ULANGENG 16:3 - KITTA KAREBA MADECENG

³ Iyaro pakkasuwiyang Paskaé harusu'i riyanré sibawa roti iya dé'é raginna. Pitungngesso ittana harusu'ko manréi roti iya dé'é raginna, pada-pada wettunna musalai tana Maséré sibawa mapperi-peri. Anréi iyaro rotié, roti iya riteppué roti anrasa-rasang, kuwammengngi gangka tuwomu muwéngngerangngi matu esso musalainna Maséré, onrommu manrasa-rasa.

ULANGENG 16:3 ပူးပေါင်းရင်းမြစ်များ

1 ARUNG-NGARUNG 22:27

Suroi mennang puttama'i ri laleng attarungkungngé, sibawa mpéréngngi inanré sibawa uwai rinung céddé'na bawang narapi lisuka sibawa salama.”

MAZMUR 102:9

Puppu esso napakatunaka balié; napancaji tanroi asekku tau iya macaié lao ri iyya.

MAZMUR 111:4

Iyaro Puwangnge mamaséi sibawa pacarinnai, Napogau'i sining pangkaukeng iya mappabengngaé, kuwammengngi natette'ki méngngerangngi.

MAZMUR 127:2

Paracuma bawang marejjing majjama sappa dallé, maélé moto sibawa matinro malalempenni; saba' napassadiyai Puwangnge untu' mennang iya Namaséiyé, wettunna mennang matinro.

ASSURENG 12:11

Wettummu manréi harusu'ko mappaké sukku mémenna untu' allalengeng, sandala ri ajé sibawa tekkeng ri limaé. Harusu'ko manréi mapperi-peri. Iyanaro Ramé-ramé Paskaé untu' pakalebbika Iyya, Puwang.

ASSURENG 12:17

Iyaro essoé sininna bangsamu Utiwii massu polé ri Maséré. Rimakkuwannanaro untu' matteru-teru, tungke' taung, iyaro essoé harusu'i muparéngngerangi selaku esso maraja.

ASSURENG 12:39

Tununi mennang roti dé'é raginna polé ri lama labbu iya natiwié mennang polé ri Maséré. Ripaddésu'ni mennang polé kuwaro sibawa tennasenna-senna, angkanna dé' narapii passadiya bokong.

ASSURENG 12:8

Iyatoro wennié harusu'i ripanggang jukuna enrengngé riyanré sibawa ukkaju mapai nenniya roti dé' raginna.

ASSURENG 34:18

Ramé-raméiwi Pésta Roti Dé'é Raginna. Pada-pada puraé Uparéntakko, harusu'ko manré roti dé'é raginna pitungngesso ittana ri laleng uleng Abib, nasaba ri laleng ulengngéro musalaiwi Maséré.

YESAYA 52:12

Dé' mumapperi-peri matu lao, sibawa dé' napada-pada tau iya lariyé. Saba' Puwangnge pimpikko matu; Allataalana Israélié linrungiko polé ri sininna sulapa'é.

ANGIMANGENG 23:6

Pappa bajana, tanggala seppulo lima, mappammulani Ramé-ramé Roti Dé'é Raginna, na pitungngesso ittana dé' nawedding manré roti iya riyébbué paké ragi.

ZAKHARIA 12:10

Nainappa wija-wijanna Daud enrengngé pabbanuwana Yérusalém Uwéréngngi matu ati iya pojiyéngngi mamasé sibawa pojiyéngngi massempajang. Naitai matu mennang iya puraé nagajang mennang sibawa mpatingiwi pada-pada tau mpatingiyéngngi amaténna ana' tungke'na. Mpatingngi matu mennang sibawa mamasé, pada-pada tau iya ateddéngengngénna ana' macowa.

ABBILANGENG 28:17

Esso rappina, tanggala seppulo lima, mappammulai Ramé-ramé Roti dé'é Raginna, na pitungngesso ittana dé' naweddikko manré roti iya riyébbué paké ragi.

ABBILANGENG 9:11

Iyakiya iyaro ramé-ramé harusu'i ripakangka siuleng rimunrinna, iyanaritu ri wenni tanggala seppulona eppa ri laleng uleng duwa. Ramé-raméiwi iyaro essoé sibawa manré bimbala Paska silaong roti iya dé'é napaké ragi sibawa ukkaju mapai.

LUKAS 22:19

Purairo nalani Yésus rotié. Napuranana massempajang sukkuru', Napuwé'-puwé'ni iyaro rotié sibawa liman-Na, nainappa nawéréng mennang, sibawa makkeda, “Iyanaé tubuk-Ku [iya riyabbéréyangngé untu' iko. Pogau'ni iyaé untu' sénge'-Ka.”

1 KORINTUS 5:8

Jaji, laono mai taramé-raméiwi iyaro péstaé sibawa roti iya dé'é gaga raginna, iyanaritu roti maddapangengngéngngi apaccingengngé sibawa sininna iya nasitujuiyé atinna Allataala. Aja' taramé-raméiwi pésta Paskaéro sibawa roti iya engkaé ragi launna, iyanaritu ragi dosa sibawa ja.

ULANGENG 16:2

Laono ri onrong iya napilé Puwangnge untu' géréi sikaju polé ri bémbé bimbala'mu iyaré'ga sapimmu selaku pakkasuwiyang Paska untu' pakalebbii Puwang Allataalamu.

ULANGENG 4:9

Pénessaiwi sibawa éngngerangngi madécéd-décéng, kuwammengngi sillampé umuru'mu dé' muwallupaiwi aga pura alému sabbingngi. Curitangngi lao ri ana'-eppomu

1 TESALONIKA 1:6

Muwaccowériwi kédo-kédota sibawa kédo-kédona Puwangngé. Namuni manrasa-rasa senna'ko, mutarimai sibawa marennu karéba iya riyabbirittangngé lao ri iko. Iyaro arennungngé nabbéréyangngi Rohna Allataala.

YOSUA 4:7

sitinajako paissengiwi mennang makkedaé uwaina Salo Yordan pettui wettunna Petti Assijancinna Puwangnge ritiwi malléttoiwi saloéro. Iyaro batu-batué tuli naparéngngerangiwi matu bangsa Israélié lao ri aga iya kajajiyangngé kuwaé.”