ULANGENG 20:3 - KITTA KAREBA MADECENG

³ ‘Saudara-saudara, éngkalingai! Iyaé essoé majuko mammusu. Aja' mumétau iyaré'ga marenni ati iyaré'ga malippu.

ULANGENG 20:3 ပူးပေါင်းရင်းမြစ်များ

2 TAWARIKH 32:8

Mappunnaiwi awatangeng tolino, iyakiya idi mappunnaiki Puwang Allataala untu' mabbantu sibawa mammusurekki.” Naéngkalingana ada-adanna arunna mennanro, baranini ra'ya'é.

AYUB 23:16

Iya Pommakuwasaé mancuru'i sininna abaraningekku. Métauka nasaba Allataala, na tenniya nasaba pettang kape, namuni iyaro pettangngé mattulilingika, sibawa sampoi rupakku.

MAZMUR 3:6

Léwuka nenniya matinro sibawa amang, sibawa moto paimeng, saba' Puwangnge sanréka.

ASSURENG 14:13

Nappébali Musa, “Aja' mumétau! Attahanno! Muwitai matu aga napogau' Puwangnge untu' passalama'ko. Tau Maséré iya muwitaé makkekkuwangngé, dé'na matu muwitani paimeng.

YESAYA 28:16

Rimakkuwannanaro, makkeda makkuwaiyé Puwang Iya Pommatanré, “Maélo-Ka palénne pallangga iya mawatangngé sibawa masse'é ri Sion; séddi batu pallangga iya mangke'é sibawa oki: ‘Niga mateppe masse, dé' matu namanyara kala.’

YESAYA 7:4

Powadangngi arungngé makkedaé harusu'i sadiya-sadiya iyakiya tette'i tennang. Dé' naparellu métau iyaré'ga malippu. Caina Arung Pékah sibawa Arung Rézin silaong tentarana sining tau Siriaéro dé' nalebbi mabbahaya polé ri duwa appulu aju api iya maddumpué.

ABBILANGENG 14:9

Aja' muéwai Puwangnge, sibawa aja' mumétau lao risining tau iya monroé ri wanuwaéro, saba' magampakki caui matu mennang. Iya linrungiyéngngi mennang nasalaini, na Puwangnge sibawakki. Jaji, aja'na mumétau.”

MATIUS 10:16

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MATIUS 10:31

Rimakkuwannanaro aja' mumétau! Lebbi mangke'ko naiya manu'-manu' dongiéro!”

MATIUS 8:26

Nakkeda Yésus, “Magi mumétau? Makurang teppe'ko ri Iyya!” Nainappa Yésus tettong nanagera'i angingngé sibawa tapparengngéro. Natennang senna'na iyaro tapparengngé.

MARKUS 16:18

Rékko makkatenningngi mennang ula iyaré'ga minung racung, dé' nalolongeng mennang abala. Rékko napalénne'i limanna ri yasé'na sining tau iya malasaé, majjappai matu iyaro sining tauwé.”

MARKUS 16:6

Nakkeda iyaro kalloloé, “Aja' mumétau! Uwisseng musappai Yésus, tau Nazarét iya puraé risalli. Dé'ni gaga kuwaé. Tuwoni paimeng! Ita bawanni, iyanaé onronna mennang paléwui.

RIWAYA'NA RASUL-RASUL-E 27:24

Makkedai iyaro malaéka'é, ‘Aja' mumétau, Paulus! Saba' mangoloko matu ri Kaisar. Sibawa nasaba akessingeng atinna Allataala ri iko, sininna tau iya muwéwaé sisompereng salama'i matu nasaba iko.’

ULANGENG 20:1

“Rékko laoko mammusu méwai sining balimmu, aja' mumétau mitai karéta musuna sibawa anyaranna mennang iya maégaé enrengngé tentarana mennang iya jumellanaé lebbi égai naiya jumellamu. Puwang Allataalamu paleppe'ko polé ri Maséré, makkuwatoro tulukko matu.

ULANGENG 20:2

Ri wettu dé'napa muwammusu, harusu'i malluru séddié imang sibawa mabbicara ri iko makkuwaé,

1 TESALONIKA 5:15

Jagaiwi kuwammengngi aja' naengka wale'i jaé sibawa ja. Akkuragano untu' tuli pogau'i madécéngngé, séddié lao ri laingngé sibawa lao ri sininna tauwé.

1 TIMOTIUS 6:12

Ewano tonget-tongeng selaku tau Kristéng kuwammengngi mulolongengngi hadiya atuwong tongengngé sibawa mannennungengngé. Saba' untu' iyanaro naobbiko Allataala ri wettunna muwangakui ri yolona maéga tau makkedaé mateppe'ko ri Kristus.

IBRANI 13:6

Rimakkuwannanaro baraniki makkeda, “Puwangngé iyanaritu Pattulukku, dé' umétau. Aga wedding napogau' tolinoé lao ri iyya?”

YOSUA 23:10

Tungke tau ri yelle'mu naulléi caui massebbu tau, nasaba Puwang Allataalamu iya mammusurengngékko, pada-pada iya pura Najjanciyangngé.

WAHYU 2:10

Aja' mumétau ri anrasa-rasang iya dé'énna namaitta naharusu' mupéneddingi. Engngerangngi, naputtama'i matu Ibillisi' sibagiyang polé ri iko ri laleng tarungkué untu' cobaiko. Manrasa-rasako matu seppulo esso ittana. Sitinajako matinulu lao ri Iyya gangka maté, na-Uwérékko matu atuwong tongengngé sibawa mannennungengngé selaku hadiya apakalang.

1 SAMUEL 17:32

Nakkeda Daud lao ri Saul, “Datu, dé' taparellu métau ri tau Filistingngéro! Sadiyai atatta méwai.”