ULANGENG 15:6 - KITTA KAREBA MADECENG

⁶ Puwang Allataalamu barakkakiko matu pada-pada iya Najjanciyangngé. Mappainrekko matu dowi lao ri maéga bangsa, iyakiya iko dé' muwinreng; mukuwasaiwi matu maéga bangsa, iyakiya mennang dé' nakuwasaiko matu.

ULANGENG 15:6 ပူးပေါင်းရင်းမြစ်များ

1 ARUNG-NGARUNG 4:21

Tungke' kaluwarga mappunnai palla anggoro sibawa palla ara. Gangka tuwona Salomo ra'ya'é ri sininna Yéhuda sibawa Israélié polé ri Dan lettu ri Bersyéba tuwoi amang sibawa masennang. Saba' sininna arungngé ri seddé yajanna Efrat tunru'i ri aléna, sibawa sininna bangsaé polé ri wanuwa-wanuwaé ri seddé akkarungenna massellaowi sibawa aléna. Tanaé ri seddé yajanna Salo Efrat polé ri Tifsah ri wirinna Salo Efrat matteru liyajang ri kota Gaza ri Filistin lettu ri pakkasésénna Maséré, iya manenna nakuwasaiwi Salomo. Bangsa-bangsaé ri wanuwaéro tunru'i ri aléna sibawa makkamaja pakkasuwiyang. Barab-barang inanré iya napparelluwangngé Salomo tungke' esso iyanaritu 5.000 bang labbu nenné, sibawa 10.000 bang labbu kasara', 10 saping ripangkung, 20 saping ri padangngé, sibawa 100 bimbala. Ri lainnaéro, jongato, palando sibawa manu'-manu'.

1 TAWARIKH 17:27

Rimakkuwannanaro, uwéllauwi, tabarakkakini wija-wijakku kuwammengngi namannennungeng tette'i narasa pammasému. Saba' Idi pura barakkakiwi umma'-Mu, oh Puwang, natette matu mennang ribarakkaki untu' mannennungeng.”

2 TAWARIKH 9:26

Nakuwasaiwi sininna arungngé ri daéra iya mallebba'é polé ri Salo Efrat lettu ri wanuwa Filistin sibawa pakkasésénna Maséré.

EZRA 4:20

Engka naengka napparénta arung-ngarung iya poré kuwaro sibawa makuwasaiwi sininna propinsi Efrat Yajang enrengngé pajoppai sima sibawa pakkasuwiyang.

NEHEMIA 9:27

na-Muwabbéréyangngi mennang lao ri balinna iya nasibawangngé apéddarang makuwasaiwi sibawa tenre'i. Iyakiya ri laleng asussang iya patenre'é, mangobbii mennang lao ri Iko méllau bantuwang. Polé ri surugaé Muwéngkalingai; nasibawang pammasé Mubaliwi. Kirik-Ko pamimping sibawa pabbarani iya paleppe'éngngi mennang polé ri balié.

MAZMUR 112:5

Masennangngi tau iya makacuwaé sibawa napoji mappainreng enrengngé malempu risininna urusangngé.

MAZMUR 37:21

Minrengngi tau majaé nadé' napalisui, iyakiya tau makessingngé mabbéréi sibawa makacuwa.

MAZMUR 37:26

Tuli mappainrengngi sibawa mabbéré, sibawa ana'-ana'na mancaji barakka'i lao ri aléna.

AMSAL 22:7

Tau kasiyasié rikuwasaiwi ri tau sugié; tau iya minrengngé rikuwasaiwi ri tau iya mappainrengngé.

LUKAS 6:35

Sitonget-tongenna dé' nakkuwaro! Sibalé'na harusu'ko mamaséiwi balimmu sibawa pogau'i makessingngé lao ri mennang. Harusu'ko mappainreng, naaja' murennuwangngi lisu. Rékko makkuwairo, battowai saromu sibawa mancajiko matu ana'-ana'na Allataala Iya Pommatanré. Saba' makessing atiwi Allataala lao ri tau iya dé'é naissengngi mattarima kasi, sibawa lao ri iya majaétto.

ULANGENG 15:5

assaleng matinuluko lao ri Puwang Allataalamu, sibawa mupogau'na tonget-tongeng sininna iya uwapparéntangngé lao ri iko iya essoéwé.

ULANGENG 28:44

Mappunnaiwi mennang dowi untu' napainrengiko, iyakiya dé' muwappunnai agaga untu' riyappainrengeng lao ri mennang. Na angkanna nakuwasaiko mennang.