ULANGENG 24:3 - KITTA KAREBA MADECENG

³ Iyakiya labe'na siyagangngaré wettunna iyaro worowané dé'na napojisi, nainappa nawéréng sure' telle sibawa paddésu'i. Iyaré'ga naullé iyaro lakkainna maduwaé matéi.

ULANGENG 24:3 ပူးပေါင်းရင်းမြစ်များ

YESAYA 50:1

Makkedai Puwangnge lao ri Israélié, “Eh umma'-Ku, muwasengngi Upaddésu'ko pada-pada séddié lakkai paddésu'i bainéna? Rékko makkuwaitu, kégani sure' telle'na? Muwasengngi Iyya balu'ko, pada-pada séddié ambo' balu'i ana'na lao ri passinge inrengngé? Dé'! Ritawakko sibawa riyabbéyang, nasaba dosa nenniya jamu muto!

MATIUS 5:31

“Engkato pappagguruwang makkuwaéwé: Tungke' tau iya massarangngé bainéna, harusu'i nawéréng sure' telle.

MARKUS 10:4

Nappébali mennang, “Napalaloi tauwé Musa massarang bainéna, assaleng mokii sure' telle riyolo'.”

ULANGENG 24:1

“Ebara'na séddi worowané kawing sibawa séddi ana' dara, nainappa dé'na nacinnaini nasaba nalolongengngi séuwa iya mappakasiri-sirié ri aléna. Nainappa iyaro worowané mpéréngngi sure' telle sibawa paddésu'i polé ri bolana.

ULANGENG 24:2

Nainappa iyaro makkunraié kawing sibawa séddi worowané laing.

ULANGENG 24:4

Ri laleng iya duwanna gau'é lakkai mammulangngé dé' nawedding kawingini iyaro makkunraié; harusu'i naita selaku makkunrai iya puraé ricarépai. Rékko to nakawingiwi, iyaro pangkaukengngé mancajiwi pappakatuna lao ri Puwang Allataalamu. Dé' naweddikko pogau' dosa maja makkuwaéro ri wanuwa iya nawéréngngékko Puwangnge.”