya mappébaliwi Yésus, “Lebbi masennappi tau iya méngkalingaéngngi ada-adanna Allataala sibawa pajoppaéngngi!”

ASSURENG 15:26

Adanna Puwangnge, “Turusi-Ka mattonget-tongeng, sibawa pogau'i aga iya Muwitaé makessing; accowérini sininna parénta-Ku. Rékko mupogau'i makkuwaéro, dé' Uhukkukko matu sibawa lasa iya Upakennaiyéngngi tau Maséré'é. Iyya'na ritu Puwang iya pajjappaékko.”

MAZMUR 91:14

Adanna Puwangnge, “Tau iya pojiyékko Upassalama'i matu, iya mangakuiyék-Ka Ulinrungiwi matu.

ULANGENG 15:5

assaleng matinuluko lao ri Puwang Allataalamu, sibawa mupogau'na tonget-tongeng sininna iya uwapparéntangngé lao ri iko iya essoéwé.

ULANGENG 11:13

Jaji turusiwi parénta-parénta iya upalettukengngékko essoéwé; éloriwi Puwang Allataalamu sibawa massompa ri Aléna sibawa sukku tubu nyawamu.

ROMA 2:7

Allataala mabbéréyangngi atuwong tongengngé sibawa mannennungengngé lao ri mennang iya mattunru-tunrué pogau' décéng untu' lolongeng iya malebbié, iya ripakarajaé sibawa mannennungengngé.

YESAYA 3:10

Makkedai Puwangnge, “Palettukengngi tau iya mapatoé lao ri iyya makkedaé masennangngi matu sibawa salama'i. Napéneddingiwi matu mennang wassélé turuppuse'na.

MAZMUR 111:10

Nigi-nigi macinna mancaji mapanré harusu'i pakalebbii Puwangnge, mabbéréi pappahang lao ri sininna tau iya mapatoé. Ripojiwi Puwangnge sillampé wettué!

GALATIA 3:10

Sining tau iya taggattungngé ri Hukkunna Agamaé, iya manenna tuwoi ri yawana pahukkungengngé. Saba' ri laleng Kitta'é tarokii, “Tau iya dé'é namatinulu pajoppai sininna iya tarokié ri laleng Kitta Hukkunna Agamaé, ritanroiwi ri Allataala!”

LUKAS 9:48

Nainappa makkeda lao ri ana'-ana' gurun-Na, “Tau iya tarimaéngngi iyaé ana'é nasaba Iyya, bettuwanna natarima-Ka. Sibawa tau iya tarimaék-Ka, natarima towi iya suroék-Ka. Saba' tau iya kaminang baiccu'é ri yelle'mu, iyanaritu kaminang battowa!”

YEREMIA 17:24

Turusiwi sininna parénta-Ku. Aja' muwakka muwi barang aga molai pintu gerbang kotaéwé ri Esso Saba'é. Pallaingngi, esso Saba'é untu' Iyya, sibawa aja mupogau'i muwi aga ri essoéro.

ULANGENG 26:19

Naébbuko matu Puwangnge lebbi battowa polé ri sininna bangsa laing iya puraé Napancaji, ripojiko matu sibawa ripakalebbi. Mancajiko umma'na Puwang Allataalamu pada-pada iya Najjanciyangngé.”

YEREMIA 11:4

Iyaro assijancingngé purai Uwébbu sibawa toriyolona wettunna mennang Utiwi massu polé ri Maséré, wanuwa iya pada-padaé naraka untu' mennang. Usuroi mennang mapato lao ri Iyya sibawa pogau'i sininna iya puraé Uwapparéntang. Makkekkuwangngé pura toni Upowada lao ri tau Yéhudaé sibawa pabbanuwana Yérusalém makkedaé rékko matinului mennang lao ri Iyya, mancajiwi matu umma'-Ku sibawa Iyya Allataalana mennang.

MAZMUR 106:3

Masennangngi tau iya turusiyéngngi sining parénta-Na, sibawa tuli tongeng ri laleng tindakanna.

LUKAS 1:6

Atuwonna mallaibinéro napésennangiwi atinna Allataala. Iya duwa naturusiwi sininna paréntaé sibawa Hukkunna Puwangngé sibawa tonget-tongeng.

MAZMUR 148:14

Purani napéwatangi bangsa-Na, angkanna ripoji-poji ri umma'-Na, Israélié, umma Napojiyé. Pojiwi Puwangnge!

MAZMUR 119:128

Rimakkuwannanaro tuwoka situru sibawa sininna panunju'-Mu; ucéccé kédo-kédo iya majaé.

MAZMUR 119:6

Rékko upuriyatiwi sininna parénta-Mu, dé' naripakasirika matu.

YEREMIA 12:16

Rékko sukkui atinna mennang maélo tarimai agamana umma'-Ku nenniya maélo mattanro sibawa makkeda, ‘Nasabbing Puwang iya tuwoé,’ – pada-pada riyolo paggurui umma'-Ku mattanro nasabbing Baal – na muttama towi matu mennang umma'-Ku sibawa mancaji madécéng.

ASSURENG 23:25

Rékko musompa-Ka, Puwang Allataalamu, maélo-Ka barakkakiko sibawa inanré enrengngé énungeng, sibawa sininna lasaé maélo-Ka pabélaiwi polé ri iko.

ULANGENG 11:27

Ribarakkakiko matu rékko mapatoko lao ri parénta-paréntana Puwang Allataalamu, iya upalettukengngékko iyaé essoé.

ULANGENG 28:13

Puwang Allataalamu pancajiko matu pamimping ri yelle'na bangsa-bangsaé, tenniya ana' guru. Rékko matinuluko turusiwi sininna paréntana Puwangnge iya nawéréngngékko iya essoéwé, pédé madécékko matu sibawa dé' naengka musoro.

1 TAWARIKH 14:2

Rimakkuwannanaro mateppe'ni Daud, Puwangnge pura pakkasse'i aléna selaku arunna Israélié sibawa péwatangiwi akkarungenna untu' apentingenna umma'na Puwangnge.

ULANGENG 26:18

Iyaé essoé natarimako Puwangnge selaku umma ri Aléna, pada-pada iya Najanciyangngékko, sibawa Naparéntakko untu' pogau'i sininna parénta-Na.