ULANGENG 2:7 - KITTA KAREBA MADECENG

⁷ Engngerangngi pékkugi Puwang Allataalamu pura barakkakiko ri laleng sininna iya mupogau'é. Napiyaroko ri wettu sollému ri padang kessi iya malowangngéwé. Nalinrungiko patappulo taung ittana sibawa nawérékko sininna iya muwapparelluwangngé.

ULANGENG 2:7 ပူးပေါင်းရင်းမြစ်များ

KAJAJIYANG 12:2

Maélo-Ka mpérékko wija iya maégaé sibawa mancajiwi matu bangsa iya battowaé. Maélo-Ka barakkakiko sibawa mébbui asemmu tarompo, angkammu mancaji matu barakka.

KAJAJIYANG 24:35

Nabarakkaki senna'i Puwangnge iyaro puwakku sibawa napancajiwi sugi senna. Puwangnge pura mpéréngngi bimbala makkonrong, bémbé, saping, unta, kaleddé, sibawa topa péra', ulaweng enrengngé ata worowané sibawa makkunrai.

KAJAJIYANG 26:12

Mamponi biné Ishak untu' mallaonruma ri wanuwaéro, sibawa iyaro taungngé lolongenni wassélé leppi wékkasératu polé ri iya naampoé, nasaba Puwangnge barakkakiwi.

KAJAJIYANG 30:27

Nakkeda Laban lao ri aléna, “Engkalingai riyolo: Lolongekka pirasa' makkedaé nabarakkakika Puwangnge nasaba iko.

KAJAJIYANG 39:3

Naitani puwanna makkedaé, Puwangnge sibawangngi Yusuf narimakkuwannanaro namallolongeng makessing ri laleng sininna jama-jamang iya najamaé.

KAJAJIYANG 39:5

Mappammulai wettuéro, nasaba Yusuf, Puwangnge barakkakiwi ruma tanggana tau Maséré'éro sibawa sininna aga iya nappunnangiyé, muwi iya engkaé ri bolaé iyaré'ga ri dare'é.

NEHEMIA 9:21

Patappulo taung ittana ri padang kessi'é, Mupaggenne'i sininna apparelluwanna mennang. Pakéyanna mennang dé' naengka namasolang, ajéna mennang dé' namapeddi iyaré'ga naboro.

AYUB 23:10

Iyakiya Naissengngi sininna lalekku makkuwatoro tungke' jongkaku. Rékko riojika pada-pada ulawengngé, pabuttiwi matu makkedaé mapaccingngi atikku.

MAZMUR 1:6

Saba' tau mapatoé ripimpingngi sibawa rilinrungiwi ri Puwangnge, iyakiya tau majaé mattujui lao ri abinasangngé.

MAZMUR 107:4

Engka sollé ri padang makkale-ale'é, sibawa dé' naissengngi laleng laowé ri onrong riyonroiyé ri kotaé.

MAZMUR 31:7

Mucéccéi tau iya massompaé barahala; iyakiya mateppe'ka lao ri Puwangnge.

MAZMUR 90:17

Oh Puwang Allataalata, barakkakiki, kuwammengngi nasininna jama-jamatta mawwassélé'i.

ASSURENG 16:35

Iyaro mannaé mancajiwi inanréna tau Israélié patappulo taung ittana mangoloé, narapi lettu ri Kanaan, onronna mennang mattette. (

YEREMIA 2:2

mappallebbangengngi karébaéwé lao ri sininna tauwé ri Yérusalém, “Eh Israél, uwéngngerangngi temmaka tinulumu ri wettu malolomu mupa; temmaka battowana pappojimmu wettutta bottimparu. Muwaccowéri-Ka lao ri padang kessi'é molai daéra iya dé'é naritanengi.

HOSEA 13:5

Ri tana makarossaé ri padang kessi'é, Iyya ritu jagaiko.

AMOS 2:10

Purano Utiwi massu polé ri Maséré, sibawa Udulung molai padang kessi'é patappulo taung ittana. Purani Uwabbéréyang lao ri iko tanana tau Amorié mancaji wanuwammu muto.

ABBILANGENG 1:1

Ri tanggala séddinna uleng duwa ri laleng taung maduwaé nasalainna bangsa Israélié Maséré, mabbicarani Puwangnge lao ri Musa ri laleng Kémana Puwangnge ri padang kessi Sinai. Adan-Na,

ABBILANGENG 14:33

Patappulo taung ittana ana'-ana'mu sollé matu ri padang kessi'é. Nasaba dé mumatinulu, iyaro ana'-ana'mu manrasa-rasai matu, narapi maté tau iya paccappurengngé ri yelle'mu.

ABBILANGENG 14:34

Mutanggungngi matu addimonrinna dosamu patappulo taung ittana; sitaung ribilang untu' siesso polé ri tungke' patappulo esso iya mupaké untu' salidikiwi iyaro tanaé. Muwissengngi matu pékkugi rasana rékko Iyya méwako!

ABBILANGENG 22:12

Adanna Allataala lao ri Biléam, “Aja' mulao silaongengngi sining tauwéro, sibawa aja' mutanroiwi bangsaéro, nasaba purani Ubarakkaki.”

ABBILANGENG 32:13

Macai Puwangnge lao ri bangsa Israélié angkanna naleppessangngi mennang sollé ri padang kessi'é patappulo taung ittana narapi sininna sippangka'na iya puraé maronta lao ri aléna maté maneng.

LUKAS 22:35

Purairo makkedani Yésus lao ri mennang, “Riyolo wettunna Usuroko sibawa dé' Upalaloko tiwi tase'-tase', sépu iyaré'ga sapatu, engkaga akurangemmu?” Nappébali mennang, “Dé'!”

YOHANES 10:27

Sining bimbala'-Ku naéngkalingai saddak-Ku. Uwisseng mennang, nanaccowéri-Ka mennang.

ULANGENG 1:19

“Nainappa situru sibawa paréntana Puwang Allataala, risalaini Bulu Sinai natajoppa molai padang kessi iya malowangngé sibawa maseroé mattuju ri daéra buluna tau Amorié. Wettutta lettu ri Kadés-Barnéa,

ULANGENG 1:46

“Purairo monroki ri Kadés maitta senna.

ULANGENG 2:14

Iyaro kajajiyangngi telluppulo aruwa taung risalainnana Kadés-Barnéa. Sininna prajuri sippangka'éro maténi pada-pada iya napowadaé Puwangnge.

ULANGENG 2:6

Weddikko melli inanré sibawa énungeng polé ri mennang.’

ULANGENG 29:4

Iyakiya narapi essoéwé, dé'pa napakkulléko pahang manengngi iya mupéneddingiyéro.

ULANGENG 29:5

Patappulo taung ittana Puwangnge pimpikko molai padang kessi'é, namuni pakéyammu sibawa sandala'mu dé' namancaji malusa.