ULANGENG 17:3 - KITTA KAREBA MADECENG

³ sibawa parénta-Na ri laleng massompana nenniya mattumaninna lao ri déwata-déwata laingngé iyaré'ga lao ri mata essoé, kétengngé iyaré'ga sining wéttowingngé,

ULANGENG 17:3 ပူးပေါင်းရင်းမြစ်များ

KAJAJIYANG 2:1

Napurana appancajingenna sininna alangngé.

2 ARUNG-NGARUNG 21:3

Onrong-ngonrong assompang déwata iya puraé naancuru Hizkia ambo'na napatettongngi paimeng. Patettongngi mézba-mézba untu' massompa lao ri Baal, sibawa mébbu dato-dato Déwi Asyéra, pada-pada iya napogau'é Ahab arunna Israélié. Nasompa towi Manasyé sining wéttowingngé.

ASSURENG 22:20

Nigi-nigi makkasuwiyangeng akkarobangeng lao ri déwata-déwata laingngé sangadinna lao ri Iyya, Puwang, harusu'i rihukkung maté.

YEREMIA 19:5

Napatettongengngi mennang mézba Baal untu' makkasuwiyangengngi ana'-ana'na selaku akkarobangeng ritunu, padahal dé' naengka Usuroi mennang pogau'i gau'éro, mala dé' naengka naompo gau' makkuwaéro ri laleng pikkirak-Ku.

YEREMIA 32:35

Patettongngi mennang sining mézba untu' Baal ri Lompo Hinom, sibawa makkasuwiyangengngi ana'-ana'na lao ri Déwa Molokh. Padahal, dé' naengka Usuroi mennang pogau'i gau'éro, mala dé' naengka naompo ri laleng pikkirak-Ku makkedaé napogau'i matu mennang pangkaukeng maja makkuwaéro nenniya mébbui tau Yéhudaé madosa.”

YEREMIA 7:31

Séuwa mézba iya riyasengngé Tofét pura napatettong mennang ri Lompo Hinom untu' makkasuwiyangengngi ana'-ana'na mennang selaku akkarobangeng ritunu. Padahal dé' naeng-Ka Usuroi mennang pogau'i gau'éro, mala dé' naengka naompo ri laleng pikkirak-Ku gau' makkuwaéro.

YEREMIA 8:2

tenniya untu' ripaddeppungeng sibawa rikuburu paimeng, sangadinna rileppessang ri tanaé selaku roppo. Iyaro buku-bukunna sining tauwé tattale'i ri yolona mata essoé, kétengngé sibawa sining wéttowing iya nangga'é déwata mennang, naélori, natumaningi, nasompa, sibawa naéllauwi panunju.

YEHEZKIEL 8:16

Natiwika ri seddé ri lalenna Bolana Puwangnge. Ri seddéna sumpang muttama'é ri bili' mapaccingngé, ri pallawangenna mézbaé sibawa loronna, engka duwappulo lima tau. Nabbokoriwi mennang bili' mapaccingngé, nanasuju' mattuju ri alau sompai mata esso mompoé.

ULANGENG 11:16

Aja' mumaélo ripabélai polé ri Puwangnge untu' massompa sibawa mattumani ri déwata-déwata laingngé.

ULANGENG 17:4

harusu'ko salidikiwi tonget-tongeng. Rékko iyaro jaé tonget-tongengngi kajajiyang ri Israélié,

ULANGENG 4:19

Aja' mumadosa nasaba musompai sibawa mattumani lao ri aga iya muwitaé ri langié: mata essoé, kétengngé sibawa wéttowing-wéttowingngé. Naleppessangngi Puwang Allataalamu bangsa-bangsa laingngé sompai iyaro aga-agaé.

YOSUA 23:16

Rékko muwajjalékkaiwi assijancing iya puraé naparéntakko Puwang Allataalamu kuwammengngi nariturusi, na mulao massompa ri déwata-déwata laingngé enrengngé sompai déwata-déwataéro, macayii matu Puwangnge, sibawa hukkukko. Ri laleng wettu iya dé'é namaitta lennye manekko matu polé ri wanuwa iya makessingngéwé, iya nawéréngngékko Puwangnge.”