ULANGENG 26:9 - KITTA KAREBA MADECENG

⁹ Nainappa Mutiwiki lao kuwaé sibawa mpérékki tana iya sugié sibawa macommo'éwé.

ULANGENG 26:9 ပူးပေါင်းရင်းမြစ်များ

MAZMUR 105:44

Nabbéréyangngi lao ri mennang tanana bangsa-bangsaé, sining dare'na mennang napancajiwi appunnangenna umma'-Na,

ASSURENG 3:17

Sibawa pura upettuini untu' tiwii mennang massu polé ri Maséré, onronna mennang ritenre, sibawa mantara'i mennang lao riséuwaé wanuwa iya sugié namacommo, wanuwanna bangsa Kanaangngé, bangsa Hét-é, Amorié, Féris-é, Héwié sibawa Yébus-é.

ASSURENG 3:8

Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.

YEHEZKIEL 20:15

Ri padang kessi'éttonaro mangancak-Ka makkedaé bangsa Israélié dé' Utiwii matu muttama ri tana iya puraé Upassadiya untu' mennang, tana iya sugié sibawa macommo nenniya iya kaminang makessingngé ri sininna linoé.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

RIWAYA'NA RASUL-RASUL-E 26:22

Iyakiya lettu iya essoéwé nalinrungika Allataala, angkakku weddikka tettong kuwaé mabbéréyangngi asabbiyakku lao ri sininna tauwé – battowa iyaré'ga baiccu. Aga iya upowadaéwé dé' nasilaingeng naiya puraé naboto nabi-nabié sibawa Musa;

ULANGENG 26:15

Polé ri onrom-Mu iya mapaccingngé ri surugaé tattiro-Na sibawa barakkakiwi umma'-Mu Israélié; barakkaki towi wanuwa sugi namacommo'é iya puraé Muwérékki situru sibawa jancim-Mu lao ri néné-nénéta.’ ”

ULANGENG 27:3

Okii ri batu-batuéro tungke' ada polé ri hukkung-hukkungngéwé. Rékko muttama'no ri wanuwa iya sugié namacommo iya najjanciyangngé Puwangnge, Allataalana néné-nénému lao ri iko,

ULANGENG 6:3

Rimakkuwannanaro éngkalingai saudara-saudara, pogau'i iyaro sibawa matinulu, kuwammengngi musaléwangeng sibawa mancaji bangsa iya battowaé ri wanuwa iya sugié namacommo, pada-pada najjanciyangngé Puwang Allataalana toriyolota.

YOSUA 23:14

Makkekkuwangngé narapini wettunna matéka. Iko maneng, tungke-tungke missengngi makkedaé Puwang Allataalamu pura mpérékko sininna iya makessingngé iya Najjanciyangngé. Tungke jancin-Na purani Narupai, dé' muwi séddi iya dé'é.

1 SAMUEL 7:12

Purairo patettonni Samuél séddi batu, ri pakkasésénna Mizpa sibawa Sén. Makkedai, “Sukku Puwangnge pura tulukki.” – nainappa naseng iyaro batué “Batu Pattulung”.