Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ULANGENG 27:2 - KITTA KAREBA MADECENG

2 Ri esso muwalléttoinna Salo Yordan untu' muttama ri wanuwa iya nawéréngngékko Puwang Allataalamu, harusu'ko patettong siyagangngaré batu loppo nainappa mupuwaléi.

အခန်းကိုကြည့်ပါ။ ကော်ပီ




ULANGENG 27:2
16 ပူးပေါင်းရင်းမြစ်များ  

memmuwaré nasibawang bessié riyapparengngi ri batué, kuwammengngi nattahang sillampé wettué.


Uwéréngngi matu mennang ati iya mabarué sibawa akkaleng iya mabarué. Atinna mennang iya sittedde'é batué Uwalai matu na-Usulléiwi sibawa ati iya mapatoé lao ri Iyya.


Na-Uwérékko ati iya mabarué sibawa pikkirang iya mabarué. Atimmu iya sittedde'é baturo Usulléiwi matu sibawa ati iya mapatoé.


Dé'na namaitta namuwalléttoiwi Salo Yordan sibawa tudangiwi tana iya Nawéréngngékko Puwang Allataalamu. Puranana musittai tanaéro sibawa monro kuwaro,


“Rékko muttama'no ri wanuwa iya nawéréngngékko Puwang Allataalamu sibawa monrono kuwaro,


Nainappa silaong sininna pamimpinna Israélié, napalettu'ni Musa iyaé pasengngé lao ri bangsaéro, “Turusiwi sininna parénta iya uwéréngngékko essoéwé.


Okii ri batu-batuéro tungke' ada polé ri hukkung-hukkungngéwé. Rékko muttama'no ri wanuwa iya sugié namacommo iya najjanciyangngé Puwangnge, Allataalana néné-nénému lao ri iko,


sibawa engkano ri liwenna Salo Yordan, harusu'ko lao ri Bulu Ebal. Harusu'ko patettongngi sibawa puwaléiwi iyaro batu-batué kuwaro pada-pada iya uparéntangngékko essoéwé.


“Nasuroka Puwang Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi.


“Engkalingai Saudara-saudara! Iyaé essoé muwalléttoiwi Salo Yordan untu' tudangiwi daérana bangsa-bangsa iya lebbi battowaé sibawa lebbi mawatangngé naiya iko. Kota-kotana mennang battowai sibawa témbo'-témbo' iya maccaloli'é sittanré langié.


kuwammengngi namattulili ri sininna akkémanna umma Israélié sibawa mpéréngngi paréntaéwé, “Passadiyai bokongngé, nasaba tellungngessopi naharusu'ko malléttoiwi Salo Yordan untu' tudangiwi wanuwa iya nawéréngngékko Puwang Allataalamu.”


Lettu manennana iyaro bangsaé ri liweng, makkedani Puwangnge lao ri Yosua,


Nainappa patettong Yosua séddi mézba ri Bulu Ebal untu' Puwangnge, Allataalana Israélié.


Iyaro mézbaé naébbui situru panunju-panunju ri laleng Kitta'na Musa, atanna Puwang-ngéro, lao risining tau Israélié: “Séddi mézba polé ri batu-batu iya dé'éppa naengka rijama sibawa paréwa bessi.” Ri yasé'na iyaro mézbaé makkasuwiyanni tau Israélié lao ri Puwangnge: akkarobangeng ritunu sibawato akkarobangeng pappasidaména mennang.


Kuwaro, nasabbing sining tau Israélié, naokii Yosua ri batu-batu mézbaéro lémbana hukkung-hukkunna Puwangnge iya engkaé ri laleng Kitta'na Musa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ