ULANGENG 26:19 - KITTA KAREBA MADECENG

¹⁹ Naébbuko matu Puwangnge lebbi battowa polé ri sininna bangsa laing iya puraé Napancaji, ripojiko matu sibawa ripakalebbi. Mancajiko umma'na Puwang Allataalamu pada-pada iya Najjanciyangngé.”

ULANGENG 26:19 ပူးပေါင်းရင်းမြစ်များ

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

ULANGENG 28:1

“Rékko muturusiwi Puwang Allataalamu sibawa matinulu pogau'i sininna parénta iya uwéréngngékko iyaé essoé, napancajiko matu bangsa iya tarompoé ri linoé.

ULANGENG 7:6

Pogau'i iya manennaro nasaba appunnangennako Puwang Allataalamu. Polé risininna bangsaé ri tompo'na linoé iko ritu napilé Puwang Allataalamu untu' mancaji umma'na iya dé'é padanna.

YESAYA 62:12

Riyasengngi matu mennang: ‘Umma mapaccing’; ‘Umma iya napassalama'é Puwangnge’. Riteppui matu Yérusalém ‘Kota iya ripalécé ri Puwangnge’, ‘Kota iya dé'énna risalaiwi ri Puwangnge’.

ASSURENG 19:6

mallaing untu' alé-Ku muto, na iko tumaningi-Ka matu selaku imang-ngimang.”

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.

ZEFANYA 3:19

Poléi matu wettunna Uwancuru'i tau tenre'ékko, sibawa tau képpangngé Upassalama'i; sininna tau ripalié Upimpingngi lisu. Atunanna mennang Upinrai mancaji alebbireng; kégi-kégi, mala ri sininna linoé, ripakalebbii matu mennang sibawa ripoji.

YEREMIA 33:9

Mancajiwi matu Yérusalém arennuk-Ku sibawa abangkakek-Ku. Sininna bangsaé ri linoé mancaji métaui matu sibawa masélengngi enrengngé pakalebbi-Ka, narékko naéngkalingai sininna akessingeng iya Upogau'é untu' pabbanuwana Yérusalém, sibawa passalenna adécéngeng iya Uwabbéréyangngé lao ri kotaéro.”

YEREMIA 13:11

Pada-pada lipa' ponco tassiyo mare'é ri babuwana pakééngngi, makkuwatoniro makkatta-Ka kuwammengngi umma Israélié sibawa Yéhudaé tassiyo masse'i ri Iyya. Nanallalengiwi namancaji mennang umma'-Ku iya mébbuéngngi asek-Ku ripoji sibawa ripakalebbi. Iyakiya, dé' namaélo mennang turusiwi élo-Ku.”

MAZMUR 148:14

Purani napéwatangi bangsa-Na, angkanna ripoji-poji ri umma'-Na, Israélié, umma Napojiyé. Pojiwi Puwangnge!

ULANGENG 28:13

Puwang Allataalamu pancajiko matu pamimping ri yelle'na bangsa-bangsaé, tenniya ana' guru. Rékko matinuluko turusiwi sininna paréntana Puwangnge iya nawéréngngékko iya essoéwé, pédé madécékko matu sibawa dé' naengka musoro.

ULANGENG 28:9

Rékko muturusiwi Puwang Allataalamu sibawa pogau'i sininna parénta-Na, napancajiko matu umma'-Na, pada-pada iya Najjanciyangngé.

ULANGENG 27:1

Nainappa silaong sininna pamimpinna Israélié, napalettu'ni Musa iyaé pasengngé lao ri bangsaéro, “Turusiwi sininna parénta iya uwéréngngékko essoéwé.

YEREMIA 2:3

Israél, iko appunnangek-Ku paribadi, buwa atik-Ku iya Usayangngé. Upatatteppai abalaé lao ri sininna iya mébbuékko manrasa-rasa, Iyya, Puwang, pura mabbicara.”

ZEFANYA 3:20

Poléi matu wettunna, pabbanuwamu iya tassiya-siyaé Upimpingngi lisu. Uwébbuko tarompo ri sininna linoé, sibawa adécéngemmu Upalisui matu paimeng.” Puwangnge pura mabbicara.

ASSURENG 19:5

Makkekkuwangngé rékko muturusi-Ka sibawa matinulu lao ri assijancik-Ku, Upancajiko matu umma riyalé-Ku. Sininna linoé iyanaritu appunnangek-Ku, iyakiya iko mancajiko appunnangeng uwélorik-Ku,

ZAKHARIA 8:13

Eh pabbanuwana Yéhuda sibawa Israélié! Ri wettu iya labe'é, rékko sining tau laingngé sisulléi sitanro, makkedai mennang, ‘Tennapodo abala iya kennaéngngi Yéhuda sibawa Israélié kenna tokko!’ Iyakiya Upassalama'ko matu, angkanna sining tau laingngéro makkedai matu lao ri pada-padanna, ‘Tennapodo barakka iya nonnoé ri yasé'na Yéhuda sibawa Israélié, nonno towi ri alému!’ Rimakkuwannanaro péwatangini atimmu sibawa aja'na mumétau!”