ULANGENG 2:14 - KITTA KAREBA MADECENG

¹⁴ Iyaro kajajiyangngi telluppulo aruwa taung risalainnana Kadés-Barnéa. Sininna prajuri sippangka'éro maténi pada-pada iya napowadaé Puwangnge.

ULANGENG 2:14 ပူးပေါင်းရင်းမြစ်များ

MAZMUR 106:26

Namajjanci-Na sibawa mattanro maélo mpunoi mennang ri padang kessi'é.

MAZMUR 90:15

Wérékki asennangeng sittimbang sibawa anrasa-rasangngé iya ritanggungngé ri laleng taut-taung anrasa-rasangngé.

MAZMUR 90:3

Musuroi tolinoé lisu ri assalenna, mancaji awu pada-pada pammulanna.

MAZMUR 90:9

Maponco'i atuwotta nasaba cai-Mu, cappui taut-tautta pada-pada seppung nappase'é.

MAZMUR 95:11

Namattanro-Ka ri laleng cai-Ku, dé' mennang nauttama matu ri wanuwaéro untu' lolongeng appésaungeng silaong Iyya.”

YEHEZKIEL 20:15

Ri padang kessi'éttonaro mangancak-Ka makkedaé bangsa Israélié dé' Utiwii matu muttama ri tana iya puraé Upassadiya untu' mennang, tana iya sugié sibawa macommo nenniya iya kaminang makessingngé ri sininna linoé.

ABBILANGENG 1:1

Ri tanggala séddinna uleng duwa ri laleng taung maduwaé nasalainna bangsa Israélié Maséré, mabbicarani Puwangnge lao ri Musa ri laleng Kémana Puwangnge ri padang kessi Sinai. Adan-Na,

ABBILANGENG 13:26

sibawa laporo'i lao ri Musa, Harun sibawa sininna umma Israélié iya maddeppungengngé ri Kadés, ri padang kessi Paran. Nacuritani mennang aga iya puraé naita sibawa majjellokengngi buwa-buwa iya natiwié mennang.

1 KORINTUS 10:5

Namuni makkuwaro, dé' namasennang Allataala lao ri maégangngéngngi polé ri mennang, na iyanaro saba'na sining ujuna mennang makkalénnekengngi ri padang kessi'é.

ULANGENG 1:19

“Nainappa situru sibawa paréntana Puwang Allataala, risalaini Bulu Sinai natajoppa molai padang kessi iya malowangngé sibawa maseroé mattuju ri daéra buluna tau Amorié. Wettutta lettu ri Kadés-Barnéa,

ULANGENG 1:2

Polé ri Bulu Sinai lettu ri Kadés-Barnéa naolai daéra buluna Edom, riyapparelluwangngi seppulo séddi essona mallaleng.)

ULANGENG 1:46

“Purairo monroki ri Kadés maitta senna.

ULANGENG 2:13

“Nainappaki malléttoiwi Salo Zéréd pada-pada iya napparéntangngé Puwangnge lao ri idi.

ULANGENG 2:16

Maté manennana mennang,

ULANGENG 2:7

Engngerangngi pékkugi Puwang Allataalamu pura barakkakiko ri laleng sininna iya mupogau'é. Napiyaroko ri wettu sollému ri padang kessi iya malowangngéwé. Nalinrungiko patappulo taung ittana sibawa nawérékko sininna iya muwapparelluwangngé.

YOSUA 24:7

mangobbii mennang ri Iyya méllau tulung. Naupancajini mapettang pallawangenna mennang sibawa sining tau Maséré'éro, sibawa utongkoi sining tau Maséré'éro sibawa uwai tasi' angkanna tallemme maneng mennang. Muwisseng manenni sininna aga iya Upogau'é lao ri Maséré. Maitta senna'ko monro ri padang kessi'é.

YOSUA 5:4

Wettunna sining tau Israélié massu polé ri Maséré, sininna tau worowanéna purani risunna. Iyakiya wettunna mennang sollé ri padang kessi'é patappulo taung ittana, ana'-ana'na mennang iya worowané muwi séddi dé'to gaga risunna. Na ri paccappurenna wettu patappuloé taunro, tau worowané iya wettuéro massu polé ri Maséré narapini umuru'na iya sipato'é untu' muttama tentara, maté manenni, nasaba dé' naturusiwi paréntana Puwangnge. Nasituru sibawa tanrona Puwangnge, dé' napalaloi mennang mitai wanuwa décéng sibawa macommo'éro iya Najjanciyangngé lao ri néné-nénéna mennang.

YUDAS 1:5

Iya manennaro pura muwissenni. Namuni macinnaka paréngngerangiko passalenna pékkugi Puwangngé passalama'i umma' Israélié polé ri Maséré', iyakiya rimunri napaccappui sining tau iya dé'é namateppe' ri yelle'na mennang.