ULANGENG 17:6 - KITTA KAREBA MADECENG

⁶ Iyakiya banna weddingngi rihukkung maté rékko engka duwa tau sabbi iyaré'ga lebbi; séddié tau dé' nawedding rihukkung maté rékko pappakatajang séddi tau sabbi bawang.

ULANGENG 17:6 ပူးပေါင်းရင်းမြစ်များ

ABBILANGENG 35:30

Ri laleng parakara abbunowangngé, tau iya riteppué selaku pauno, banna weddingngi ripannessa pasala sibawa rihukkung maté rékko iyaro pangkaukengngé naulléi pabuttiwi duwa tau sabbi iyaré'ga lebbi. Séddi tau sabbi dé' nagenne untu' pabuttiwi makkedaé iyaro natteppuwangngé tongengngi.

MATIUS 18:16

Iyakiya rékko dé', paccowéko séddi iyaré'ga duwa taupa. Saba' ri laleng Kitta'é tarokii, ‘Kaminang céddé duwa iyaré'ga tellu sabbi riyapparellung untu' pannessai séddié tau iya riteppué pasala.’

YOHANES 7:51

“Manuru Hukkungngé, séddié tau dé' nawedding rihukkung riwettu dé'napa nariyéngkalinga parakarana sibawa riparéssa pangkaukenna.”

2 KORINTUS 13:1

Untu' mabbékkatellunnanié poléka célléngiko. Ri laleng Kitta'é tarokii, “Tungke' parakara harusu'i ripakkasse ri asabbiyanna duwa iyaré'ga tellu tau sabbi, nainappa essa iyaro parakaraé.”

ULANGENG 19:15

“Séddi tau sabbi bawang dé' nagenne untu' pannessai séddié tau riteppu pasalai; kaminang kuranna duwa tau sabbi riyapparelluwang untu' gauéro.

1 TIMOTIUS 5:19

Aja' mutarimai iya ritenrekengngéngngi séddié pamimping jema', sangadinna rékko ripakkasse'i ri duwa tau sabbi iyaré'ga lebbi.

IBRANI 10:28

Tau iya dé'é naturusiwi hukkung iya nabbéréyangngé Musa, rihukkung matéi tenriyaddampengeng, rékko nasabbingngi duwa tellu tau, pabuttiwi pasala.