ULANGENG 2:23 - KITTA KAREBA MADECENG

²³ Tana mattuttung wiring Tasi Tengngaé natudangiwi sining tau polé ri pulo Kréta. Napaccappui mennang tau Awié, pabbanuwa tulénna tanaéro, nainappa tudangiwi daéraéro lettu ri yattang sibbéla kota Gaza.)

ULANGENG 2:23 ပူးပေါင်းရင်းမြစ်များ

KAJAJIYANG 10:14

Pétrusim, Kasluhim sibawa Kaftorim. Iyaro bangsa Kasluhingngé toriyolonai bangsa Filistingngé.

KAJAJIYANG 10:19

angkanna sining pakkasésénna wanuwanna mennang mallebbangngi polé ri Sidon liyattang mattuju ri Gérar, lettu seddéna Gaza, sibawa lilau mattuju ri Sodom, Gomora, Adma sibawa Zéboim, lettu seddéna Lasa.

2 ARUNG-NGARUNG 18:8

Nacaui tau Filistingngé, sibawa rampo'i onrong naonroiyé mennang, polé ri désa iya kaminang baiccu'é lettu ri kota iya kaminang battowaé, muttama'ni Gaza sibawa daéraé ri mattulilinna.

1 TAWARIKH 1:12

Patrusim, Kasluhim sibawa Kréta. Mennang iyanaritu toriyolona tau Filistingngé.

YEREMIA 47:4

Narapini wettunna bangsa Filistingngé ripaccappu maneng, angkanna Tirus sibawa Sidon dé'na nalolongeng bantuwang. Iyya, Puwang, paccappui matu sininna tau Filistin iya nasésaé polé ri Kréta.

AMOS 9:7

Makkedai Puwangnge, “Eh umma Israélié, Ujampangiwi tau Sudangngé pada-pada Ujampangimmu. Iyya pura tiwii tau Filistingngé polé ri Kréta sibawa tau Siriaé polé ri Kir pada-padato Utiwiko polé ri Maséré.

ZEFANYA 2:4

Ri kota Gaza dé' muwi séddi tau ripassalama matu. Askélon masino-sinoi matu dé' monroiwi. Pabbanuwana Asdod ripaddésu'i matu ri laleng séddié paggasa tennasenna-senna ri lakessoé sibawa pabbanuwana Ekron risuroi matu lao polé ri kotana.

ZAKHARIA 9:5

Kota Askélon sibawa Gaza naitai matu sibawa métauna. Naita towi matu Ekron sibawa ateddéngeng sininna paddennuwanna. Ateddéngengngi matu Gaza arunna, sibawa Askélon masino-sinoi matu dé' monroiwi.

RIWAYA'NA RASUL-RASUL-E 17:26

Polé riséddié rupa tau Naébbui sininna bangsaé sibawa nasuroi mennang monroiwi sininna linoé. Alénato ritu pattentui mappammula pammulanna, uppanna sibawa kégai mennang wedding tuwo.

YOSUA 10:41

Nacauni Yosua daéra-daéraé polé ri Kadés-Barnéa ri yattang lettu ri Gaza ri seddéna wiring tasi'é, muttama'ni sininna daéra Gosyén, matteru lettu ri Gibéon ri manorang.

YOSUA 11:22

Dé' muwi séddi tau polé ri bangsa Enak-éro iya nasésaé ri daéra Israélié, banna ri Gaza, Gat sibawa Asdod engka mupa.

YOSUA 13:3

sibawa sininna daéra Awi liyattang. (Daéra polé ri Salo Sikhor ri pakkasésénna Maséré lettu ri pakkasésénna Ekron ri seddé manorang, iya manennaro muttama'i ri daérana bangsa Kanaangngé; sibawa sining arung Filistingngé monroi ri Gaza, Asdod, Askélon, Gat sibawa Ekron.)

YOSUA 15:47

Makkuwatoro Asdod nenniya Gaza enrengngé kota-kota baiccu'na sibawa désa-désana iya tattale'é lettu ri seddéna ana' saloé ri pakkasésénna Maséré sibawa wirinna Tasi Tengngaé.

HAKING-HAKING 1:18

Puwangnge tulungngi tau Yéhudaé angkanna naulléi mennang sittaiwi daéra bulué. Iyakiya dé' naulléi mennang sittaiwi Gaza, Askélon iyaré'ga Ekron silaong daéra-daéraé ri seddéna, nasaba bangsa-bangsa iya monroé ri sillampé wiring tasi'é mappunnaiwi karéta-karéta musu polé ri bessié; rimakkuwannanaro dé' naulléi tau Yéhudaé paddésu'i mennang.