ULANGENG 15:9 - KITTA KAREBA MADECENG

⁹ Aja' musampéyangngi untu' painrengiwi sibawa alasang makkedaé taung pappaledda inrengngé macawé'ni. Aja' muleppessangngi nawa-nawa maja makkuwaéro muttama ri laleng atimmu. Rékko dé' mumaélo mappainreng, iyaro tauwé mangobbii matu lao ri Puwangnge untu' mappissengekko, naripannessako matu pasala.

ULANGENG 15:9 ပူးပေါင်းရင်းမြစ်များ

AYUB 34:28

Mennang nassabariwi namaddaréké tau kasiyasié naéngkalingai Allataala terinna mennang.

MAZMUR 101:3

dé' matu uleppessangngi jaé. Ucéccé pangkaukenna tau massakkaé, sibawa dé' umaélo makkéurusang sibawa mennang.

MAZMUR 12:5

iya makkedaé, “Makuwasaki sibawa lilata! Agi-agi riyulléi powadai, na dé'gaga iya weddingngé lawa-lawaiwi!”

MAZMUR 9:12

Pojiwi Puwang iya mapparéntaé ri Sion! Curitanni pangkauken-Na lao ri bangsa-bangsaé!

ASSURENG 22:22

Aja' mugaukengngi jandaé iyaré'ga ana' béué sibawa siélo-élo.

ASSURENG 22:23

Rékko mupéjariwi mennang, Iyya, Puwang méngkalingai matu mennang rékko mangobbii méllau tulung lao ri Iyya.

ASSURENG 3:7

Nanakkedana Puwangnge, “Uwitani anrasa-rasanna umma'-Ku ri Maséré, sibawa méngkalingai mennang gora méllau ripaleppe polé risining tau iya tenre'éngngi mennang. Sitongenna, uwisseng maneng anrasa-rasanna mennang.

AMSAL 14:21

Niga pakatunai tau laingngé, pogau'i dosa; niga makessing ati lao ri tau kasiyasié, masennangngi matu.

AMSAL 21:13

Niga dé' namaélo méngkalinga addarékéna tau iya akurangengngé dé' matu narijampangi rékko aléna méllau pattulung.

AMSAL 23:6

Aja' musisama manré tau masékké'é. Aja'to muwacinnaiwi inanréna iya malunra'é.

AMSAL 24:9

Tungke siyasa'na tau madonggoé iyanaritu dosa. Tau iya tuli cellaéngngi tau laingngé, dé' narisennangiwi muwi ri niga.

AMSAL 28:22

Tau iya mangowaé macinnai masitta sugi; dé' namaingekiwi makkedaé akasiyasingngé masitta kennai aléna.

AMSAL 4:23

Jagaiwi atimmu madécéd-décéng, saba' atimmu pattentué lalenna atuwommu.

YEREMIA 17:10

Iyya, Puwang, salidikiwi atié, Uwojiwi baténna tolinoé. Uwale'i matu tungke tauwé situru kédo-kédona, sibawa Ugaukeng situru sibawa pangkaukenna.”

YEREMIA 34:14

Makkedaka makkedaé sininna ata Ibrani iya puraé mattumani enneng taung ittana, harusu'i ripaleppe ri cappa'na taung mapitué. Iyakiya toriyolomu dé' namaélo puriyatiwi iyaré'ga méngkalingai aga iya Upowadaéro.

MATIUS 15:19

Saba' nawa-nawa majaé mompoi polé ri atié, iya nassabariyé tauwé mabbuno, malaweng, kédo maja, ménnau, mabbéré sabbi bellé-bellé sibawa mappétenna.

MATIUS 20:15

Dé'ga naweddikka pogau'i siéloku lao ri appunnangekku? Iyaré'ga mangémpurukoga, nasaba makacuwaka?’ ”

ULANGENG 15:1

“Tungke' cappa taung mapitué harusu'ko pakangka alleddangeng inreng.

ULANGENG 24:15

Tungke' esso ri wettu dé'napa nalabu essoé harusu'ko wajai sarona untu' jamanna iyaro essoé; namménasaiwi iyaro dowié nasaba napparelluwangngi. Rékko dé' muwajai sarona, mangobbii matu ri Puwangnge untu' méllau tulung lao ri iko, naripannessako madosa.

ULANGENG 31:10

Naparéntanni mennang, “Ri cappa'na tungke' pitu taung, ri laleng taung pappaledda inrengngé ri pésta Kalampang Daud-daungngé,

YAKOBUS 4:17

Rimakkuwannanaro, tau iya missengngéngngi aga iya makessingngé iya harusu'é napogau' iyakiya dé' napogau'i, madosai iyaro tauwé.

YAKOBUS 4:5

Aja' muwasengngi makkedaé Kitta'é temmakkéalasangngi nakkeda, “Ri laleng aléta Allataala taroi Roh iya matedde'é cinnana.”

YAKOBUS 5:4

Dé' muwajai sarona sining tau iya majjamaé ri dare'mu. Engkalingani makkekkuwangngé addarékénna mennang! Sining tau iya paddeppungengngéngngi wassélé dare'na, gora méllau tulung nagorana mennang lettu'ni ri daucculinna Allataala, Puwang Iya Pommakuwasaé.

YAKOBUS 5:9

Aja' muwannoko'-noko' sibawa sisullé sipassala, kuwammengngi nadé' narihukkukko ri Allataala. Engngerangngi! Macawé'ni Hakingngé, sadiyani untu' polé.

1 PETRUS 4:9

Sitinajako tarimai séddié lao ri laingngé ri bolana tungke'-tungke', temmaddaréké.