ULANGENG 16:4 - KITTA KAREBA MADECENG

⁴ Pitungngesso ittana risininna wanuwammu dé' muwi séddi tau taro ragi ri bolana. Juku olokolo iya nagéréé ri wenni mammulangngé harusu'i riyanré gangka cappu ri wenniéttoro.

ULANGENG 16:4 ပူးပေါင်းရင်းမြစ်များ

ASSURENG 12:10

Aja' musésai muwi céddé polé ri jukuéro narapi élé; rékko engka sésana, harusu'i ritunu gangka cappu.

ASSURENG 12:15

Makkedai Puwangnge, “Pitungngesso ittana dé' naweddikko manré roti iya engkaé raginna. Ri esso mammulangngé sininna ragié harusu'i ripassu polé ri bolamu, saba' rékko ri laleng pitungngessoéro séddié tau manré roti iya engkaé raginna, dé'na nawedding riyangga anggotana umma'-Ku.

ASSURENG 12:6

Harusu'ko taroi narapi tanggala seppulo eppa. Iyaro essoé, arawénna, sininna umma Israélié harusu'i géréi iyaro bimbala'é.

ASSURENG 12:8

Iyatoro wennié harusu'i ripanggang jukuna enrengngé riyanré sibawa ukkaju mapai nenniya roti dé' raginna.

ASSURENG 13:7

Pitungngesso ittana dé' naweddikko manré roti iya engkaé raginna, sibawa ri sininna wanuwammu dé' nawedding engka ragi iyaré'ga agi-agi iya engkaé raginna.

ASSURENG 23:18

Aja' muwakkasuwiyangeng roti iya engkaé raginna ri wettu muwakkarobangenna olokolo'é lao ri Iyya. Lunra olokolo iya riyakkasuwiyangengngé lao ri Iyya ri lalenna ramé-raméro dé' nawedding ritaro narapi bajana éléé.

ASSURENG 34:25

Wettummu makkasuwiyangeng olokolo rigéré, aja' muwakkasuwiyangeng aga-aga iya riyébbué paké ragi. Olokolo iya rigéréé untu' akkarobangeng Ramé-ramé Paskaé harusu'i ripaccappu ri wenniéttoro; dé' nawedding engka sésana narapi pappa bajana.

MATIUS 13:33

Engka séuwa pakkalarapangeng laing iya nacuritaé Yésus lao ri tau maégaé. “Rékko mapparéntai Allataala, keadaanna pada-padai ragi iya nalaé séddié makkunrai, nainappa napasigaru patappulo banna labbu tarigu angkanna sawé maneng.”

ULANGENG 16:5

Olokolo untu' Ramé-ramé Paskaé harusu'i rigéré ri onrong iya napilé Puwang Allataalamu sibawa dé' nawedding ri onrong laingngé risininna wanuwa iya Nawéréngngékko. Iyaro gau'éro harusu'i mupogau'i ri wettu labuna essoé, pada-pada wettummu salaiwi tana Maséré.