ULANGENG 24:1 - KITTA KAREBA MADECENG

¹ “Ebara'na séddi worowané kawing sibawa séddi ana' dara, nainappa dé'na nacinnaini nasaba nalolongengngi séuwa iya mappakasiri-sirié ri aléna. Nainappa iyaro worowané mpéréngngi sure' telle sibawa paddésu'i polé ri bolana.

ULANGENG 24:1 ပူးပေါင်းရင်းမြစ်များ

ASSURENG 21:10

Rékko iyaro ana' worowané kawingngi paimeng, tette'i mappunnai kewajibang untu' mpéréngngi inanré sibawa pakéyang enrengngé sininna ha'é pada-pada biyasaé lao ri bainéna bunge'é.

YESAYA 50:1

Makkedai Puwangnge lao ri Israélié, “Eh umma'-Ku, muwasengngi Upaddésu'ko pada-pada séddié lakkai paddésu'i bainéna? Rékko makkuwaitu, kégani sure' telle'na? Muwasengngi Iyya balu'ko, pada-pada séddié ambo' balu'i ana'na lao ri passinge inrengngé? Dé'! Ritawakko sibawa riyabbéyang, nasaba dosa nenniya jamu muto!

YEREMIA 3:1

Makkedai Puwangnge, “Rékko séddié bainé ritelle ri lakkainna, nainappa iyaro makkunraié mancaji bainéna tau laingngé, poro lakkainna dé' nawedding malai paimeng selaku bainéna, saba' iyaro gau'é nasolangiwi iyaé wanuwaé. Iko Israélié, mappunnaino maéga senna canring, masa makkekkuwangngé maéloko lisu lao ri Iyya!

MALEAKHI 2:16

Makkedai Allataalana Israélié, “Ucéccé assarangengngé. Ucéccé rékko sala séddinna polé ri iko pogau'i majapperu makkuwaéro lao ri bainéna. Jagaiwi alému sibawa aja' sises-siseng mubali'bellariwi bainému.”

ABBILANGENG 5:12

mabbéréyangngi iyaé sining peraturangngé lao ri tau Israélié. Wedding jaji séddié worowané bata-bataiwi bainéna. Nasengngi iyaro bainéna dé' namatinulu ri aléna sibawa rotakiwi aléna nasaba kédosalai sibawa worowané laingngé. Iyakiya iyaro lakkaié dé' nappunnai attentung, nasaba iyaro gau'é napogau'i bainéna sibawa massubbu-subbu; dé' gaga sabbinna, sibawa dé' naripoléiwi maggau'. Iyaré'ga, wedding jaji séddié lakkai bata-bataiwi bainéna, padahal iyaro bainéna dé' nakédosala.

ABBILANGENG 5:28

Iyakiya akkalarapanna dé' napasala, dé' nakennai abusungeng sibawa naullé mupa mémmana.

MATIUS 1:19

Iyaro Yusuf tunanganna, iyanaritu séddiwi tau iya tuli turusiyéngngi hukkunna agamaé. Jaji maéloi pettuiwi attunanganna, iyakiya dé' narukkangngi, kuwammengngi dé' namasiri Maria ri yolona tau maégaé.

LUKAS 16:18

Niga massarang bainéna nainappa kawing sibawa makkunrai laingngé, malawengngi iyaro tauwé. Sibawa tau iya kawingiyéngngi makkunrai iya massarangngé, malaweng towi.”

ULANGENG 21:15

“Ebara'na séddié tau mappunnaiwi duwa bainé, na jajiyang duwai ana' worowané, iyakiya ana' iya jajiyé lebbi riyolo tenniya ana' polé ri bainé iya naéloriyé.

ULANGENG 22:13

“Ebara'na séddié worowané kawing sibawa séddié ana' dara, narimunri dé'na nacinnaiwi.

ULANGENG 22:19

Harusu towi mennang dendai sératu dowi péra' sibawa mabbéréyangngi iyaro dowié lao ri matuwanna, nasaba purai nasolangi alebbirenna séddié makkunrai Israél. Nainappa iyaro makkunraié harusu'i tette mancaji bainéna, sibawa dé' nawedding ripassarang gangka tuwona.

ULANGENG 22:29

Ri laleng gau'éro harusu'i nawaja lao ri ambo'na iyaro ana' daraé lise kawing angke'na limappulo dowi péra'. Iyaro ana' daraé harusu'i mancaji bainéna nasaba ripassai kédosala, sibawa gangka tuwona dé' nawedding natelle.

ULANGENG 24:2

Nainappa iyaro makkunraié kawing sibawa séddi worowané laing.

ULANGENG 24:3

Iyakiya labe'na siyagangngaré wettunna iyaro worowané dé'na napojisi, nainappa nawéréng sure' telle sibawa paddésu'i. Iyaré'ga naullé iyaro lakkainna maduwaé matéi.