ULANGENG 26:2 - KITTA KAREBA MADECENG

² wassélé bunge'na polé risininna iya mupaddeppungengngé polé ri tanamu harusu'i muputtama riséddié baku, namutiwii ri onrong iya napilé Puwang Allataalamu.

ULANGENG 26:2 ပူးပေါင်းရင်းမြစ်များ

2 ARUNG-NGARUNG 4:42

Riséuwaé wettu iya laingngé, engka séddi worowané polé ri Baal-Salisa. Natiwirengngi Elisa gandong iya nappa riyéngngalaé sibawato duwappulo roti iya riyébbué polé ri gandong wassélé éngngalang mammulangngé ri taungngéro. Nasuroni Elisa pattumaninna bagé-bagéi iyaro rotié lao ri nabi-nabiéro,

2 TAWARIKH 31:5

Puranana riyappallebbangeng iyaro paréntaé, natiwini tau Israélié lao ri Bolana Puwangnge sining pabbéré polé ri wassélé tanana iya bunge'é, iyanaritu tarigu, anggoro, minnya zaitun, cani sibawa wassélé tana laingngé. Tiwi towi mennang tawaseppulona polé ri appunnangenna.

NEHEMIA 12:44

Iyaro wettué siyagangngaré tau risuro jagaiwi bili'-bili' bokong onrong attarong sining sumbangengngé untu' Bolana Puwangnge, muttama'ni pakkasuwiyang tawa seppuloé sibawa wassélé mammulangngé tungke' taung. Iyaro sining pajagaé waji'i paddeppungengngi sining sumbangengngéro polé risining dare'é ri seddéna kotaé. Iyaro sining sumbangengngé nabbéréyangngi lao risining imangngé sibawa sining tau Léwié, situru sibawa peraturang Hukkungngé. Sining tau Yéhudaé pakarajai sining imangngé sibawa sining tau Léwiéro,

NEHEMIA 13:31

Uwatoro' towi kuwammengngi na ri wettu-wettu mattentué, aju tunung untu' pakkasuwiyangeng akkarobangengngé weddingngi ripassadiya sibawa weddingngi ra'ya'é tiwi pakaksuwiyang wassélé bunge' mammulangngé. Paccappurenna massempajakka, “Allataalaku, éngngerangngi iya manennaé sibawa barakkakika.”

ASSURENG 20:24

Ebburek-Ka séddi mézba polé ri tanaé nainappa Muwakkasuwiyangeng kuwaro bimbala'mu sibawa sapimmu untu' akkarobangeng ritunu sibawa akkarobangeng pappasidamé. Ri tungke' onrong iya Upattentungengngékko selaku onrong untu' massompa lao ri Iyya, maéloka polé sibawa barakkakiko.

ASSURENG 22:29

Ri wettu iya ripattentué, akkasuwiyangengngi ri Iyya si bagiyang polé ri wassélé gandommu, uwai anggoro'mu sibawa minnya zaitummu. Abbéréyangngi lao ri Iyya ana'-ana' worowanému macowaé,

ASSURENG 23:16

Ramé-raméiwi Pésta Engngalangngé ri wettunna mupammulai wassélé bunge'na dare'mu. Ramé-raméiwi Pésta Kalampang Daud-daungngé ri paccappurenna taungngé wettunna mupaddeppungeng wassélé palla anggoro'é sibawa palla buwa-buwaé.

ASSURENG 23:19

Tungke' taung harusu'ko tiwi ri Bolana Puwang Allataalamu gandong bunge' muwéngngalaé. Juku ana' bimbala'é iyaré'ga ana' bémbé'é dé' nawedding rinasu sibawa uwai susunna indo'na.”

ASSURENG 34:26

Tungke' taung harusu'ko tiwi ri Bolana Puwang Allataalamu wassélé bunge'na tanamu. Juku ana' bimbala iyaré'ga ana' bémbé'é dé' nawedding rinasu silaong uwai susunna indo'na.”

YEREMIA 2:3

Israél, iko appunnangek-Ku paribadi, buwa atik-Ku iya Usayangngé. Upatatteppai abalaé lao ri sininna iya mébbuékko manrasa-rasa, Iyya, Puwang, pura mabbicara.”

YEHEZKIEL 20:40

Saba' ri tana Israélié, ri coppo bulu-Ku iya mapaccingngé, iko maneng, bangsa Israélié sompa-Ka matu. Kuwaniro masennak-Ka matu lao ri iko sibawa tarimai sining akkarobangemmu, sining pakkasuwiyammu iya kaminang makessingngé nenniya sining pabbérému iya ripallaingngé.

YEHEZKIEL 44:30

Harusu'i riwéréng imangngé bagiyang iya kaminang makesingngé polé ri sininna rupanna wassélé éngngalang iya mammulangngé, sibawa polé ri agi-agi iya riyakkasuwiyangengngé lao ri Iyya. Sises-siseng bangsa Israélié mébbu roti, roti iya mammulangngé harusu'i untu' sining imangngé. Na-Ubarakkakiwi matu sining bolana bangsa Israélié.

YEHEZKIEL 48:14

Muwi sijakka polé ri tanaéro dé'to nawedding nabalu mennang iyaré'ga nasséléreng; bagiyang kaminang makessingngé polé ri tanana Israélié dé' nawedding lélé ri limanna tau laingngé, saba' iyaro tanaé purani ripallaing untu' Puwangnge sibawa mancajiwi appunnangen-Na.

ANGIMANGENG 2:12

Polé ri wassélé tana iya bunge'é tungke' taung, harusu'i riyakkasuwiyangeng sibagiyang lao ri Puwangnge, iyakiya dé' nawedding ritunu ri yasé'na mézbaé.

ANGIMANGENG 2:14

Rékko makkasuwiyakko lao ri Puwangnge gandong iya bunge' muwéngngalaé, tiwii gandong barué iya puraé rilabbu nenné iyaré'ga ripanggang.

ROMA 11:16

Rékko sipoloé roti mammulangngé purani riyabbéréyang lao ri Allataala, bettuwanna sininna rotié riyabbéréyang towi lao ri Allataala. Sibawa rékko ure'na ajué iyanaritu appunnangennai Allataala, bettuwanna takké-takkéna iyanaritu appunnangen-Nato.

ROMA 16:5

Palettukeng tokka sellekku lao ri jema'é iya maddeppungengngé ri bolana mennang. Selleng lao ri Epenétus iya uwamaséiyé. Iyanaritu tau iya bunge'-bunge' mateppe'é ri Kristus ri daéra Asia.

ROMA 8:23

Sibawa tenniya sininna alangngé bawang maddaréké, idi paimeng maddaréké ri laleng batétta. Purani ritarima Rohna Allataala selaku pabbéréna Allataala iya pammulangngé, iyakiya ritajeng mupi Allataala paleppe'i sininna aléta sibawa pancajiki ana'-ana'-Na.

1 KORINTUS 15:20

Iyakiya annessana purani ripatuwo paimeng Kristus polé ri amaténgngé. Iyanaé boro'na makkedaé sining tau iya matéénna ripatuwoi matu paimeng.

1 KORINTUS 15:23

Iyakiya tungke'-tungke' ripatuwoi matu situru lélénna: bunge'-bunge'na Kristus; nainappa ri wettun-Na matti polé paimeng, nainappa lélénna sining tau iya muttama'é appunnangenna Kristus.

1 KORINTUS 16:2

Tungke' Aha', ri esso mammulangngé sitinajai Saudara pallaing dowi, tungke'-tungke' situru pallolongenna. Taroi iyaro dowié narapika polé, kuwammengngi iyaro wettué dé'na naparelluna mappaddeppungeng.

ULANGENG 16:10

nainappa ramé-raméiwi Pésta Engngalangngé untu' pakalebbii Puwang Allataalamu. Iyaro essoé tiwii pakkasuwiyang cenning atié lao ri aléna situru égana dallé iya puraé nawérékko.

ULANGENG 18:4

Wassélé mammulangngé polé ri gandongngé, uwai anggoro'é, minnya zaitungngé sibawa bulu bimbala'é, untu' attawannato mennang.

ULANGENG 26:1

“Rékko muttama'no ri wanuwa iya nawéréngngékko Puwang Allataalamu sibawa monrono kuwaro,

ULANGENG 26:3

Laono ri imang iya tugas-é wettuéro namupowadangngi, ‘Upannessai lao ri Puwang Allataalamu makkedaé muttama'ka ri wanuwa iya Najjanciyangngé lao ri néné-nénéta untu' nawérékki.’

YAKOBUS 1:18

Nasaba Aléna muto nanapancajiki ana'-ana'-Na naolai ada-adan-Na iya tongengngé. Napogau'i iyaro kuwammengngi talolongeng onrong iya makessingngé ri yelle'na sininna mahlu' napancajiyé.

YOSUA 18:1

Nacaunana wanuwa iya najjanciyangngé Puwangnge, maddeppungeng manenni umma Israélié ri Silo, nainappa patettong mennang Kéma Ahadérékenna Puwangnge.

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.