ULANGENG 16:2 - KITTA KAREBA MADECENG

² Laono ri onrong iya napilé Puwangnge untu' géréi sikaju polé ri bémbé bimbala'mu iyaré'ga sapimmu selaku pakkasuwiyang Paska untu' pakalebbii Puwang Allataalamu.

ULANGENG 16:2 ပူးပေါင်းရင်းမြစ်များ

2 ARUNG-NGARUNG 23:21

Nainappa napparéntang Arung Yosia lao ri ra'ya'é untu' ramé-raméiwi Paskaé pada-pada iya tarokié ri laleng kitta Assijancingngé Sibawa Puwangnge. Nanallalengiwi napakalebbii mennang Puwangnge, Allataalana.

2 TAWARIKH 35:7

Kuwammengngi nasining tau iya engkaé ri Ramé-ramé Paskaéro weddingngi makkasuwiyangeng akkarobangeng Paska, massumbanni Arung Yosia polé ri olokolo'na muto 30.000 kajunna bimbala, ana' bimbala sibawa bémbé lolo, enrengngé 3.000 kajunna saping lai.

ABBILANGENG 9:2

“Ri tanggala seppulo eppa ulengngéwé, mappammulai labunna essoé, harusu'i tau Israélié ramé-raméiwi Paskaé situru peraturang iya puraé ripattette.”

MATIUS 26:17

Ri esso mammulangngé ri laleng Ramé-ramé Roti Dé'é Raginna, poléni ana'-ana' gurunna Yésus ri Aléna. Makkutanani mennang, “Kégai Bapa' macinna ripassadiyangeng nanre Paska?”

MATIUS 26:2

“Muwissettu duwangngessopi na Esso Maraja Paska, na Ana'na Tolinoé riyabbéréyangngi matu untu' risalli!”

MARKUS 14:12

Ri esso pammulanna ri laleng Ramé-ramé Roti Dé'é Raginna – wettunna tauwé géréi bimbala' Paskaé – makkutanani ana'-ana' gurunna Yésus ri Aléna, “Kégai nacinnai Bapa' passadiyaki nanré Paska untu' Bapa'?”

LUKAS 22:15

Nakkeda lao ri mennang, “Macinna senna'-Ka sisamako manré nanré Paskaéwé riwettu dé'napa Uwanrasa-rasa.

LUKAS 22:8

Nasuroni Yésus Pétrus sibawa Yohanés, “Laono mupassaniyasangekki nanré Paska.”

1 KORINTUS 5:7

Abbéyangngi riyolo' ragi iya malaungngéro, iyanaritu ragi dosaé, kuwammengngi mumancaji pada-pada lama labbu iya barué, mapaccing polé ri ragi dosa malaungngé, na uwisseng makkedaé mémeng iko makkuwakoro. Saba' ramé-ramé Paskata sadiyani, nasaba Kristus mancaji selaku bimbala' Paskata, purani riyakkarobangeng.

ULANGENG 12:11

Nainappa piléi matu Puwang Allataalamu séddi onrong kégi wedding risompa. Kuwaniro harusu lao tiwii sininna iya puraé Uwapparéntang, iyanaritu akkarobangeng ritunué sibawa akkarobangeng-akkarobangeng laingngé, pakkasuwiyang tawaseppulomu sibawa pakkasuwiyang ripallaing iya muwajjanciyangngé lao ri Puwangnge.

ULANGENG 12:14

iyakiya banna ri onrong iya napilé Puwangnge ri sala' séddinna sukummu. Kuwaro bawang harusu'ko makkasuwiyangeng akkarobangeng ritunu sibawa pogau'i gau' laing iya uparéntangngékko.

ULANGENG 12:18

Iko sibawa ana'-ana'mu, silaong ata-atammu enrengngé sining tau Léwié iya monroé ri kotamu, harusu'i manréi pakkasuwiyangngéro ri yolona Puwang Allataalamu, ri onrong iya napilé Puwang Allataalamu. Na ri onrongngéro harusu'ko marennu nasaba sininna usahamu.

ULANGENG 12:26

Sininna akkarobangngé sibawa pakkasuwiyangngé iya puraé muwajjanciyang lao ri Puwangnge, harusu'i mutiwi ri onrong iya napilé Puwangnge.

ULANGENG 12:5

Polé risininna daérana suku-suku Israélié, Puwang Allataalamu pilé matu séddi onrong kuwammengngi iyaro bangsata weddingngi lao ri yolo-Na sibawa sompai Aléna.

ULANGENG 15:20

Tungke' taung harusu'ko sikaluwarga manréi jukuna ri yolona Puwang Allataalamu, ri onrong iya napilé Puwangnge.

ULANGENG 16:1

“Ramé-raméiwi Paskaé ri laleng uleng Abib untu' pakalebbii Puwang Allataalamu, saba' ri laleng ulengngéro, ri wennié, Napaleppe'ko polé ri Maséré.

ULANGENG 16:3

Iyaro pakkasuwiyang Paskaé harusu'i riyanré sibawa roti iya dé'é raginna. Pitungngesso ittana harusu'ko manréi roti iya dé'é raginna, pada-pada wettunna musalai tana Maséré sibawa mapperi-peri. Anréi iyaro rotié, roti iya riteppué roti anrasa-rasang, kuwammengngi gangka tuwomu muwéngngerangngi matu esso musalainna Maséré, onrommu manrasa-rasa.