ULANGENG 26:7 - KITTA KAREBA MADECENG

⁷ Nainappaki mangobbi méllau tulung ri iko, Puwang, Allataalana néné-nénéta. Muwéngkalingai pangobbita sibawa mitai apeddiretta, asussatta nenniya anrasa-rasatta.

ULANGENG 26:7 ပူးပေါင်းရင်းမြစ်များ

KAJAJIYANG 21:17

Naéngkalingai Allataala saddanna Ismaél, napolé ri langié mabbicarani malaéka'na Allataala lao ri Hagar, adanna, “Aga musussai, Hagar? Aja' mumétau. Naéngkalingani Allataala saddanna ana'mu.

KAJAJIYANG 29:32

Mattampu'ni Léa nanajajiyang séddi ana' worowané. Adanna, “Puwangnge pura mitai asussakku, na makkekkuwangngé napojina matu lakkaikku.” Nanasenni iyaro ana'na Rubén.

2 SAMUEL 16:12

Naullé naitai matu Puwangnge iyaé anrasa-rasangngé nanabarakkakika selaku passulléna tanroéro.”

MAZMUR 119:132

Gilinno lao ri iyya sibawa amaséika, pada-pada Muwamaséinna tau iya pojiyék-Ko.

MAZMUR 31:8

Marennuka matu sibawa mariyo-riyo saba' tette'-Ko mamaséika. Muwitai anrasa-rasakku sibawa mujampangiwi asussakku.

MAZMUR 50:15

Angobbino ri Iyya ri wettu aperisengngé, Upaleppe'ko matu, namupoji-Ka matu.”

ASSURENG 2:23

Mattaut-taung ri munrinna maténi arung Maséré. Iyakiya bangsa Israélié maddaréké mupi nasaba ripowatai mennang, angkanna gorani mennang méllau tulung. Lettu'ni ri Allataala kelli'na mennang.

ASSURENG 2:25

Naitani sining tau Israélié ripowata, nanapettuini untu' tulungngi mennang.

ASSURENG 3:9

Uwéngkalingani terinna bangsa Israélié, sibawa Uwita toni pékkugi mennang ritenre ri bangsa Maséré'é.

ASSURENG 4:31

Namateppe'na mennang, na wettunna mennang naéngkalinga makkedaé Puwangnge pura jampangiwi bangsa Israélié sibawa mitai sininna anrasa-rasanna mennang, suju'ni mennang massompa.

ASSURENG 6:5

Jaji appallebbangenni lao ri bangsa Israélié makkedaé makkeda-Ka lao ri mennang: Iyya'na Puwang; Upaleppe'ko matu polé ri angatangenna bangsa Maséré'é. Uwappaitangngi matu akuwasak-Ku iya maseroé untu' passalama'ko sibawa pateppaiwi pahukkungeng matane bangsa Maséré'é.

YEREMIA 33:2

iya pancajiyéngngi linoé sibawa tappai nenniya taroi ri onronna. Makkedai,

1 SAMUEL 9:16

“Baja éléé kira-kira wettu makkuwaéwé, maélo-Ka suro séddi tau polé ri suku Bényamin méwako sita. Lanti'i sibawa upacara amminnyakeng untu' mancaji arung ri umma'-Ku Israélié. Napassalama'i matu umma'-Ku polé ri tau Filistingngé. Uwitani anrasa-rasanna umma'-Ku sibawa méngkalingai terinna mennang méllau tulung.”