ULANGENG 18:9 - KITTA KAREBA MADECENG

⁹ “Rékko muttama'no ri wanuwa iya nawéréngngékko Puwang Allataalamu, aja' muturui ja iya napogau'é bangsa-bangsa iya engkaé kuwaro.

ULANGENG 18:9 ပူးပေါင်းရင်းမြစ်များ

2 ARUNG-NGARUNG 17:11

Tunu towi mennang dupa ri sininna mézbaé untu' déwataé, pada-pada abiyasanna bangsa-bangsa iya puraé napaddésu Puwangnge polé ri wanuwa Kanaan. Massompai mennang barahala, namuni pura nattéyang Puwangnge. Sininna pangkaukenna iya majaé paénré'i caina Puwangnge.

2 ARUNG-NGARUNG 17:8

sibawa maccowériwi abiyasanna bangsa-bangsa iya puraé napaddésu Puwangnge wettunna bangsa Israélié malluru musui bangsa-bangsaéro. Naturusiwi bangsa Israélié ade abiyasang iya napattentué arung-ngarung Israélié,

2 TAWARIKH 28:3

enrengngé mattunu dupa ri Lompo Hinom. Mala ana' worowanéna muto nakkasuwiyangeng selaku akkarobangeng lao ri barahalaé, situru abiyasang majana sining tau iya puraé napaddésu Puwangnge polé ri wanuwa Kanaan wettunna tau Israélié muttamakiwi wanuwaéro.

2 TAWARIKH 36:14

Rilainnaéro, Bolana Puwangnge iya puraé napallaing untu' Aléna muto, napanajisi'i sining pamimpinna Yéhuda, sining imangngé sibawa ra'ya'é, nasaba maccowéi massompa barahala sibawa maccowériwi cara atuwo-tuwong iya madosaé polé ri bangsa-bangsaé ri seddéna mennang.

YEREMIA 10:2

Makkedai, “Aja' muwaccowériwi abiyasanna bangsa-bangsa laingngé, sibawa aja' mumétau mitai tanra-tanrangngé ri langié iya naétauriyé bangsa-bangsaéro.

ANGIMANGENG 18:30

Nakkeda Puwangnge, “Turusiwi sining peraturang iya Uwabbéréyangngé sibawa aja' muturui pangkaukenna sining tau iya monroiyéngngi tana Kanaan ri wettu dé'mupa. Aja' mupanajisi'i alému ri laleng mupogau'na sining pangkaukengngéro. Iyya'na, Puwang Allataalamu.”

ULANGENG 20:18

Unoi mennang, kuwammengngi dé' naébbuko madosa lao ri Puwang Allaataalamu ri laleng napaggurummu pogau'i gau'-gau' mappakaciddi'-ciddi'é lao ri déwata-déwatana mennang.

ULANGENG 9:4

Puranana napaddésukekko Puwang Allataalamu, aja' muwasengngi makkedaé natiwiko kuwaro untu' mappunnaiwi tanaéro nasaba makessikko sibawa pogau'i élona Puwang Allataalamu angkanna sitinaja tarimai. Dé' sises-siseng! Napaddésu'i Puwangnge bangsa-bangsaéro untu' iko nasaba majai mennang. Naleppessakko Puwangnge malai tanana mennang, nasaba macinnai rupaiwi jancin-Na lao ri néné-nénému Abraham, Ishak sibawa Yakub.