ULANGENG 18:2 - KITTA KAREBA MADECENG

² Dé' nawedding mennang mappunnai tana pada-pada suku-suku laingngé, saba' Puwangnge ritu attawang manana mennang, pada-pada iya najjanciyangngé Puwangnge lao ri mennang.

ULANGENG 18:2 ပူးပေါင်းရင်းမြစ်များ

KAJAJIYANG 15:1

Purairo, tarimani Abram pappaita sibawa méngkalingai Puwangnge makkeda lao ri aléna, “Aja' mumétau, Abram, maélo-Ka linrungiko polé ri abalaé, sibawa mpérékko saro iya battowaé.”

MAZMUR 119:57

Iko bawang uwacinnai, oh Puwang, majjancika maélo pogau'i pappagguruwam-Mu.

MAZMUR 16:5

Puwang, Iko bawang uwappunnangi; Muwabbéréyangngi sininna iya uwapparelluwangngé, totoku engkai ri limam-Mu.

MAZMUR 84:11

Lebbi kessing muwi siesso ri Bola-Mu naiya sisebbu esso ri onrong laingngé. Upiléi mancaji panganrowang sumpang ri Bolana Allataalaku naiya monro ri bolana tau majaé.

YESAYA 61:6

Riteppuko matu atanna Allataala sibawa riyaseng imanna Puwat-ta. Mupéneddingiwi matu asugirenna bangsa-bangsaé sibawa marasa matempo nasaba waramparanna mennang.

AWATINGENG 3:24

Puwangnge iyanaritu waramparakku séddi-séddié. Rimakkuwannanaro, mamménasaka ri Aléna.

YEHEZKIEL 44:28

Sining imangngé natarimai jabatang imangngéro selaku bagiyang untu' mennang polé ri aga iya Uwabbéréyangngé lao ri Israélié massossoreng. Dé' nawedding mappunnai agi-agi ri Israélié: Iyya ritu waramparanna mennang.

ABBILANGENG 18:20

Makkeda towi Puwangnge lao ri Harun, “Iko dé'gaga mana mulolongeng. Ri wanuwa iya Uwajjanciyangngéro dé' gaga muwi sikonrong tana iya mancajiyé appunnangemmu. Iyya, Puwang, iyanaritu bagiyang manamu.”

ABBILANGENG 18:7

Iyakiya banna iko sibawa ana'-ana'mu bawang iya weddingngé pajoppai jamangngé selaku imang, ri laleng sininna jama-jamang iya engkaé assisumpungenna sibawa mézbaé nenniya aga iya engkaé ri Bili' Pommapaccingngé. Iyanaro tanggung jawa'mu, nasaba purano uwéréng tudangeng selaku imang. Tungke' tau iya dé'é nappunnaiwi ha'éro rihukkung matéi matu rékko naddeppériwi iyaro barab-barang mapaccingngé.”

ULANGENG 10:9

Iyanaro saba'na tau Léwié dé' natarima tana mana pada-pada suku laingngé, saba' Puwangnge ritu bagiyang manana mennang, pada-pada iya napowadaé Puwang Allataalamu lao ri mennang.)

YOSUA 13:14

Suku Léwi dé' natarima bagiyang tana polé ri Musa, saba' Puwangnge pura powadangngi Musa makkedaé bagéyanna suku Léwi iyanaritu poléi ri akkarobangeng-akkarobangeng iya ritunué ri mézbaé untu' Puwang Allataalana Israélié.

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.