ULANGENG 26:17 - KITTA KAREBA MADECENG

¹⁷ Iyaé essoé muwangakuiwi Puwangnge selaku Allataalamu. Majjanciko untu' mapato ri Aléna sibawa pogau'i sininna hukkung enrengngé parénta-Na.

ULANGENG 26:17 ပူးပေါင်းရင်းမြစ်များ

KAJAJIYANG 28:21

angkakku lisu ri bolana ambo'ku sibawa salama, Puwangnge matu mancaji Allataalaku.

MAZMUR 48:14

Pénessaiwi témbo'na, paréssai bénténna, kuwammengngi muwulléi curitai lao ri wija-wijammu:

ASSURENG 15:2

Puwangnge pangéwaingekku iya mawatangngé; Aléna ritu passalama'ka. Aléna Allataalaku, Allataala nasompaé néné-nénéku, upakarajai Aléna.

ASSURENG 19:8

Mappébalini mennang massama-samang, “Maéloki pogau'i sininna iya napowadaé Puwangnge,” na iyaro pappébalié napalettu'ni Musa lao ri Puwangnge. Nanakkeda Puwangnge lao ri Musa, “Maélo-Ka polé ri iko tattongko ri laleng ellung iya makkompe'é; naéngkalinga-Ka matu tauwé mabbicara lao ri iko, namappammulai wettuéro tuli mateppe'ni matu mennang ri iko.

ASSURENG 20:19

Nakkeda mennang lao ri Musa, “Iko bawanna mabbicara lao ri idi, maéloki méngkalingai; iyakiya aja'na na Allataala mabbicara lao ri idi, matéki matti.”

ASSURENG 24:7

Nainappa nala kitta' assijancing iya riyarokiriyé parénta-paréntana Puwangnge, nanabacangengngi iyaro bangsaé sibawa sadda macenno. Adanna mennang, “Maéloki turusiwi Puwangnge sibawa pogau'i sininna parénta-Na.”

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.

YESAYA 44:5

Tasséddi-séddi tau mangakuiwi matu aléna appunnangek-Ku, sibawa polé siyempe sibawa wija-wijanna Yakub. Tungke-tungke mokii ri limanna: Appunnangenna Puwangnge, sibawa teppui aléna anggota umma'na Allataala.”

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

RIWAYA'NA RASUL-RASUL-E 27:23

Saba' onna' wennié malaéka' polé ri Allataala iya usompaé, iyanaritu Allataala iya mappunnangiyékka, poléi ri iyya.

ROMA 6:13

Aja'to muwabbéréyangngi anggota tubummu lao ri akuwasanna dosaé untu' riyakkégunang lao ri akkatta-akkatta majaé. Iyakiya abbéréyangngi alému lao ri Allataala selaku sining tau iya puraé ripalétté polé ri amaténgngé lao ri atuwongngé. Abbéréyang manengngi alému lao ri Allataala kuwammengngi nariyakkégunang untu' élona Allataala.

2 KORINTUS 8:5

Mabbéréi mennang mabéla lebbi égana naiya riyamménasaiyé. Mula-mulanna mennang purani nabbéréyang aléna lao ri Puwangngé, nainappa laoto ri idi, situru élona Allataala.

ULANGENG 13:18

assaleng muturusiwi sininna parénta-Na iya upalettukengngékko essoéwé, sibawa pogau'i sininna iya Napuwéloé.”

ULANGENG 15:5

assaleng matinuluko lao ri Puwang Allataalamu, sibawa mupogau'na tonget-tongeng sininna iya uwapparéntangngé lao ri iko iya essoéwé.

ULANGENG 27:10

Rimakkuwannanaro turusiwi Puwang Allataalamu sibawa pogau'i sininna parénta-Na iya nawéréngngékko essoéwé.”

ULANGENG 29:12

Puwang Allataalamu mébbu assijancing sibawa iko, sibawa maddeppungeng manekko kuwaé untu' siyoi iyaro assijancingngé enrengngé tarimai kewajibang-kewajibanna.

ULANGENG 30:16

Iyaé essoé uparéntakko untu' méloriwi Puwang Allataalamu sibawa mapato ri Aléna nenniya pogau'i sininna hukkung sibawa parénta-Na kuwammengngi mumadécéng sibawa mancaji bangsa iya battowaé. Puwang Allataalamu barakkakiko matu ri wanuwa iya dé'énna namaitta mutudangiwi.

YOSUA 22:5

Sibawa jagaiwi kuwammengngi muturusiwi hukkung iya napparéntangngé Musa lao ri iko, iyanaritu: Amaséiwi Puwang Allataalamu, accowériwi élo-Na, turusiwi sining parénta-Na, atinuluno ri Aléna sibawa attumanino ri Aléna sibawa sissukku atimmu sibawa sukku nyawamu.”

YOSUA 24:22

Nanakkeda Yosua, “Nah, alému ritu sabbinna makkedaé iko pura pettuiwi untu' mattumani banna lao ri Puwangnge.” Nametté mennang, “Tongeng, aléta ritu sabbinna.”