ULANGENG 17:2 - KITTA KAREBA MADECENG

² Rékko muwéngkalingai makkedaé risala séddinna kotamu engka tau madosa lao ri Puwang Allataalamu nasaba najjalékkaiwi assijancingngé

ULANGENG 17:2 ပူးပေါင်းရင်းမြစ်များ

2 ARUNG-NGARUNG 18:12

Sempé'i Samaria nasaba tau Israélié dé' namatinulu lao ri Puwangnge, Allataalana mennang. Nassakkarengngi mennang assijancing iya naébbué Puwangnge sibawa mennang, nenniya najjalékkaiwi sininna paréntana Musa, atan-Na. Dé' namaélo mennang maréngkalinga sibawa turu.

2 ARUNG-NGARUNG 21:3

Onrong-ngonrong assompang déwata iya puraé naancuru Hizkia ambo'na napatettongngi paimeng. Patettongngi mézba-mézba untu' massompa lao ri Baal, sibawa mébbu dato-dato Déwi Asyéra, pada-pada iya napogau'é Ahab arunna Israélié. Nasompa towi Manasyé sining wéttowingngé.

AYUB 31:28

Dosa makkuwaéro sipato'i lolongeng pahukkungeng maté; nasaba Allataala Iya Pommakuwasaé nassakkarenni.

ASSURENG 22:19

Tau iya mallaiyé sibawa olokolo'é harusu'i riyuno.

ASSURENG 22:20

Nigi-nigi makkasuwiyangeng akkarobangeng lao ri déwata-déwata laingngé sangadinna lao ri Iyya, Puwang, harusu'i rihukkung maté.

YEREMIA 31:32

Iyakiya iyaro assijancingngé dé' napada-pada assijancing iya Uwébbué sibawa toriyolona mennang wettunna Udulung mennang massu polé ri Maséré. Namuni pada-pada-Ka séddié lakkai untu' mennang, iyakiya nassakkarengngi assijancik-Ku sibawa mennang.

YEHEZKIEL 16:38

Uhukkukko matu nasaba alawengemmu sibawa abbunowang iya puraé mupogau'ro. Ri laleng cai-Ku Uhukkung matéko matu.

HOSEA 6:7

Iyakiya pada-pada Adam, muwassakkarengngi jancimmu sibawa Iyya.

HOSEA 8:1

Makkedai Puwangnge, “Paoniwi tanrang bahayaé! Nagasai balié wanuwak-Ku pada-pada bokangngé séro'i anréna! Najjalékkaiwi umma'-Ku assijancik-Ku sibawa mennang, sibawa méwai sining pappagguruwakku.

ANGIMANGENG 20:2

powadai gau'éwé lao ri bangsa Israélié, “Tungke' tau ri yelle'mu iyaré'ga tau laing iya mattette'é ri yelle'mu, iya makkarobangngéngngi ana'na lao ri Molokh, harusu'i rigenrung batu gangka maté ri sininna masaraka'é.

ANGIMANGENG 26:15

rékko muwajjalékkaiwi assijancingeng iya Uwébbué sibawa iko enrengngé dé mumaélo turusiwi sining Upattette'é sibawa sining peraturak-Ku,

ANGIMANGENG 26:25

Maélo-Ka paompo musu ri tengnga-tengngamu untu' hukkukko nasaba purai muwajjalékkai assijancingek-Ku sibawa iko. Sibawa rékko maddeppungekko ri kotamu untu' sappa allinrungeng, maélo-Ka papolé lasa iya dé'é nawedding ripajjappa, angkanna manyarako lao ri balimmu.

ULANGENG 17:5

tau iya pasalaé harusu'i ritiwi ri saliweng kota sibawa rigenrung batu gangka maté.

ULANGENG 29:18

Jaji jagaiwi aja' narapii muwi séddi tau ri yelle'mu, worowané iyaré'ga makkunrai, kaluwarga iyaré'ga suku iya tettongngé kuwaé, balé'i polé ri Puwang Allataalata untu' massompa ri déwata-déwatana bangsa laingngé. Iyaro pangkaukenngé pada-padai ure' iya tuwoé mancaji tanet-taneng mapai sibawa makkéracungngé.

ULANGENG 29:25

Na pappébalinna iyanaritu, ‘Nasaba nassakkarengngi mennang assijancinna Puwangnge, Allataalana néné-nénéna mennang, assijancing iya naébbué sibawa mennang wettunna natiwi massu polé ri Maséré.

ULANGENG 31:20

Maéloka tiwii mennang ri wanuwa iya sugié namacommo, pada-pada iya Uwajjanciyangngé ri néné-nénéna. Kuwaro tuwoi matu sibawa masennang nenniya lolongengngi sininna inanré iya napparelluwangngé. Iyakiya ri munri balé'i matu sibawa massompa déwata-déwata laing. Nasampéyakka matu mennang sibawa massakkarengngi assijancik-Ku,

ULANGENG 4:23

Engngerangngi madécéd-décéng! Aja' muwallupaiwi assijancing iya naébbué Puwang Allataalamu sibawa iko. Turusiwi paréntana; aja' sises-siseng muwébburengngi alému dato'-dato' muwi ri laleng tappa aga untu' risompa,

IBRANI 10:28

Tau iya dé'é naturusiwi hukkung iya nabbéréyangngé Musa, rihukkung matéi tenriyaddampengeng, rékko nasabbingngi duwa tellu tau, pabuttiwi pasala.

YOSUA 23:16

Rékko muwajjalékkaiwi assijancing iya puraé naparéntakko Puwang Allataalamu kuwammengngi nariturusi, na mulao massompa ri déwata-déwata laingngé enrengngé sompai déwata-déwataéro, macayii matu Puwangnge, sibawa hukkukko. Ri laleng wettu iya dé'é namaitta lennye manekko matu polé ri wanuwa iya makessingngéwé, iya nawéréngngékko Puwangnge.”

YOSUA 7:11

Purai pogau' dosa tau Israélié. Purai Uwapparéntang kuwammengngi naturusiwi mennang assijancinna sibawa Iyya, iyakiya najjalékkaiwi mennang! Barab-barang iya harusu'é riyancuru naalai mennang. Ménnauwi mennang sibawa nasubbui ri yelle'na barab-baranna mennang kuwammengngi dé' nakaissengeng.

YOSUA 7:15

Nainappa tau iya rijello'é sibawa taroéngngi barab-barang iya riyattéyangngéro harusu'i ritunu gangka cappu silaong sibawa kaluwargana enrengngé sininna séuwa-séuwa iya nappunnangiyé; nasaba aléna majjalékkaiwi assijancingngé sibawa pogau'i ja battowaé ri tengnga-tengngana umma Israélié.”

HAKING-HAKING 2:20

Rimakkuwannanaro macai senna'ni Puwangnge lao ri umma Israélié, sibawa makkeda, “Purani Uparéntang néné-nénéna bangsaéwé kuwammengngi nakkatenningngi assijancingngé ri yelle'ta Iyya sibawa mennang. Iyakiya iyaé bangsaé napettuiwi passiyo janciéro; najjalékkaiwi mennang parénta-Ku.

HAKING-HAKING 6:31

Iyakiya mappébaliwi Yoas lao ri sininna méwaéngngiro, “Aga maccowékoga ri Baal sibawa maélo méwaiwi? Nigi-nigi maccowé ri aléna, maéloi riyuno iyaé essoé! Rékko mémengngi Baal Allataala, leppessanni aléna muto méwaiwi aléna, saba' iyaro ribongkara'é iyanaritu mézbana.”