ULANGENG 17:9 - KITTA KAREBA MADECENG

⁹ Pangoloi iyaro parakaraé lao ri imang-ngimang Léwié sibawa lao ri haking iya nakennaé jamang, nainappa muleppessang mennang pettuiwi.

ULANGENG 17:9 ပူးပေါင်းရင်းမြစ်များ

1 TAWARIKH 26:29

Wija-wijanna Yizhar, iyanaritu Kénanya enrengngé ana'-ana'na, riwéréngngi jamang administrasinna wanuwaé sibawa jama-jamang angadélékengngé ri Israélié.

ASSURENG 18:16

Rékko sisalai mennang, mangoloi ri iyya kuwammengngi upettuiwi parakarana, sibawa upalettukengngi mennang sining paréntana nenniya hukkung-hukkunna Allataala.”

ASSURENG 22:8

Iyakiya rékko dé' narilolongeng iya ménnauwéngngi, tau iya riyappaddettangiyéro rahusu'i ritiwi ri onrong assompangngé, sibawa harusu'i mattanro kuwaro makkedaé dé' naénnauwi barang iya riyappaddettangengngé ri aléna.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEHEZKIEL 44:24

Rékko mompoi assisalang parakara hukkung, harusu'i mennang napurai situru sibawa hukkung-hukkuk-Ku. Harusu'i mennang napakaraja pésta-pésta agamaé, situru sining atorek-Ku sibawa hukkung-hukkuk-Ku, enrengngé pakalebbii Saba'é selaku esso iya ripallaingngé untu' Iyya.

HAGAI 2:11

Adan-Na, “Ellauwi apettunna sining imangngé passalenna persoalangngéwé:

ZAKHARIA 3:7

“Rékko mupatoiwi hukkung-hukkuk-Ku nenniya pogau'i jama-jamang iya uwéréngngékko, untu' matteru weddikko mancaji pamimping ri laleng Bola-Ku sibawa murusu'i seddéna. Uwéngkalingai matu sining sempajammu, pada-pada uwéngkalingai sempajanna sining malaéka iya engkaé ri seddé-Ku.

ZAKHARIA 7:3

Risuro towi mennang makkutana lao ri imang-ngimangngé sibawa sining nabié, makkuwaé, “Parellu mupi'ga mpatingiwi Bolana Puwangnge sibawa mappuwasa ri tungke' uleng malimaé pada-pada iya puraé ripogau' mattaut-taung ittana?”

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

ULANGENG 16:18

“Ri tungke' kota iya nawéréngngékko Puwang Allataalamu, harusu'ko makka haking-haking sibawa pajjama-jama laing untu' madélékiwi ra'ya'é sibawa adélé.

ULANGENG 17:10

Mennang ritu mabbéré apettung, sibawa iko harusu pajoppai sibawa matutu aga iya napowadaé mennang lao ri iko.

ULANGENG 21:5

Sining imang Léwié harusu towi lao kuwaro, nasaba harusu'i mennang mabbéré apettung ri laleng tungke' parakara tindakang ateddekengngé. Ripiléi mennang ri Puwang Allataalamu untu' massompa ri Aléna sibawa teppui barakka'é ri laleng asen-Na.

ULANGENG 25:1

Ebara'na duwa tau Israél lao ri pengadilangngé untu' mapparakara, nainappa iya séddié ripannessani dé' napasala, na laingngé pasala.

ULANGENG 33:10

Napaggurui mennang umma'-Mu turusiwi sininna parénta-Mu sibawa makkasuwiyangengngi akkarobangengngé ri yasé'na mézba-Mu.