ULANGENG 26:8 - KITTA KAREBA MADECENG

⁸ Nasibawang akuwasang nenniya awatangeng iya battowaé Mupaleppe'ki polé ri Maséré. Mupogau'i anu makalallaingngé sibawa mappahérang-hérangngé nenniya paompo kajajiyang-kajajiyang iya patassélengngéngngi balié.

ULANGENG 26:8 ပူးပေါင်းရင်းမြစ်များ

ASSURENG 12:37

Najoppana tau Israélié sibawa mallaleng polé ri kota Raamses lao ri kota Sukot. Jumellana mennang 600.000 tau, dé' naribilang makkunraié sibawa ana'-ana'é.

ASSURENG 12:41

Ri esso paccappurengngé ri taung ma-430-éro, sininna barisi'na umma'na Puwangnge salaiwi tana Maséré.

ASSURENG 12:51

Iyaro essoé natiwini Puwangnge sininna umma Israélié massu polé ri Maséré.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

YESAYA 63:12

Kégani Puwang iya ranrengngéngngi Musa sibawa liman-Na iya mawatangngé naporé sibawa puwé'éngngi uwaié ri yolona mennang kuwammengngi nakalabba asen-Na mannennungeng?

YEREMIA 32:21

Nasibawang akuwasam-Mu nenniya awatangem-Mu iya battowaé Mutiwii umma Israélié massu polé ri Maséré. Pogau'ko sining anu dé'é padanna nenniya sining makalallaingngé enrengngé kajajiyang-kajajiyang iya sélengiyéngngi balié.

ULANGENG 34:11

Dé' gaga pogau' sining mujiza'é sibawa sining makalallaingngé padanna iya napogau'é Musa lao ri wanuwa Maséré, arunna sibawa sining pejaba'na situru sibawa paréntana Puwangnge.

ULANGENG 34:12

Dé' gaga pogau' sining pangkaukeng héba'é sibawa maseroé pada-pada iya napogau'é Musa ri yolona sininna bangsa Israélié.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ULANGENG 5:15

Engngerangngi, makkedaé iko riyolo ripowatato ri Maséré, nainappa ripamaradéka ri Puwang Allataalamu sibawa awatangeng iya battowaé. Rimakkuwannanaro Uparéntakko untu' pakarajai esso Saba'é.