ULANGENG 17:8 - KITTA KAREBA MADECENG

⁸ Rékko engka parakara iya dé'é naulléi pettuiwi haking-hakingngé riséuwaé onrong nasaba mawatang senna, ébara'na parakara abbunowang iya nattungkaiyé iyaré'ga dé'é nattungkaiwi, assisalang passalenna waramparang iyaré'ga silo-lo watakkalé, harusu'ko lao ri onrong iya napilé Puwang Allataalamu.

ULANGENG 17:8 ပူးပေါင်းရင်းမြစ်များ

2 SAMUEL 15:2

Esso-esso Absalom maélé moto nanatettong ri wiring lalengngé ri seddéna pintu gerbanna saorajaé. Tungke' tau iya maéloé mapparapekengngi parakarana lao ri arungngé, naobbii sibawa natanai Absalom, adanna, “Polé ri suku kégako?” Narékko mappébaliwi iyaro tauwé, “Polé ri suku iyaé iyaré'ga iyaro,”

1 TAWARIKH 26:29

Wija-wijanna Yizhar, iyanaritu Kénanya enrengngé ana'-ana'na, riwéréngngi jamang administrasinna wanuwaé sibawa jama-jamang angadélékengngé ri Israélié.

ASSURENG 18:15

Nappébali Musa, “Iyaro sining tauwé laowi ri iyya untu' missengngi élona Allataala.

ASSURENG 18:26

Napajoppani mennang jamanna selaku haking-haking ri yasé'na bangsa Israélié. Parakara-parakara pentingngé napangoloi mennang ri Musa, naiya assisalang baiccu-baiccu'é napacceppini mennang.

ASSURENG 21:20

Nigi-nigi munrui atanna worowané iyaré'ga makkunraié angkanna matteru maté iyaro ataé, harusu'i rihukkung.

ASSURENG 21:22

Rékko siyagangngaré tau worowané mattengngang mallaga na sala séddinna ri yelle'na mennang loi séddié makkunrai mattampu angkanna alaungeng, iyakiya dé' namapeddi ri bagiyang laingngé, iyaro tauwé harusu'i makkamaja denda singngéga natuntu'é lakkainna sibawa nasitujuiyé haking-hakingngé.

ASSURENG 21:28

“Rékko séddié saping lai tanru'i séddié tau gangka maté, iyaro sapingngé harusu'i riyuno sibawa rigenrung batu, na jukuna dé' nawedding riyanré, iyakiya punnana dé' narihukkung matu.

ASSURENG 22:2

Harusu'i nasulléi barang iya naénnauwé. Rékko dé' nappunnai agi-agi, aléna ritu ribalu' selaku ata, untu' sulléiwi barang iya puraé naénnau. Rékko iya naénnauwéro maddupa saping, kaleddé iyaré'ga bimbala, nariruntu ri tauwéro ri laleng keadaang tuwo, harusu'i nasulléi tungke' kajunna sibawa duwakkaju olokolo. Rékko ri wennié ritikkengngi séddié panga ménnau ri laleng séddié bola, nainappa riyuno, iya mpunoéngngi dé' napasala. Iyakiya rékko iyaro gau'é kajajiyangngi ri essoé, tau iya mpunoéngngi riyangga'i pasala.

ASSURENG 22:8

Iyakiya rékko dé' narilolongeng iya ménnauwéngngi, tau iya riyappaddettangiyéro rahusu'i ritiwi ri onrong assompangngé, sibawa harusu'i mattanro kuwaro makkedaé dé' naénnauwi barang iya riyappaddettangengngé ri aléna.

YEHEZKIEL 44:24

Rékko mompoi assisalang parakara hukkung, harusu'i mennang napurai situru sibawa hukkung-hukkuk-Ku. Harusu'i mennang napakaraja pésta-pésta agamaé, situru sining atorek-Ku sibawa hukkung-hukkuk-Ku, enrengngé pakalebbii Saba'é selaku esso iya ripallaingngé untu' Iyya.

HAGAI 2:11

Adan-Na, “Ellauwi apettunna sining imangngé passalenna persoalangngéwé:

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

ABBILANGENG 35:11

harusu'ko pattentu kota-kota allinrungeng, kuwammengngi sining tau iya dé'é nattungkaiwi mpunoi tau laingngé, weddingngi lari lao kuwaro.

ABBILANGENG 35:16

Iyakiya rékko séddié tau pakéi senjata bessi iyaré'ga batu iyaré'ga aju untu' mpunoi tau laingngé, iyaro tauwé pabbunoi; pasalai sibawa harusu'i rihukkung maté.

ULANGENG 1:17

Aja' namatane siwali apettummu; tungke' tau harusu'i madélékiwi sibawa cara iya padaé, temmappasilaingeng niga iyaro tauwé. Aja' mumétau muwi lao ri niga, saba' apettung iya muwalaé poléi ri Allataala. Rékko séddié parakara mawatang senna untu' alému, tiwii lao ri iyya, kuwammengngi iyya pettuiwi.

ULANGENG 12:11

Nainappa piléi matu Puwang Allataalamu séddi onrong kégi wedding risompa. Kuwaniro harusu lao tiwii sininna iya puraé Uwapparéntang, iyanaritu akkarobangeng ritunué sibawa akkarobangeng-akkarobangeng laingngé, pakkasuwiyang tawaseppulomu sibawa pakkasuwiyang ripallaing iya muwajjanciyangngé lao ri Puwangnge.

ULANGENG 12:14

iyakiya banna ri onrong iya napilé Puwangnge ri sala' séddinna sukummu. Kuwaro bawang harusu'ko makkasuwiyangeng akkarobangeng ritunu sibawa pogau'i gau' laing iya uparéntangngékko.

ULANGENG 12:5

Polé risininna daérana suku-suku Israélié, Puwang Allataalamu pilé matu séddi onrong kuwammengngi iyaro bangsata weddingngi lao ri yolo-Na sibawa sompai Aléna.

ULANGENG 19:17

iya duwanna harusu'i lao ri onrong assompang iya napattentué Puwangnge kuwammengngi nariadéléki risining imangngé sibawa haking iya nakennaé jamang.

ULANGENG 19:4

Rékko séddié tau dé' nattungkaiwi mpunoi tau laingngé iya tenniyaé balinna, weddingngi lari lao risala séddinna kotaéro sibawa weddingngi monro kuwaro.

ULANGENG 21:5

Sining imang Léwié harusu towi lao kuwaro, nasaba harusu'i mennang mabbéré apettung ri laleng tungke' parakara tindakang ateddekengngé. Ripiléi mennang ri Puwang Allataalamu untu' massompa ri Aléna sibawa teppui barakka'é ri laleng asen-Na.

ULANGENG 25:1

Ebara'na duwa tau Israél lao ri pengadilangngé untu' mapparakara, nainappa iya séddié ripannessani dé' napasala, na laingngé pasala.