ULANGENG 18:3 - KITTA KAREBA MADECENG

³ Rékko séddié tau makkasuwiyangeng akkarobangeng saping iyaré'ga bimbala, limanna, banginna sibawa lise' babuwana iyaro olokolo'é harusu'i riyabbéréyang lao ri imang-ngimangngé untu' tawana mennang.

ULANGENG 18:3 ပူးပေါင်းရင်းမြစ်များ

ASSURENG 29:27

Ri laleng upacara allantikenna imangngé, dadana sibawa poppang ataunna bimbala lai iya ripaké ri laleng upacaraéro harusu'i riyakkasuwiyangeng selaku pakkasuwiyang tanréyangeng untu' alé-Ku sibawa ripallaing untu' sining imangngé.

ASSURENG 29:28

Iyanaé apettuk-Ku iya dé'é nawedding ripinra: Wettunna umma'-Ku polé makkasuwiyangengngi akkarobangeng pappasidamé, dadana sibawa poppanna olokolo'éro iyanaritu tawana sining imangngé. Iyanaro pakkasuwiyanna umma'-Ku untu' Iyya.

ANGIMANGENG 22:7

Labupi essoé namapaccing sibawa wedding manréi, nasaba iyanaro inanréna.

ABBILANGENG 18:11

Sininna pakkasuwiyang ripallaing iya laingngé iya nakkasuwiyangengngé tau Israélié lao ri Iyya, iyanaritu untu' ikoto. Uwérékko silaong ana'-ana'mu worowané sibawa makkunraié. Iyaro peraturangngé takkennai untu' mannennungeng. Tungke' anggota kaluwargamu iya dé'é nanajisi' weddingngi manréi.

ABBILANGENG 18:12

Uwérékko sininna iya kaminang makessingngé polé ri éngngalammu bunge'-bunge'é iya nakkasuwiyangengngé tau Israélié lao ri Iyya tungke' taung, iyanaritu minnya zaitun, uwai anggoro sibawa gandong.

ULANGENG 12:27

Akkarobangeng ritunué sibawa akkarobangeng iya riyanré jukuna harusu'i riyakkasuwiyangeng ri yasé'na mézbana Puwang Allataalamu sibawa darana ritiri'i ri yasé'na mézbaéro.