ULANGENG 27:7 - KITTA KAREBA MADECENG

⁷ Akkasuwiyangeng towi akkarobangeng pappasidamému sibawa anréno kuwaro enrengngé ariyo-riyono ri yolona Puwang Allataalamu.

ULANGENG 27:7 ပူးပေါင်းရင်းမြစ်များ

NEHEMIA 8:10

Lisuno makkekkuwangngé; anréno sibawa énunno sibawa masennang. Abbéréyangngi sibagiyang polé ri inanrému sibawa anggoro'mu lao ri mennang iya akurangengngé. Iyaé essoé, esso ripallaing untu' Puwatta, jaji aja' mumasussa. Asennangeng nawéréngngékko Puwangnge péwatangiko matu.”

YESAYA 12:3

Pada-pada uwai keccé'é pérennuiwi tau madekkaé, makkuwaniro mariyo-riyoko matu, nasaba ripassalama'ko ri Allataala.”

YESAYA 61:10

Makkedai Yérusalém, “Marennuka nasaba Puwangnge, mariyo-riyoi atikku nasaba Allataala. Pada-pada bottimpurané sibawa makkunraié pakéi bélo-bélo sining magello, makkuwaniro Puwangnge pakkennangekka waju asalamakengngé sibawa apakalangngé.

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

HABAKUK 3:18

tuli marennuka matu, saba' Iko Puwang Allataala pappassalama'ku.

RIWAYA'NA RASUL-RASUL-E 10:36

Naissenni saudara-saudara lise'na karéba iya napalettu'é Allataala lao ri bangsa Israélié. Iyaro karébaé iyanaritu passalenna Karéba Madécéngngé lao-laona adaméngengngé naolai Yésus Kristus, iyanaritu Puwanna sininna tauwé.

ROMA 5:1

Makkekkuwangngé simadécéngenni paimeng sibawa Allataala, nasaba mateppe'ki. Rimakkuwannanaro tuwoki ri laleng adaméngengngé sibawa Allataala naolai Puwatta Yésus Kristus.

ROMA 5:10

Rékko ri wettutta simusu sibawa Allataala; ripasidaméki sibawa Aléna naolai amaténna Ana'-Na, lebbi-lebbipi makkekkuwangngé simadécéngenna paimeng assisumpungetta sibawa Allataala, tentu ripassalama' tokki matu naolai atuwonna Kristus.

ULANGENG 12:12

Arennuno ri yolona Puwang Allataalamu, silaong ana'-ana'mu, ata-atammu sibawa sining tau Léwié iya monroé ri kota-kotamu, nasaba tau Léwié dé' nalolongeng bagiyang tana ri wanuwammu.

ULANGENG 12:7

Kuwatoniro, ri yolona Puwang Allataalamu, iko silaong kaluwargamu harusu manréi sibawa marennu nasaba usaha-usahamu iya papolé wassélé nasaba nabarakkakiwi Puwang Allataalamu.

ULANGENG 16:11

Ri yolona Puwang Allataalamu, ri onrong iya Napilé, harusu'ko marennu silaong ana'-ana'mu, ata-atammu sibawa tau Léwié, tau laingngé, ana' béué sibawa sining janda iya monroé ri kota-kotamu.

ULANGENG 16:14

Assennas-sennanno sibawa ana'-ana'mu, ata-atammu, tau Léwié, tau laingngé, ana' béué sibawa sining jandaé iya monroé ri kota-kotamu.

ULANGENG 27:6

saba' tungke' mézba iya ripatettongngé untu' Puwang Allataalamu, harusu'i riyébbu polé ri batu iya sekke'é. Ri yasé'na mézbaéro harusu'ko makkasuwiyangeng akkarobangeng-akkarobangeng ritunu.

ULANGENG 27:8

Ri yasé'na batu-batu iya ripuwaléiyéro harusu'ko mokii sibawa manessa tungke'-tungke' ada-ada polé ri hukkung-hukkunna Allataala.”

FILIPI 3:3

Padahal idi'na ritu sining tau iya puraé tarimai sunna iya tongengngé, tenniya mennang. Risompai Allataala sibawa pappimpinna muto Rohna Allataala, na sukkuru'ki nasaba tuwoki masséddi sibawa Kristus Yésus. Dé' tataggattung ri upacara-upacara iya mallahérengngé.

FILIPI 4:4

Tennapodo tuli marennuko nasaba tuwoko masséddi sibawa Puwangngé. Siseppa makkeda: arennuno!

KOLOSE 1:20

Sibawa naola towi iyaro Ana'é Allataala pettuiwi sininna séuwa-séuwaé nasimadécéngeng paimeng sibawa Aléna – muwi iya engkaé ri linoé iyaré'ga iya engkaé ri surugaé. Napogau'i Allataala iyaro naolai amaténna Ana'-Na ri aju sallié.