ULANGENG 22:1 - KITTA KAREBA MADECENG

¹ Rékko saping iyaré'ga bimbala appunnangenna tau sibangsamu pusa namuwitai iyaro olokolo'é, aja' muwajjaiwi temmissengngi, iyakiya tiwii iyaro olokolo'é lisu ri punnana.

ULANGENG 22:1 ပူးပေါင်းရင်းမြစ်များ

AMSAL 24:11

Aja' mubata-bata paleppe'i tau iya puraé ripateppai pahukkungeng maté; passalama'i tau iya mattengngangngé rirénréng lao ri onrong aggattungengngé.

AMSAL 27:10

Aja' muwallupaiwi silaommu iyaré'ga silaonna ambo'mu. Ri laleng asukkarakengngé aja' muwéllauwi bantuwanna silessuremmu; lebbi makkégunai balibola iya macawé'é naiya silessureng iya mabélaé.

AMSAL 28:27

Niga mabbéré lao ri tau kasiyasié dé' naakurangeng matu. Niga tutu'i matanna lao ri apparelluwanna tau kasiyasié, nakennai matu abusungeng.

YESAYA 58:7

Bagéi inanrému sibawa tau iya malupué, tarimai sining tau paréllau-éllauwé ri bolamu. Wéréngngi pakéyang tau mallusu-lusué, sibawa aja' musampéyangngi silessuremmu iya parellué ritulung.

YESAYA 8:17

Purani nasubbu Aléna Puwangnge polé ri wija-wijanna Yakub, umma'-Na, iyakiya mateppe'ka sibawa mamménasa lao ri Aléna.

YEHEZKIEL 34:16

Iya teddéngngé Usappai matu, iya pusaé Utiwii matu lisu, iya maloé Ubebbe'i matu, iya malasaé Uwuraiwi matu; iyakiya iya macommo'é sibawa mawatangngé Upaccappui matu, saba' Iyya pakkampi iya pogau'éngngi aga iya makessingngé.

YEHEZKIEL 34:4

Sining bimbala'mu iya malemmaé dé' mupiyarai, iya malasaé dé' muuraiwi, iya maloé dé' mubebbe'i, iya pusaé sibawa teddéngngé dé' musappai sibawa tiwii lisu. Mala sininna bimbala'muro mugaukengngi sibawa mapéddara.

ANGIMANGENG 20:4

Rékko natongkoi matanna masaraka'é lao ri pangkaukenna tauwéro sibawa dé' napajoppai pahukkungeng maté ri yasé'na,

ZAKHARIA 7:9

“Mattaut-taung iya labe'é Uwabbéréyangngi iyaé sining paréntaé lao ri umma'-Ku, ‘Harusu'ko kédo adélé, maressé babuwa sibawa makessing ati lao ri pada-padammu.

MATIUS 10:6

Iyakiya laono risining tau Israélié, lebbi-lebbipi ri iya maneng pusaé.

MATIUS 15:24

Nappébali Yésus, “Risuro-Ka bawang lao ri bangsa Israélié, lebbi-lebbipi iya pusaé.”

1 KORINTUS 9:9

Ri laleng Kitta'na Musa tarokii, “Rékko mattengngangngi sapingngé rése'i gandongngé untu' malleppessangngi gandongngé polé ri olina, aja' na ringong pannyoro'na.” Sapingngégga najampangi Allataala?

ULANGENG 22:2

Rékko mabélai bolana punnana, iyaré'ga dé' muwissengngi niga punnana, tiwii iyaro olokolo'é ri bolamu. Rékko poléi punnana sappai, wérénni.

1 PETRUS 2:25

Riyolo pada-padako bimbala' iya pusaé, iyakiya makkekkuwangngé ritiwiko lisu untu' maccowériwi Pakkampi sibawa Pappiyara nyawamu.