ULANGENG 2:5 - KITTA KAREBA MADECENG

⁵ iyakiya dé' naweddikko gasai mennang, saba' polé ri tanana mennang muwi céddé dé'to umaélo mpérékko, nasaba daéra Edom purani uwéréng wija-wijanna Esau.

ULANGENG 2:5 ပူးပေါင်းရင်းမြစ်များ

KAJAJIYANG 36:8

Na Esau iya riyasengngétto Edom, mattette'i ri daéra buluna Séir.

KAJAJIYANG 36:9

Iyanaé wija-wijanna Esau, néné-nénéna tau Edongngé.

YEREMIA 27:5

“Nasibawang akuwasak-Ku iya battowaé nenniya nasibawang awatangek-Ku purani Upancaji linoé sibawa tolinoé nenniya sininna olokolo'é, naweddik-Ka mabbéréyangngi lao ri nigi-nigi iya Uwéloriyé.

YEHEZKIEL 35:2

“Eh tolino dé'é namannennungeng, tanroiwi wanuwa Edom.

DANIEL 4:25

Ripaddésu'i matu Puwakku polé ri masaraka tolinoé sibawa tuwo ri yelle'na sining olokolo'é ri padangngé. Pituttaung ittana manréi matu wella Puwakku pada-pada sapingngé sibawa matinro ri tana lapangngé, angkanna ririca ri cinoddoé. Purapiro nappai nangakui Puwakku makkedaé Allataala Iya Pommatanré makuwasai ri yasé'na akkarungeng tolinoé, Nanabbéréyangngi iyaro akkarungengngé lao ri nigi-nigi iya Napilé.

DANIEL 4:32

Ripaddésu'ko matu polé ri masaraka tolinoé, nenniya tuwo sibawa sining olokolo'é ri padangngé. Pituttaung ittana manréko matu wella pada-pada sapingngé. Purairo muwangakuiwi matu makkedaé Allataala Iya Pommatanré makuwasai ri yasé'na akkarungenna tolinoé na iyaro akkarungengngé Nabbéréyangngi lao ri nigi-nigi iya Napilé.”

RIWAYA'NA RASUL-RASUL-E 17:26

Polé riséddié rupa tau Naébbui sininna bangsaé sibawa nasuroi mennang monroiwi sininna linoé. Alénato ritu pattentui mappammula pammulanna, uppanna sibawa kégai mennang wedding tuwo.

RIWAYA'NA RASUL-RASUL-E 7:5

Iyaro wettué dé'gaga sibagiyang polé ri wanuwaéwé iya nabbéréyangngé Allataala lao ri Abraham untu' mancaji appunnangenna Abraham; muwi sijongka dé'to nariwéréng. Iyakiya majjanciwi Allataala makkedaé maéloi mpéréngngi Abraham untu' mancaji appunnangenna Abraham sibawa wija-wijanna. Iyaro wettué dé' nappunnai ana' Abraham.

ULANGENG 2:22

Makkuwatoro napogau' Puwangnge untu' tau Edongngé, wija-wijanna Esau, iya monroiyéngngi daéra buluna Edom. Puwangnge paccappui tau Horié, angkanna tau Edongngé sittaiwi iyaro tanaé sibawa tudangiwi nainappa mattette kuwaro lettu makkekkuwangngé.

ULANGENG 2:6

Weddikko melli inanré sibawa énungeng polé ri mennang.’

ULANGENG 32:8

Wettunna Iya Pommatanré mattawangngi tanaé, tungke' bangsa ripattentuwangngi daérana sibawa séuwa déwata selaku panguwasana.

YOSUA 24:4

nainappa Ishak Uwéréng duwa tau ana', iyanaritu Yakub sibawa Esau. Uwéréngngi Esau buluna Edom mancaji tana appunnangenna, iyakiya Yakub, ambo'na toriyolomuro, létté'i ri Maséré, silaong ana'-ana'na.