ULANGENG 2:34 - KITTA KAREBA MADECENG

³⁴ Iyatoro wettué narisittai sibawa riancuru tungke' kotana, sibawa mpunoi sininna pabbanuwana, worowané, makkunrai sibawa ana'-ana'. Dé' gaga rileppessang tuwo.

ULANGENG 2:34 ပူးပေါင်းရင်းမြစ်များ

ULANGENG 3:6

Iya manenna kotaéro riyancuru'i, sibawa sininna tau worowané, makkunraié sibawa ana'-ana'na mennang riyunoi, pada-pada iya ripogau'é sibawa kota-kotana Arung Sihon polé ri Hésybon.

ULANGENG 7:2

Rékko nabbéréyangngi Puwang Allataalamu iyaro bangsa-bangsaé ri laleng akuwasammu sibawa mucaui mennang, uno manengngi mennang. Aja' muwamaséiwi mennang iyaré'ga mébbu assijancing sibawa mennang.

ULANGENG 7:26

Aja' mutaro séuwa dato'-dato' barahala ri lalempolamu, kuwammengngi tanro iya kennaéngngi aja' nakenna tokko. Iyaro gau'é harusu'i mubenci sibawa muwita mariyawa, nasaba natanroi Puwangnge.”

YOSUA 10:28

Iyaro essoé nagasani Yosua Makéda, sibawa caui kotaéro silaong arunna. Naunoi sininna pabbanuwana iyaro kotaé; dé' muwi séddi naleppessang tuwo. Nagaukenni Yosua arunna Makéda pada-pada iya nagaukengngéngngi arung Yérikho.

YOSUA 10:40

Napatunru'ni Yosua sininna wanuwaéro. Nacauni sining arungngé ri daéra bulué, ri émpeng-ngémpeng bulué ri seddé alau, ri pong bulué ri yajang, sibawa ri padangngé ri yattang. Dé' muwi séddi tau iya rileppessangngé tuwo; riyuno maneng. Iyaro siturui sibawa parénta polé ri Puwangnge, Allataalana Israélié.

YOSUA 11:14

Sininna pabbanuwana iyaro kota-kotaé naunoi; dé' muwi séddi tau naleppessang tuwo. Iyakiya sininna barab-baranna iya mangke'é sibawa olokolo'na nalai tau Israélié mancaji appunnangenna mennang.

YOSUA 6:21

Sininna ri laleng kotaéro, macuwa malolo, worowané makkunrai, riyunoi sibawa peddang. Sininna olokolo sapingngé, bimbala'é sibawa kaleddé'é riyunoto.

YOSUA 7:11

Purai pogau' dosa tau Israélié. Purai Uwapparéntang kuwammengngi naturusiwi mennang assijancinna sibawa Iyya, iyakiya najjalékkaiwi mennang! Barab-barang iya harusu'é riyancuru naalai mennang. Ménnauwi mennang sibawa nasubbui ri yelle'na barab-baranna mennang kuwammengngi dé' nakaissengeng.

YOSUA 9:24

Nappébali mennang, “Kédo makkuwaki'ro nasaba riyéngkalingai makkedaé Puwang Allataala iya nasompaé Bapa' pura nasuroi Musa, atan-Naro, mpéréngngi Bapa' sininna wanuwaéwé enrengngé mpunoi sininna pabbanuwana ri wettunna Bapa' malai iyaro tanaé. Métau senna'ki rékko riyunoki, iyanaro saba'na tapogau'i iya manennaé.

1 SAMUEL 15:3

Jaji, laono sibawa gasai tau Amalé'é sibawa mancuru'i sininna appunnangenna. Aja' mutaroi muwi séuwa aga; unoi sininna tau worowané, makkunraié, ana'-ana'é sibawa ana'loloé; makkuwatoro sapingngé, bimbala'é, untaé sibawa kaleddé'é.”