ULANGENG 15:4 - KITTA KAREBA MADECENG

⁴ Puwang Allataalamu barakkakiko matu ri wanuwa iya Nawéréngngékko. Na ri yelle'na bangsamu dé'na matu tau kasiyasi,

ULANGENG 15:4 ပူးပေါင်းရင်းမြစ်များ

AMSAL 14:21

Niga pakatunai tau laingngé, pogau'i dosa; niga makessing ati lao ri tau kasiyasié, masennangngi matu.

AMSAL 28:27

Niga mabbéré lao ri tau kasiyasié dé' naakurangeng matu. Niga tutu'i matanna lao ri apparelluwanna tau kasiyasié, nakennai matu abusungeng.

ULANGENG 14:29

Iyaro inanré untu' tau Léwié, nasaba dé' nappunnai mennang tana, na untu' taung laingngé, ana' béué sibawa sining jandaé iya tuwoé ri kota-kotamu. Weddingngi mennang polé sibawa malai sininna iya napparelluwangngé mennang. Rékko mupogau'i makkuwaéro, Puwang Allataalamu barakkakiwi sininna usahamu.”

ULANGENG 15:5

assaleng matinuluko lao ri Puwang Allataalamu, sibawa mupogau'na tonget-tongeng sininna iya uwapparéntangngé lao ri iko iya essoéwé.

ULANGENG 28:11

Riwérékko matu maéga ana'. Maégai matu olokolo'mu sibawa wassélé tanamu maonai ri wanuwa iya Najjanciyangngé Puwangnge lao ri néné-nénému untu' Nawérékko.

ULANGENG 3:18

Iyaro wettué, uwéréngngi mennang paréntaéwé: Nawérékko Puwang Allataalamu daéra seddé alauna Salo Yordan untu' onrong muwonroi. Iyakiya prajuri'-prajuri'mu harusu'i massenjata sibawa malléttoiwi Salo Yordan poddiyoloiwi suku-suku Israél iya laingngé.

ULANGENG 4:21

Iyakiya macayii Puwang Allataalamu lao ri iyya nasaba iko, namattanroi makkedaé dé' uwalléttoiwi matu Salo Yordan untu' muttama ri tana iya macommo'é iya maéloé nawérékko.