ULANGENG 24:2 - KITTA KAREBA MADECENG

² Nainappa iyaro makkunraié kawing sibawa séddi worowané laing.

ULANGENG 24:2 ပူးပေါင်းရင်းမြစ်များ

YEHEZKIEL 44:22

Sining imangngé banna weddingngi nakawingi ana'-ana'dara Israél iya perawangngé mupa iyaré'ga jandana imangngé. Dé' nawedding nakawingi makkunrai iya ritelle'é.

ANGIMANGENG 21:7

Séddié imang dé' nawedding kawing sibawa séddié makkunrai iya cakkuribangngé riyolo iyaré'ga séddié makkunrai iya tenniyaé parawang iyaré'ga iya massarangngénna, nasaba imangngé iyanaritu appunnangek-Ku.

ANGIMANGENG 22:13

Iyakiya ana' makkunrainna imangngé iya jandaénna iyaré'ga iya massarangngénna sibawa dé' nappunnai ana' nainappa lisu ri bolana ambo'na sibawa mancaji tanggungenna, weddingngi nanré inanré bagiyanna ambo'na. Banna kaluwarga imangngé bawang wedding manréi iyaro pakkasuwiyangngé.

ABBILANGENG 30:9

Rékko séddié janda iyaré'ga makkunrai iya ritelle'énna mattinja iyaré'ga majjanci iya siyoéngngi aléna, tassiyoi ritinja'na iyaré'ga janciéro sibawa harusu'i narupai.

MATIUS 5:32

Iyakiya makkekkuwangngé makkeda-Ka ri iko: nigi-nigi massarang bainéna padahal iyaro makkunraié dé' nakédo sala, nassabariwi iyaro bainé malaweng rékko kawingngi paimeng iyaro bainéna. Sibawa nigi-nigi kawing sibawa makkunrai iya massarangngéro, malaweng towi.”

MARKUS 10:11

Nakkeda Yésus lao ri mennang, “Nigi-nigi massarang bainéna nainappa kawing sibawa makkunrai laingngé, iyaro tauwé malawengngi lao ri bainéna pammulangngé.

1 KORINTUS 7:15

Iyakiya rékko tau iya dé'é namateppe'ro salaiwi bainéna iyaré'ga lakkainna iya Kristéngngé, aja' mutahangngi. Ri laleng gau'éwé iyaro makkunraié iyaré'ga worowané laluwasai, saba' maéloi Allataala kuwammengngi na Saudara tuwoi sibawa sipammasé-masé.

ULANGENG 24:1

“Ebara'na séddi worowané kawing sibawa séddi ana' dara, nainappa dé'na nacinnaini nasaba nalolongengngi séuwa iya mappakasiri-sirié ri aléna. Nainappa iyaro worowané mpéréngngi sure' telle sibawa paddésu'i polé ri bolana.

ULANGENG 24:3

Iyakiya labe'na siyagangngaré wettunna iyaro worowané dé'na napojisi, nainappa nawéréng sure' telle sibawa paddésu'i. Iyaré'ga naullé iyaro lakkainna maduwaé matéi.